完整藏文原文 · 德格版页 当前仅加载第 37 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་དང་། མོས་པ་ཟིལ་གྱིས་མི་ནོན་པ་དང་། མོས་པ་བླ་ན་མེད་པ་དང་། མོས་པ་བརྟན་པ་དང་མོས་པ་ལས་མི་མཚུངས་པའི་མོས་པ་དང་ལྡན་ཞིང་དེ་ལ་བདུད་ཐམས་ཅད་དང་། བདུད་ཀྱི་རིས་ཀྱི་ལྷ་ཐམས་ཅད་དང་།
D44.037.0177a01.01མུ་སྟེགས་ཅན་གཞན་དང་ཕས་ཀྱི་རྒོལ་བ་ཐམས་ཅད་ཀྱིས་མོས་པ་དེ་ལས་བཟློག་པར་མི་ནུས་ཤིང་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་ལས་ཕྱིར་བཟློག་པར་མི་ནུས་ཏེ། དེ་ལྟ་བུའི་མོས་པ་ཆེན་པོ་ལ་གནས་པའི་བྱང་ཆུབ་སེམས་དཔའ་ནི་བླ་ན་མེད་པ་
D44.037.0177a02.01ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་མོས་པ་དང་ལྡན་པ་ཡིན་ཏེ་འདི་ནི་ཕྱག་རྒྱ་དྲུག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་མི་ཟློགས་ཤིང་ལུས་དང་སྲོག་ལ་མི་ལྟ་བར་ཐམས་ཅད་མཁྱེན་པ་ཉིད་ལ་མངོན་པར་
D44.037.0177a03.01ཕྱོགས་ཤིང་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་སངས་རྒྱས་ཐམས་ཅད་ཀྱི་བྱང་ཆུབ་སྣང་བར་བྱུང་བས་བྱང་ཆུབ་སེམས་དཔའི་སྤྱད་པ་ལ་སྤྱོད་ཅིང་སངས་རྒྱས་ཀྱི་བྱང་ཆུབ་ཡོངས་སུ་མི་གཏོང་ལ་དགེ་བའི་བཤེས་གཉེན་བསྙེན་པ་ལས་ཕྱིར་མི་ལྡོག་པ་འདི་ནི་བླ་
D44.037.0177a04.01ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བའི་ཕྱག་རྒྱ་བདུན་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའི་ཐེག་པ་ཆེན་པོ་ལ་གནས་པའི་རིགས་ཀྱི་བུ་འམ་རིགས་ཀྱི་བུ་མོ་རྣམས་ལ་སངས་རྒྱས་ཀྱི་ཆོས་ཡོངས་སུ་བཙལ་བས་
D44.037.0177a05.01ཉེ་བར་རྟོན་པར་བྱེད་དེ་དགེ་བའི་རྩ་བ་ལའང་རབ་ཏུ་གཞོག་གོ །ཇི་ལྟར་ན་བྱང་ཆུབ་ལས་ཕྱིར་མི་ལྡོག་པར་འགྱུར་ཞེས་ཏེ། ཐམས་ཅད་མཁྱེན་པ་ཉིད་ཀྱི་སེམས་ཀྱིས་ཀྱང་རབ་ཏུ་འཛིན་ཏེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་
D44.037.0177a06.01བའི་ཕྱག་རྒྱ་བརྒྱད་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སེམས་ཅན་ཐམས་ཅད་ལ་སྙོམས་པའི་སེམས་ལ་གནས་ཤིང་ཐམས་ཅད་མཁྱེན་པའི་ཡེ་ཤེས་ཡང་དག་པར་བསྒྲུབ་པ་ལ་བརྩོན་པ་ཡིན་ཏེ། སེམས་ཅན་ཐམས་ཅད་ལ་
D44.037.0177a07.01