完整藏文原文 · 德格版页 当前仅加载第 37 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཕོག་ན། བྱང་ཆུབ་སེམས་དཔའི་སྨོན་ལམ་གྱི་བསམ་པས་བྱུང་བའི་བསོད་ནམས་ཀྱི་ཆུའི་ཕུང་པོ་ཡོངས་སུ་འགྲིབ་པར་འགྱུར་ཏེ། དེ་དག་ཡོད་པས་དེ་བཞིན་གཤེགས་པའི་ཡེ་ཤེས་ཀྱི་རྒྱ་མཚོ་ཆེན་པོ་གང་བ་དང་འགྲིབ་པར་
D44.037.0113a01.01མི་མངོན་ནོ། །བཞི་པོ་དེ་དག་ཀྱང་གང་ཞེ་ན་འདི་ལྟ་སྟེ། དབའ་རླབས་ཐམས་ཅད་ཞི་བར་བྱེད་པའི་ཡེ་ཤེས་རིན་པོ་ཆེ་ཆེན་པོ་དང་། ཆོས་ཀྱི་རྗེས་སུ་འབྲང་ཞིང་སྲེད་པ་ཡོངས་སུ་ཟད་པར་བྱེད་པའི་ཡེ་ཤེས་རིན་པོ་ཆེ་ཆེན་པོ་དང་། ཤེས་རབ་ཀྱི་འོད་ཆེན་པོས་
D44.037.0113a02.01ཤིན་ཏུ་སྣང་བའི་ཡེ་ཤེས་རིན་པོ་ཆེ་ཆེན་པོ་དང་། མུན་པ་མེད་ཅིང་སྣང་བ་{མྱེད་,མེད་}པ་དེ་བཞིན་གཤེགས་པའི་མཉམ་པ་ཉིད་ཀྱི་ཡེ་ཤེས་རིན་པོ་ཆེ་ཆེན་པོ་སྟེ། དེ་བཞིན་གཤེགས་པའི་ཡེ་ཤེས་རིན་པོ་ཆེ་མཐུ་དང་། གཟི་བརྗིད་ཤིན་ཏུ་ཆེ་བ་འདི་བཞི་ཡོད་དོ། །
D44.037.0113a03.01ཀྱེ་རྒྱལ་བའི་སྲས་དེ་བཞིན་གཤེགས་པའི་ཡེ་ཤེས་རིན་པོ་ཆེ་ཆེན་པོ་འདི་བཞིའི་གཟི་བརྗིད་དང་མཐུས་བྱང་ཆུབ་སེམས་དཔའ་ཐམས་ཅད་ཀྱང་དེ་བཞིན་གཤེགས་པའི་ཡེ་ཤེས་མཉམ་པ་ཉིད་འཐོབ་པར་འགྱུར་རོ། །ཀྱེ་རྒྱལ་བའི་སྲས་དེ་ལྟར་དེ་བཞིན་གཤེགས་པའི་
D44.037.0113a04.01ཡེ་ཤེས་ཀྱི་རྒྱ་མཚོ་ཆེན་པོ་དེ་ལ་བྱང་ཆུབ་སེམས་དཔའ་བསོད་ནམས་དང་། བྱང་ཆུབ་ཀྱི་ཚོགས་ཆེན་པོ་བསྩགས་པ་རྣམས་ཀྱི་དགེ་བའི་རྩ་བའི་དབའ་རླབས་ཀྱི་ཤུགས་དྲག་པོ། །ལྷ་དང་མི་དང་ལྷ་མ་ཡིན་གྱི་འཇིག་རྟེན་དུ་བཅས་པས། མི་ཟློགས་ཤིང་
D44.037.0113a05.01བསམ་གྱིས་མི་ཁྱབ་པ་ལྡང་སྟེ། བྱང་ཆུབ་སེམས་དཔའ་དགེ་བའི་རྩ་བའི་དབའ་རླབས་ཀྱི་ཤུགས་བསམ་གྱིས་མི་ཁྱབ་པ་དེ་དག་ལ་དེ་བཞིན་གཤེགས་པའི་ཡེ་ཤེས་རིན་པོ་ཆེ་ཆེན་པོའི་དབའ་རླབས་ཐམས་ཅད་ཞི་བར་བྱེད་པའི་འོད་ཀྱིས་ཕོག་ན། དགེ་བའི་རྩ་
D44.037.0113a06.01བའི་དབའ་རླབས་ཀྱི་ཤུགས་དྲག་པོ་སྤངས་ནས། ཏིང་ངེ་འཛིན་ལ་རྩེ་གཅིག་ཏུ་གནས་པར་འགྱུར་རོ། །ཆོས་ཀྱི་རྗེས་སུ་འབྲང་ཞིང་སྲེད་པ་ཟད་པར་བྱེད་པའི་ཡེ་ཤེས་རིན་པོ་ཆེ་ཆེན་པོའི་འོད་ཀྱིས་ཕོག་ན། ཏིང་ངེ་འཛིན་གྱི་རོ་དང་གནས་རྣམ་པར་སྤངས་ཏེ།
D44.037.0113a07.01