完整藏文原文 · 德格版页 当前仅加载第 37 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
རྨད་དུ་བྱུང་བའི་ཆོས་བདུན་པའོ། །ཀྱེ་རྒྱལ་བའི་སྲས་སྙིང་པོ་བྱང་ཆུབ་མཆོག་ལ་འཁོད་པའི་བྱང་ཆུབ་སེམས་དཔའ་རྣམས་ལ་ཡེ་ཤེས་མཆོག་གི་སེམས་ཅན་ཐམས་ཅད་ཀྱི་བསམ་པ་དང་། དབང་པོ་དང་སྤྱོད་པ་མངོན་དུ་འགྱུར་ཏེ། འདི་ནི་ངོ་མཚར་རྨད་
D44.037.0262a01.01དུ་བྱུང་བའི་ཆོས་བརྒྱད་པའོ། །ཀྱེ་རྒྱལ་བའི་སྲས་སྙིང་པོ་བྱང་ཆུབ་མཆོག་ལ་འཁོད་པའི་བྱང་ཆུབ་སེམས་དཔའ་རྣམས་ལ་བློ་ཤིན་ཏུ་རྣམ་པར་དག་པ་ཞེས་བྱ་བའི་ཏིང་ངེ་འཛིན་མངོན་དུ་འགྱུར་ཏེ། ཏིང་ངེ་འཛིན་དེ་ཐོབ་མ་ཐག་ཏུ་ནམ་མཁའི་དབྱིངས་ཚད་མེད་པ་དང་། དུས་གསུམ་རྒྱས་པར་
D44.037.0262a02.01འགེངས་པའི་ལུས་ཀུན་ནས་གནས་པར་འགྱུར་ཏེ། འདི་ནི་ངོ་མཚར་རྨད་དུ་བྱུང་བའི་ཆོས་དགུ་པའོ། །ཀྱེ་རྒྱལ་བའི་སྲས་སྙིང་པོ་བྱང་ཆུབ་མཆོག་ལ་འཁོད་པའི་བྱང་ཆུབ་སེམས་དཔའ་རྣམས་ཀྱི་ལུས་ཀྱི་ལས་དུས་ཐམས་ཅད་ལ་ཡང་དག་པར་གཞོལ་ཞིང་ཡེ་ཤེས་ཆེན་པོ་ཆགས་
D44.037.0262a03.01པ་མེད་པ་རྡུལ་དང་བྲལ་བའི་སྣང་བ་དང་ལྡན་པར་འགྱུར་ཏེ། འདི་ནི་ངོ་མཚར་རྨད་དུ་བྱུང་བའི་ཆོས་བཅུ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ངོ་མཚར་རྨད་དུ་བྱུང་བའི་ཆོས་རྣམས་ཏེ། བྱང་ཆུབ་སེམས་དཔའ་སྙིང་པོ་བྱང་ཆུབ་མཆོག་ལ་གནས་
D44.037.0262a04.01པ་རྣམས་ལ་འབྱུང་བར་འགྱུར་བ་དག་གོ །ཀྱེ་རྒྱལ་བའི་སྲས་དོན་རྣམ་པ་བཅུ་པོ་འདི་དག་གི་དབང་ཡང་དག་པར་མཐོང་ནས་སྙིང་པོ་བྱང་ཆུབ་མཆོག་ལ་འདུག་པའི་བྱང་ཆུབ་སེམས་དཔའ་བདུད་འདུལ་བ་སྟོན་ཏེ། བཅུ་གང་ཞེ་ན་འདི་ལྟར་ཀུན་ནས་ཉོན་མོངས་པའི་འཇིག་རྟེན་གྱི་ཁམས་འབྱམ་
D44.037.0262a05.01ཀླས་པ་ན་ཐབ་མོ་དང་། གཡུལ་ལ་མོས་པའི་སེམས་ཅན་རྣམས་ལ་བྱང་ཆུབ་སེམས་དཔའི་སྟོབས་ཀྱི་ཆེ་བ་ཉིད་ཡང་དག་པར་བསྟན་པའི་ཕྱིར་བྱང་ཆུབ་སེམས་དཔའ་བདུད་འདུལ་བ་སྟོན་ཏོ། །ཡིད་གཉིས་དང་ཐེ་ཙོམ་དུ་གྱུར་པའི་མི་དང་ལྷ་རྣམས་ཀྱི་ཡིད་གཉིས་དང་ཐེ་ཙོམ་གཅད་པའི་
D44.037.0262a06.01ཕྱིར་བདུད་འདུལ་བ་སྟོན་ཏོ། །བདུད་ཀྱི་སྡེ་ཡོངས་སུ་སྨིན་པར་བྱ་བའི་ཕྱིར་བདུད་འདུལ་བ་སྟོན་ཏོ། །ཐབ་མོ་དང་གཡུལ་ལ་མོས་པའི་ལྷ་དང་མི་རྣམས་ཀུན་ནས་བསྡུ་བ་དང་། ཀུན་ནས་འདུས་པའི་ལྷ་དང་མི་རྣམས་འདུལ་བའི་དབང་གིས་ཕྱིར་བདུད་འདུལ་བ་སྟོན་ཏོ། །བྱང་ཆུབ་
D44.037.0262a07.01