完整藏文原文 · 德格版页 当前仅加载第 37 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །སེམས་བསྐྱེད་པ་དེ་ནི་ཅི་བདོག་པ་ཡོངས་སུ་གཏོང་བའི་ཕྱིར་བཏང་བ་ཐམས་ཅད་ཡོངས་སུ་གཏང་བ་སྔོན་དུ་འགྲོ་བའོ། །སེམས་བསྐྱེད་པ་དེ་ནི་སངས་རྒྱས་ཀྱི་ཆོས་ཐམས་ཅད་ལ་མངོན་པར་མོས་པས་ཐམས་ཅད་མཁྱེན་པའི་
D44.037.0154a01.01ཡེ་ཤེས་ཡིད་ལ་བྱེད་པ་སྔོན་དུ་འགྲོ་བའོ། །སེམས་བསྐྱེད་པ་དེ་ནི་བྱང་ཆུབ་སེམས་དཔའི་བསླབ་པ་ཐམས་ཅད་ལ་ནན་ཏན་དུ་བྱེད་པས་ཡོན་ཏན་གྱིས་བརྒྱན་པའོ། །སེམས་བསྐྱེད་པ་དེ་ནི་སྐྱེ་བའི་སྐྱེ་མཆེད་ཐམས་ཅད་དུ་ཉམས་པར་མི་འགྱུར་བས་རྡོ་རྗེ་ལྟ་བུའོ།
D44.037.0154a02.01སེམས་བསྐྱེད་པ་དེ་ནི་ཆོས་དཀར་པོ་ཐམས་ཅད་ལ་ཡང་དག་པར་གཞོལ་བས་རྒྱ་མཚོ་ལྟ་བུའོ། །སེམས་བསྐྱེད་པ་དེ་ནི་གཞན་གྱིས་ངན་དུ་བརྗོད་པ་དང་ངན་དུ་སྨྲ་བ་དག་བཟོད་པའི་ཕྱིར་རི་བོ་ཆེན་པོའི་དབང་པོ་དམ་པ་ལྟ་བུའོ། །སེམས་བསྐྱེད་པ་དེ་ནི་
D44.037.0154a03.01སེམས་ཅན་ཐམས་ཅད་ལ་དབུགས་ཕྱིན་པ་ཆེན་པོས་སྡུད་པའི་ཕྱིར་བདེ་བར་བྱེད་པའོ། །སེམས་བསྐྱེད་པ་དེ་ནི་ཆོས་ཐམས་ཅད་རབ་ཏུ་དབྱེ་བ་ལ་མཁས་པས་མི་{དམྱིགས་,དམིགས་}པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པས་རྟོགས་པར་ཁོང་དུ་ཆུད་པར་བྱ་བའོ། །ཀྱེ་
D44.037.0154a04.01རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཀུན་ཏུ་བཟང་པོའི་སེམས་བསྐྱེད་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་མྱུར་དུ་ཀུན་ཏུ་བཟང་པོའི་ཡེ་ཤེས་ཁོང་དུ་ཆུད་པ་ལ་མཁས་པས་འཐོབ་པར་འགྱུར་བ་དག་གོ །
D44.037.0154a05.01ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཀུན་ཏུ་བཟང་པོའི་སྤྱོད་པའི་ཆོས་ཏེ། བཅུ་གང་ཞེ་ན་འདི་ལྟར་མ་འོངས་པའི་བསྐལ་པ་ཐམས་ཅད་དུ་གནས་པའི་སྨོན་ལམ་ནི་ཀུན་ཏུ་བཟང་པོའི་སྤྱོད་པའི་ཆོས་སོ། །མ་བྱོན་པའི་དེ་
D44.037.0154a06.01བཞིན་གཤེགས་པ་ཐམས་ཅད་མཆོད་ཅིང་རིམ་གྲོར་བྱ་བའི་སྨོན་ལམ་ནི་ཀུན་ཏུ་བཟང་པོའི་སྤྱོད་པའི་ཆོས་སོ། །སེམས་ཅན་ཐམས་ཅད་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལ་དགོད་པ་ནི་ཀུན་ཏུ་བཟང་པོའི་སྤྱོད་པའི་ཆོས་སོ། །དགེ་བའི་
D44.037.0154a07.01