完整藏文原文 · 德格版页 当前仅加载第 37 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཆོས་དོན་དུ་གཉེར་བ་དང་། ཆོས་འདོད་པ་དང་། ཆོས་ལ་མོས་ཤིང་དགའ་བ་དང་། ཆོས་བཙལ་བ་དང་། ཐོས་པས་མི་ངོམས་པ་དང་། འཇིག་རྟེན་རྒྱང་ཕེན་པ་དང་། མ་འདྲེས་པ་དང་། འཇིག་རྟེན་པའི་གཏམ་ཐམས་ཅད་སྤོང་བ་དང་། འཇིག་
D44.037.0243a01.01རྟེན་ལས་འདས་པའི་གཏམ་ལྷུར་ལེན་པ་དང་། ཐེག་པ་དམའ་བ་སྤོང་ཞིང་བློ་གྲོས་ཡངས་པའི་ཐེག་པ་ཆེན་པོ་ལ་ཡང་དག་པར་གཞོལ་བའི་ཡེ་ཤེས་ཀྱི་ཚོགས་དང་། ནན་ཏན་ལྷུར་བླང་བའི་ཕྱིར་ཕ་རོལ་ཏུ་ཕྱིན་པ་དྲུག་ཡོངས་སུ་བཙལ་བ་ལ་འཐུན་པར་བརྩོན་པ་དང་། ཚངས་པའི་
D44.037.0243a02.01གནས་བཞི་རབ་ཏུ་བསྒྲུབ་པ་དང་། རིག་པ་དང་མཐུན་པའི་ཆོས་དང་སྟེན་པ་དང་། མཁས་པའི་སྐྱེ་བོ་ལ་ཡོངས་སུ་འདྲི་བ་དང་། ལམ་ཉམ་ང་བ་དང་བྲལ་ཞིང་ཡང་དག་པའི་ལམ་ལ་མ་ནོར་བར་གཞོལ་བ་དང་། བསྐུལ་བ་དང་དྲན་པར་བྱ་བ་དང་། མོས་པར་བྱ་བས་
D44.037.0243a03.01རང་གི་སེམས་འདུལ་བ་དང་། ཕ་རོལ་གྱི་སེམས་རྗེས་སུ་སྲུང་བའི་ཡེ་ཤེས་ཀྱི་ཚོགས་དང་། བདག་དང་གཞན་གྱི་སེམས་རྣམ་པར་སྦྱང་བའི་ཕྱིར་རྟག་ཏུ་རྒྱུན་མི་ཆད་པར་འབྱུང་བའི་སེམས་དང་། ཁམས་གསུམ་ལས་དབེན་པར་དགའ་ཞིང་། རང་གི་སེམས་
D44.037.0243a04.01རྟོགས་པར་བྱེད་པ་དང་། མི་དགེ་བའི་སེམས་ཀྱི་སྐབས་མི་འབྱེད་ཅིང་རྣམ་པར་རྟོག་པ་གསུམ་བསྩལ་བས། ལུས་དང་ངག་དང་སེམས་ལས་སུ་རུང་བ་དང་། སེམས་ཀྱི་རང་བཞིན་གཅིག་ཏུ་ངེས་པ་རབ་ཏུ་རྟོགས་པར་བྱེད་པའི་ཡེ་ཤེས་ཀྱི་ཚོགས་དང་། ཀྱེ་རྒྱལ་བའི་སྲས་
D44.037.0243a05.01གཞན་ཡང་ཕུང་པོ་རྣམས་ལ་སྒྱུ་མ་ལྟ་བུར་རྟོག་པ་དང་། ཁམས་རྣམས་ལ་སྤྲུལ་པ་ལྟ་བུའི་འདུ་ཤེས་སུ་རྟོག་པ་དང་། ཆོས་ཐམས་ཅད་སྒྱུ་མ་དང་། སྨྱིག་རྒྱུ་དང་། ཆུའི་ཟླ་བ་དང་། རྨི་ལམ་དང་། མིག་ཡོར་དང་། སྒྲ་བརྙན་དང་། གཟུགས་བརྙན་དང་། མིག་ཡོར་དང་འདྲ་
D44.037.0243a06.01ཞིང་ནམ་མཁའ་རི་མོ་དང་མཉམ་པ་དང་། མགལ་མེ་བསྐོར་བ་ལྟ་བུ་སྟེ། འཇའི་ཚོན་དང་འདྲ་བ་ཉི་མ་དང་ཟླ་བའི་འོད་ལྟ་བུ་སྟེ། ཆོས་ཐམས་ཅད་ནི་གཟུང་དུ་མེད་པ་མཚན་མ་མེད་པ། རྟག་པ་མེད་པ་ཆད་པ་མེད་པ་སོང་བ་མེད་པ་དང་། འོང་བ་མེད་པ་སྟེ། ཆོས་
D44.037.0243a07.01