完整藏文原文 · 德格版页 当前仅加载第 37 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲག་ཉི་ཤུ་རྩ་གཅིག་དང་། ཞེ་སྡང་ལ་སྤྱོད་པའི་ཉོན་མོངས་པ་སྟོང་ཕྲག་ཉི་ཤུ་རྩ་གཅིག་དང་། གཏི་མུག་ལ་སྤྱོད་པའི་ཉོན་མོངས་པ་སྟོང་ཕྲག་ཉི་ཤུ་རྩ་གཅིག་དང་། ཆ་མཉམ་པ་ལ་སྤྱོད་པའི་ཉོན་མོངས་པ་སྟོང་ཕྲག་ཉི་ཤུ་རྩ་གཅིག་དང་། དེ་བཞིན་དུ་འཕྲལ་གྱི་
D44.037.0061b01.01འདོད་ཆགས་ལ་སྤྱོད་པ་དང་། འཕྲལ་གྱི་ཞེ་སྡང་ལ་སྤྱོད་པ་དང་། འཕྲལ་གྱི་གཏི་མུག་ལ་སྤྱོད་པ་དང་། འཕྲལ་གྱི་ཆ་མཉམ་པ་ལ་སྤྱོད་པའི་ཉོན་མོངས་པ་དང་། མི་ཤེས་པ་དེ་དག་ཐམས་ཅད་ཀྱང་བྱང་བར་གྱུར་ཏོ། །གང་གིས་འོད་ཟེར་སྤོས་ཀྱི་ཕུང་པོ་གཟི་
D44.037.0061b02.01བརྗིད་རྣམ་པར་འཕྲུལ་པའི་འོད་རབ་ཏུ་འཐོབ་པའི་དོན་དུ། དགེ་བའི་རྩ་བ་ཡོངས་སུ་སྦྱངས་ཤིང་། བསྐྱེད་པ་དེ་དག་གིས་གདུགས་ཀྱི་སྤྲིན་དེ་དག་མིག་ལམ་དུ་མཐོང་བར་གྱུར་ཏེ། དེ་དག་གིས་ཀྱང་འཁོར་ལོས་སྒྱུར་བ། ཆུ་ཀླུང་གང་གཱའི་བྱེ་མ་སྙེད་ཀྱི་དགེ་བའི་
D44.037.0061b03.01རྩ་བ་བསྐྱེད་པར་གྱུར་ཏོ། །དེ་ནི་འདི་ལྟར་འཁོར་ལོས་སྒྱུར་བའི་ས་གསེར་གྱི་དྲ་བས་དག་པ་འཐོབ་པའི་ཕྱིར། དགེ་བའི་རྩ་བ་རབ་ཏུ་བསྐྱེད་པར་གྱུར་ཏེ། དེ་ལ་གནས་པའི་བྱང་ཆུབ་སེམས་དཔའ་ནི་འཇིག་རྟེན་གྱི་ཁམས་སངས་རྒྱས་ཀྱི་ཞིང་བྱེ་བ་ཁྲག་ཁྲིག་
D44.037.0061b04.01བརྒྱ་སྟོང་གི་རྡུལ་ཤིན་ཏུ་ཕྲ་བ་སྙེད་དུ་འཁོར་ལོས་སྒྱུར་བར་བྱེད་དོ། །དེར་སེམས་ཅན་མང་པོ་ཡོངས་སུ་སྨིན་པར་འགྱུར་རོ། །འདི་ལྟ་སྟེ་དཔེར་ན། བཅོམ་ལྡན་འདས་དེ་བཞིན་གཤེགས་པ་འཁོར་ལོའི་བློ་གྲོས་ཀྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་མེ་ལོང་
D44.037.0061b05.01གི་དཀྱིལ་འཁོར་ལྟར་སྣང་བ་ཞེས་བྱ་བ་དེ་ན་བཅོམ་ལྡན་འདས་དེའི་སྤྲུལ་པ་དགེ་སློང་ཕ་དང་། དགེ་སློང་མ་དང་། དགེ་བསྙེན་ཕ་དང་། དགེ་བསྙེན་མའི་གཟུགས་དང་གཞུང་དེ་བཞིན་དུ་སྐྱེས་པའི་རབས་ཀྱི་སྡེའི་ཁྱད་པར་ཐམས་ཅད་ཀྱིས་འཇིག་རྟེན་གྱི་ཁམས་ཚད་
D44.037.0061b06.01མེད་པ་དག་ཏུ་མི་འགྲོ་བ་དེ་ལྟ་བུས་སྐད་ཅིག་མེད་དོ། །ཐང་ཅིག་མེད་དོ། །ཡུད་ཙམ་མེད་དོ། །དེ་བཞིན་གཤེགས་པ་དེའི་མཚན་ཀྱང་གྲག་སྟེ། ཐོས་ནས་ཀྱང་སངས་རྒྱས་ཀྱི་ཞིང་དེར་སྐྱེ་བར་འགྱུར་རོ། །དེ་བཞིན་དུ་འཁོར་ལོས་སྒྱུར་བའི་ས་གསེར་གྱི་དྲ་བས་
D44.037.0061b07.01