完整藏文原文 · 德格版页 当前仅加载第 37 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
འགེངས་པ། །སེམས་ཅན་བསོད་ནམས་བྱས་པས་སངས་རྒྱས་དེ་མཐོང་སྟེ། །རྒྱལ་བའི་སྐུ་མཆོག་དེ་དག་ཆོས་ཀྱི་དབྱིངས་མཉམ་པར། །སྐུ་ཚེ་བྱིན་གྱིས་བརླབས་པས་ཡན་ལག་ཀུན་དང་ལྡན། །ཇི་ལྟར་སངས་རྒྱས་མ་སྐྱེས་སྐྱེས་པར་
D44.037.0135a01.01བརྗོད་གྱུར་པ། །དེ་བཞིན་ཞིག་པ་མེད་ཀྱང་མྱ་ངན་འདས་ཤེས་བརྗོད། །དཔེ་དང་དབྱངས་དང་ཚིག་གི་ལམ་རྣམས་ཀུན་གྱིས་དབེན། །དོན་གྲུབ་སངས་རྒྱས་ལྷ་ཡི་དམ་པ་མཚུངས་པ་{མྱེད,མེད}། །དེ་སྐད་ཅེས་སྨྲས་པ་དང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་
D44.037.0135a02.01པའི་རིགས་སུ་བྱུང་བའི་དཔལ་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་མཐོང་བ་དང་ཐོས་པ་དང་དེ་དག་དང་འགྲོགས་པས་དགེ་
D44.037.0135a03.01བའི་རྩ་བ་སྐྱེ་བར་འགྱུར་བ། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟ་བུར་ཁོང་དུ་ཆུད་པར་བྱ། དེ་སྐད་ཅེས་སྨྲས་པ་དང་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་
D44.037.0135a04.01པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་མཐོང་བ་དང་ཐོས་པ་དང་དེ་དག་དང་འགྲོགས་པའི་དགེ་བའི་རྩ་བ་སྐྱེ་བར་འགྱུར་བ་ནི། བྱང་ཆུབ་
D44.037.0135a05.01སེམས་དཔའ་སེམས་དཔའ་ཆེན་པོས་མི་ཟད་པ་མངོན་པར་བསྒྲུབ་པའི་བློས་དོན་ཡོད་པ་དང་། བགེགས་མེད་པ་དང་། ཤིན་ཏུ་མཐར་ཐུག་པར་འགྲུབ་པ་དང་མི་བསླུ་བ་དང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དང་། འདུས་བྱས་ཐམས་ཅད་ལ་སྤྱོད་པའི་
D44.037.0135a06.01རྒྱུན་མི་ཟད་པ་དང་། འདུས་མ་བྱས་ཀྱི་ཡེ་ཤེས་འཐོབ་པར་འགྱུར་བ་དང་། དེ་བཞིན་གཤེགས་པའི་ཡེ་ཤེས་སྐྱེ་བར་འགྱུར་བ་དང་། ཕྱི་མའི་མཐའི་མུ་མཐའ་ཡས་པའི་མཐར་ཐུག་པར་འགྱུར་བ་དང་། རང་བྱུང་གི་རྣམ་པའི་མཆོག་ཐམས་ཅད་དང་ལྡན་པ་འཐོབ་པར་འགྱུར་
D44.037.0135a07.01