完整藏文原文 · 德格版页 当前仅加载第 37 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་འདི་སྙམ་དུ་སེམས་ཏེ། བདག་བསྐལ་པ་བརྗོད་དུ་མེད་པར་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་རྣམས་དང་མི་འབྲལ་བར་འགྱུར་རོ། །ཞེས་དབུགས་ཕྱིན་པ་ཆེན་
D44.037.0161b01.01པོ་རབ་ཏུ་འཐོབ་བོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འདི་སྙམ་དུ་སེམས་ཏེ། སྔོན་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མ་ཞུགས་པའི་ཚེ། འདི་ལྟ་སྟེ། འཚོ་བ་མེད་པའི་འཇིགས་པའམ། གྲགས་
D44.037.0161b02.01པ་མེད་པའི་འཇིགས་པའམ། འཆི་བའི་འཇིགས་པའམ། ངན་སོང་གི་འཇིགས་པའམ། འཁོར་དུ་བག་ཚ་བའི་འཇིགས་པའང་རུང་སྟེ། ཇི་སྙེད་ཀྱི་འཇིགས་པར་གྱུར་པ་དེ་དག་ཐམས་ཅད་ནི་རྣམ་པར་བཟློག་པར་གྱུར། རིང་དུ་བྱས་པར་གྱུར་རྣམ་པར་
D44.037.0161b03.01བཅིལ་བར་གྱུར་ཏེ། བྱང་ཆུབ་ཀྱི་སེམས་བསྐྱེད་མ་ཐག་ཏུ་ཅིས་ཀྱང་མི་འཇིགས་པར་གྱུར་ཏོ། །མི་སྡངས་པར་གྱུར་ཏོ། །སྐྱི་གཡའ་བ་མེད་པར་གྱུར་ཏོ། །ཅིས་ཀྱང་འཇིགས་པར་མི་འགྱུར་རོ། །སྡངས་བར་མི་འགྱུར་རོ། །སྐྱི་གཡའ་བར་མི་འགྱུར་
D44.037.0161b04.01རོ། །དེ་བས་ན་བརྟན་ཞིང་རྣམ་པར་གནོན་ལ་ཟིལ་གྱིས་མི་ནོན་པས་བདུད་དང་མུ་སྟེགས་ཅན་དང་། ཕས་ཀྱི་རྒོལ་བ་ཐམས་ཅད་ཀྱིས་མི་ཐུབ་པར་གྱུར་ཏོ། །ཞེས་དབུགས་ཕྱིན་པ་ཆེན་པོ་རབ་ཏུ་ཐོབ་བོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་
D44.037.0161b05.01སེམས་དཔའ་འདི་སྙམ་དུ་སེམས་བསྐྱེད་དེ། བདག་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། སེམས་ཅན་གྱི་ཁམས་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱའོ། །རབ་ཏུ་དགོད་པར་བྱའོ། །དེ་
D44.037.0161b06.01དག་བྱང་ཆུབ་ཐོབ་པར་གྱུར་ནས་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལ་དད་པ་ཆེན་པོ་དང་ལྡན་པའི་སེམས་བསྐྱེད་པས་ཚེའི་ཚད་ཀྱི་མཐར་ཐུག་གི་བར་དུ་སངས་རྒྱས་ལ་འོས་པའི་རིམ་གྲོས་མཆོད་པ་དང་།
D44.037.0161b07.01