完整藏文原文 · 德格版页 当前仅加载第 37 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞེས་བྱ་བ་འགྱེད་དོ། །སེམས་ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་དྲན་པ་མི་འཁྲུགས་པ་ཞེས་བྱ་བ་འགྱེད་དོ། །སེམས་ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་བློ་གྲོས་མི་འཕྲོགས་པ་ཞེས་བྱ་བ་འགྱེད་དོ། །སེམས་
D44.037.0107a01.01ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་རིག་པའི་རྗེས་སུ་འཇུག་པ་ཞེས་བྱ་བ་འགྱེད་དོ། །སེམས་ཅན་ལ་ལ་ལ་ནི་འོད་ཟེར་གྱི་གློག་གི་ཕྲེང་བ་བསམ་པ་ཐམས་ཅད་ཤིན་ཏུ་ཚིམ་པར་བྱེད་པ་ཞེས་བྱ་བ་འགྱེད་དེ། ཀྱེ་རྒྱལ་བའི་སྲས་དེ་ལྟར་དེ་བཞིན་གཤེགས་པ་
D44.037.0107a02.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རྣམ་པ་དེ་ལྟ་བུའི་འོད་ཟེར་གྱི་དྲ་བའི་གློག་ཚད་མེད་པ་དེ་དག་རབ་ཏུ་བཀྱེ་ནས། ཏིང་ངེ་འཛིན་ཆེན་པོའི་འབྲུག་གི་སྒྲ་དབྱངས་རྣམ་པ་འདི་ལྟ་བུ་དག་རབ་ཏུ་སྒྲོག་སྟེ། འདི་ལྟར་སེམས་ཅན་ལ་ལ་ལ་ནི་
D44.037.0107a03.01བློ་ཤིན་ཏུ་རྣམ་པར་སངས་རྒྱས་པ་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་ལ་ལ་ལ་ནི་ཤིན་ཏུ་སྦྱངས་པས་དྲི་མ་མེད་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་ལ་ལ་ལ་ནི་ཆོས་
D44.037.0107a04.01ཐམས་ཅད་ལ་དབང་བསྒྱུར་བ་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་ལ་ལ་ལ་ནི་རྡོ་རྗེའི་དཀྱིལ་འཁོར་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་ལ་ལ་ལ་ནི་རི་རབ་རྒྱལ་མཚན་ཞེས་བྱ་བའི་ཏིང་ངེ་འཛིན་
D44.037.0107a05.01གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་ལ་ལ་ལ་ནི་གང་ཆེན་རྒྱ་མཚོ་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་ལ་ལ་ལ་ནི་ཉི་མ་སྒྲོན་མ་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་
D44.037.0107a06.01ལ་ལ་ལ་ནི་འགྲོ་བ་ཐམས་ཅད་ཡོངས་སུ་ཚིམ་པར་བྱེད་པ་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་ལ་ལ་ལ་ནི་མཛོད་མི་ཟད་པ་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་གོ །སེམས་ཅན་ལ་ལ་ལ་ནི་མི་འཁྲུགས་
D44.037.0107a07.01