完整藏文原文 · 德格版页 当前仅加载第 37 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ངོ་མཚར་གྱི་འདུ་ཤེས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་འདུ་ཤེས་རྣམ་པར་བཟློག་པ་ལ་མཁས་པ་བླ་ན་མེད་པ་ཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་
D44.037.0148a01.01བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྤྱོད་པ་སྟེ། བཅུ་གང་ཞེ་ན། འདི་ལྟར་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་དོན་དུ་སྤྱོད་པ་དང་། ཆོས་ཐམས་ཅད་ཡོངས་སུ་བཙལ་བའི་དོན་དུ་སྤྱོད་པ་དང་། བསླབ་པ་ཐམས་ཅད་ནན་ཏན་ཏུ་བྱ་བའི་
D44.037.0148a02.01དོན་དུ་སྤྱོད་པ་དང་། དགེ་བའི་རྩ་བ་ཐམས་ཅད་བསྩགས་པའི་དོན་དུ་སྤྱོད་པ་དང་། ཏིང་ངེ་འཛིན་རྩེ་གཅིག་ཏུ་བྱ་བའི་དོན་དུ་སྤྱོད་པ་དང་། ཡེ་ཤེས་རབ་ཏུ་ཤེས་པར་བྱ་བའི་དོན་དུ་སྤྱོད་པ་དང་། བསྒོམ་པ་ཡོངས་སུ་བསྒོམ་པའི་དོན་དུ་སྤྱོད་པ་དང་། ཞིང་
D44.037.0148a03.01བརྒྱན་པའི་དོན་དུ་སྤྱོད་པ་དང་། དགེ་བའི་གཤེས་གཉེན་བཀུར་བའི་དོན་དུ་སྤྱོད་པ་དང་། དེ་བཞིན་གཤེགས་པ་མཆོད་ཅིང་རིམ་གྲོར་བྱ་བའི་དོན་དུ་སྤྱོད་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྤྱོད་པ་སྟེ། དེ་
D44.037.0148a04.01དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོའི་སྤྱོད་པ་བླ་ན་མེད་པ་ཡོངས་སུ་རྫོགས་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་བཤེས་གཉེན་
D44.037.0148a05.01ཏེ། བཅུ་གང་ཞེ་ན། འདི་ལྟར་བྱང་ཆུབ་ཀྱི་སེམས་ལ་རབ་ཏུ་གཞོག་པའི་བཤེས་གཉེན་དང་། དགེ་བའི་རྩ་བ་ལ་སྦྱོར་བའི་བཤེས་གཉེན་དང་། ཕ་རོལ་ཏུ་ཕྱིན་པ་ལ་འཇུག་པར་བྱེད་པའི་བཤེས་གཉེན་དང་། ཆོས་ཐམས་ཅད་སྟོན་པའི་བཤེས་
D44.037.0148a06.01གཉེན་དང་། སེམས་ཅན་ཐམས་ཅད་ཡོངས་སུ་སྨྱིན་པར་བྱ་བ་ལ་གཞོག་པའི་བཤེས་གཉེན་དང་། སྤོབས་པ་ལ་རྣམ་པར་གདོན་{མྱི་,མི་}ཟ་བར་བྱེད་པའི་བཤེས་གཉེན་དང་། འགྲོ་བ་ཐམས་ཅད་གནས་གྱེན་དུ་བསྐྱོད་པའི་བཤེས་གཉེན་དང་། བསྐལ་
D44.037.0148a07.01