完整藏文原文 · 德格版页 当前仅加载第 37 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་རྣམ་གྲོལ་ཉོན་མོངས་བྲལ་བས་འགྲོ་ལ་སྐྱེད་མོས་ཚལ་དང་འདྲ། །གང་ལ་དཀར་བའི་སྤྱོད་པའི་གཞལ་{མྱེད་,མེད་}ཁང་མཛེས་སྣ་ཚོགས་སྤྱོད་པ་སྟོན་པ་པོ། །འགྲོ་བ་ཀུན་ལ་རྒྱན་རྣམས་དུ་མ་རབ་ཏུ་སྟོན་ཀྱང་སེམས་ལས་གཡོ་བ་{མྱེད,མེད}། །
D44.037.0272a01.01བསམ་པ་ཤིན་ཏུ་ཤེས་པས་བརྟན་པ་རབ་ཏུ་མཁས་ཤིང་ཕ་རོལ་ཕྱིན་གྱུར་པས། །མཁས་པ་དག་ནི་དག་ཅིང་སྦྱངས་པའི་བྱང་ཆུབ་ཕྱག་རྒྱ་སྣང་བའི་ཡེ་ཤེས་ཀྱིས། །འགྲོ་བ་དག་དང་{མྱི་,མི་}མཚུངས་ཞུམ་{མྱེད་,མེད་}ཁྱུ་མཆོག་ལྷག་པའི་བསམ་པ་རི་བོ་འདྲ། །ཡེ་ཤེས་རྒྱ་མཚོ་འདྲ་དང་
D44.037.0272a02.01ཡོན་ཏན་{མྱི་,མི་}ཟད་དོན་དུ་སྤྱོད་པ་ཆེན་པོ་སྤྱོད། །དེ་དག་རིན་ཆེན་འདྲ་བའི་གནས་ལ་རྡོ་རྗེ་ལྟ་བུའི་གོ་ཆ་བགོས་པས་གནས། །ཤིན་ཏུ་རྒྱ་ཆེན་རྩོམ་ལ་རབ་ཏུ་མཁས་ཤིང་འགྲོ་བ་ཀུན་ན་ཐུབ་{མྱེད་,མེད་}པ། །བྱང་ཆུབ་མཆོག་ཏུ་ལུང་བསྟན་སྐྱོན་{མྱེད་,མེད་}ཁོང་དུ་ཆུད་པའི་རྒྱ་ཆེན་
D44.037.0272a03.01སེམས་ལ་གནས། །སངས་རྒྱས་གཏེར་མཆོག་མི་ཟད་ཐོབ་ནས་ཐམས་ཅད་མཁྱེན་པ་ཉིད་དུ་འཚང་རྒྱའོ། །རྟག་ཏུ་ཀུན་རྫོབ་ཤེས་པས་དབང་འགྱུར་རྣམ་པར་འཕྲུལ་པ་རྣམས་ལ་མཁས་པས་ན། །ཞིང་རྣམས་ཀུན་དང་ཆོས་ཀྱི་ཡུལ་ལ་རྣམ་པར་འཕྲུལ་
D44.037.0272a04.01བའི་ཡེ་ཤེས་རྒྱུད་ལ་གནས། །ལུས་དང་སྨོན་ལམ་སྤྱོད་ཡུལ་ཡེ་ཤེས་རྣམ་པར་འཕྲུལ་པ་ལ་ཡང་དེ་བཞིན་ཏེ། །འགྲོ་བ་དག་ལ་རྣམ་པར་རྩེ་བ་བྱེ་བ་ཁྲག་ཁྲིག་དུ་མ་མང་པོ་སྟོན། །མངོན་པར་ཤེས་པའི་རྫུ་འཕྲུལ་སྟོབས་ཀྱིས་རྣམ་པར་འཕྲུལ་ཞིང་ངེས་པར་རྣམ་པར་
D44.037.0272a05.01རྩེ། །ཁྱུ་མཆོག་དེ་དག་སངས་རྒྱས་ཡུལ་ལ་སྟོབས་ཐོབ་འགྲོ་བ་ཀུན་གྱིས་ཐུབ་པ་{མྱེད,མེད}། །མཁས་པ་འཇིགས་པ་{མྱེད་,མེད་}དང་བག་ཚ་{མྱེད་,མེད་}དང་མ་འདྲེས་རྣམས་ཀྱིས་ཤིན་ཏུ་བརྒྱན། །སངས་རྒྱས་སྲས་དག་ལས་རྣམས་ཐམས་ཅད་བྱེད་ཅིང་ཤིན་ཏུ་མཛེས་པའི་ལུས་དང་
D44.037.0272a06.01ལྡན། །དེ་དག་ལུས་ཀྱི་ལས་ཀྱི་དངོས་པོ་ཤིན་ཏུ་རྒྱ་ཆེ་དག་ཀྱང་དག་ཅིང་དགེ །དེ་ཡང་འབྱིན་པའི་ཚེ་ན་རྒྱལ་བས་བྱིན་གྱིས་བརླབས་ཤིང་ལས་ནི་མཆོག་ཀྱང་བྱེད། །དམ་པ་དེ་དག་སེམས་བསྐྱེད་གཅིག་ལ་སེམས་རྒྱས་བྱེད་པའི་སེམས་ཀྱང་རབ་ཏུ་སྟོན། །རྒྱལ་
D44.037.0272a07.01