完整藏文原文 · 德格版页 当前仅加载第 37 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
དབྱིངས་ཀྱི་སྤྱོད་ཡུལ་དང་ཡང་ལྡན་ལ་སེམས་ཅན་གྱི་ཁམས་ཀྱི་སྤྱོད་ཡུལ་དུ་ཡང་སྣང་ངོ་། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་སངས་རྒྱས་ཀྱི་སྤྱོད་ཡུལ་ལ་མངོན་པར་དགའ་བའང་ཡིན་ལ་བདུད་ཀྱི་སྤྱོད་ཡུལ་ལ་གནས་པར་ཡང་སྣང་ངོ་། །
D44.037.0199b01.01ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་མྱ་ངན་ལས་འདས་པའི་སྤྱོད་ཡུལ་དང་ཡང་ལྡན་ལ་འཁོར་བའི་སྤྱོད་ཡུལ་ལས་ཀྱང་མི་གཡོའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ཐམས་ཅད་མཁྱེན་པ་ཉིད་ཀྱི་སྤྱོད་ཡུལ་དང་ཡང་
D44.037.0199b02.01ལྡན་ལ་བྱང་ཆུབ་སེམས་དཔའི་སྤྱོད་ཡུལ་གྱི་རྒྱུད་ཀྱང་རྒྱུན་མི་གཅོད་དོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ཞི་བ་དང་རབ་ཏུ་ཞི་བ་དང་ཉེ་བར་ཞི་བའི་སྤྱོད་ཡུལ་དང་ཡང་ལྡན་ལ་སེམས་ཅན་མ་ཞི་བ་རབ་ཏུ་མ་ཞི་བ་ཉེ་བར་མ་ཞི་བའི་
D44.037.0199b03.01སྤྱོད་ཡུལ་ཅན་རྣམས་ཀྱང་རྣམ་པར་མི་སྤོང་ངོ་། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་བླང་བ་མེད་པ་དང་། དོར་བ་མེད་པ་དང་། སྤྲོས་པ་མེད་པ་དང་མི་འཕྲོ་བ་དང་། མཚན་མ་མེད་པ་དང་དངོས་པོ་མེད་པ་དང་རྣམ་པར་མི་དམིགས་
D44.037.0199b04.01པ་དང་བར་སྣང་དང་མཉམ་པའི་སྤྱོད་ཡུལ་དང་ཡང་ལྡན་ལ་སེམས་ཅན་སྤྲོས་པ་དང་། མཚན་མ་ཐམས་ཅད་དུ་དམིགས་པའི་སྤྱོད་ཡུལ་ཅན་རྣམས་ཀྱི་གནས་ནའང་སྣང་ངོ་། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་སྟོབས་དང་། རྣམ་
D44.037.0199b05.01པར་ཐར་བའི་སྤྱོད་ཡུལ་དང་ཡང་ལྡན་ལ་ཕྱོགས་གཅིག་པའི་སྤྱོད་ཡུལ་ཐམས་ཅད་དུའང་སྣང་ངོ་། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་སེམས་ཅན་མེད་པའི་མཐའི་སྤྱོད་ཡུལ་དང་ཡང་ལྡན་ལ་སེམས་ཅན་ཐམས་ཅད་ཡོངས་སུ་སྨིན་པར་བྱ་བ་ཡང་རྣམ་པར་མི་སྤོང་ངོ་། །
D44.037.0199b06.01ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་བསམ་གཏན་དང་། རྣམ་པར་ཐར་པ་དང་། རྟོགས་པ་དང་ཡེ་ཤེས་དབེན་པའི་སྤྱོད་ཡུལ་དང་ཡང་ལྡན་ལ། འཇིག་རྟེན་གྱི་ཁམས་ཐམས་ཅད་དུ་སྐྱེ་བར་ཡང་སྣང་ངོ་། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་
D44.037.0199b07.01