完整藏文原文 · 德格版页 当前仅加载第 37 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པ་དང་། འཇིག་རྟེན་ཐམས་ཅད་ཀྱིས་གོས་པ་མེད་པའི་སྨོན་ལམ་ཐམས་ཅད་དུ་མཉམ་པ་ཉིད་ཀྱིས། འཇིག་རྟེན་ཐམས་ཅད་བདེ་བ་ཐམས་ཅད་དང་ལྡན་པར་བྱས་ཏེ། སྡུག་བསྔལ་དང་སྤྲོས་པ་ཐམས་ཅད་རབ་ཏུ་འཇོམས་པ་འདི་ནི་
D44.037.0011b01.01སེམས་ཅན་གྱི་གཙོ་བོའི་ཆོས་དགུ་པའོ། །སྡུག་བསྔལ་གྱི་{མྱི་,མི་}བདེ་བ་ཐམས་ཅད་ཉམས་སུ་བབ་སྟེ། འགྲོ་བ་ཐམས་ཅད་ཀྱི་དོན་དུ་དཀའ་ཐུབ་ཀྱིས་ཤིན་ཏུ་གདུངས་ཀྱང་བླ་བར་སེམས་བསྐྱེད་པས། སངས་རྒྱས་ཐམས་ཅད་ཀྱི་རིགས་ཡོངས་སུ་
D44.037.0011b02.01བསྲུང་བ་དང་ལྡན་པ་དང་། སྟོབས་བཅུའི་སའི་བར་དུ་སངས་རྒྱས་ཀྱི་ཡུལ་ལ་མོས་པས་མཐར་ཐུག་པ་འདི་ནི་སེམས་ཅན་གྱི་གཙོ་བོའི་ཆོས་བཅུ་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སེམས་ཅན་གྱི་
D44.037.0011b03.01གཙོ་བོའི་ཆོས་སོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་རྣམ་པར་སྤྱོད་པ་ཆགས་པ་མེད་པ་རྣམས་ཏེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གྱི་ཁམས་མ་ལུས་
D44.037.0011b04.01པ་ཐམས་ཅད་དུ་གཤེགས་པས་ཆགས་པ་མི་མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གྱི་ཁམས་མ་ལུས་པ་ཐམས་ཅད་ན་བཞུགས་པས་ཆགས་པ་{མྱི་,མི་}མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་ལྡན་
D44.037.0011b05.01འདས་རྣམས་ནི་འཇིག་རྟེན་གྱི་ཁམས་ཐམས་ཅད་ན་བཞུགས་པ་དང་བཞེངས་པ་དང་། བཞུད་པ་ཆགས་པ་མི་མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་ཆོས་སྟོན་
D44.037.0011b06.01པ་ཆགས་པ་མི་མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གྱི་ཁམས་མ་ལུས་པ་ཐམས་ཅད་ཀྱི་དགའ་ལྡན་གྱི་གནས་ན་བཞུགས་ཀྱང་ཆགས་པ་མི་མངའ་བར་རྣམ་པར་སྤྱོད་པ་ཡིན། སངས་རྒྱས་བཅོམ་
D44.037.0011b07.01