完整藏文原文 · 德格版页 当前仅加载第 37 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འབྱུང་བ་ཐམས་ཅད་རྗེས་སུ་རྟོགས་པ་དང་། སེམས་ཅན་ཐམས་ཅད་ཀྱི་སེམས་དང་སྤྱོད་པའི་རྣམ་པར་རྟོག་པ་ཐམས་ཅད་དང་། བསམ་པ་དང་། དབང་པོ་དང་། ཉོན་མོངས་པ་དང་། བག་ཆགས་དང་། བག་
D44.037.0126a01.01ལ་ཉལ་བ་དང་། རང་བཞིན་མངོན་སུམ་དུ་རྗེས་སུ་རྟོགས་པ་དང་། དུས་གསུམ་ཐམས་ཅད་སེམས་ཀྱི་སྐད་ཅིག་གཅིག་གི་ཡེ་ཤེས་ཀྱིས་རྗེས་སུ་རྟོགས་པས། དེ་བཞིན་གཤེགས་པ་རྣམས་ཀྱི་མངོན་པར་རྫོགས་པར་བྱང་ཆུབ་པ་ཁོང་
D44.037.0126a02.01དུ་ཆུད་པར་བྱའོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། རྒྱ་མཚོ་ཆེན་པོ་ལ་གླིང་བཞི་པའི་སེམས་ཅན་ཐམས་ཅད་ཀྱི་ལུས་ཀྱི་གཟུགས་བརྙན་རྒྱ་ལྟ་བུར་སྣང་སྟེ། དེའི་ཕྱིར་རྒྱ་མཚོ་ཆེན་པོ་བཞི་ཞེས་བྱའོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་
D44.037.0126a03.01གཤེགས་པ་མངོན་པར་རྫོགས་པར་བྱང་ཆུབ་པ་ལ། སེམས་ཅན་ཐམས་ཅད་ཀྱི་སེམས་དང་། དབང་པོ་དང་། བསམ་པ་རྣམ་པ་ཐ་དད་པ་རྣམས་སྣང་བ་མེད་པའི་རང་བཞིན་གྱིས་ཡོངས་སུ་སྣང་བར་འགྱུར་ཏེ། དེའི་ཕྱིར་དེ་བཞིན་གཤེགས་པ་
D44.037.0126a04.01མངོན་པར་རྫོགས་པར་བྱང་ཆུབ་པ་ཞེས་བྱའོ། །ཀྱེ་རྒྱལ་བའི་སྲས་དེ་བཞིན་གཤེགས་པའི་མངོན་པར་རྫོགས་པར་བྱང་ཆུབ་པ་དེ་ནི་ཡི་གེ་ཐམས་ཅད་ཀྱིས་བསྟན་པ་མ་ཡིན་ནོ། །དབྱངས་ཐམས་ཅད་ཀྱིས་བརྗོད་པ་མ་ཡིན་ནོ། །ཐ་སྙད་
D44.037.0126a05.01ཐམས་ཅད་ཀྱིས་སྨོས་པ་མ་ཡིན་མོད་ཀྱི། འོན་ཀྱང་གཞན་གྱི་རྣམ་པར་རིག་པ་ཉེ་བར་བཟུང་སྟེ། དེ་བཞིན་གཤེགས་པའི་མངོན་པར་རྫོགས་པར་བྱང་ཆུབ་པ་བསྟན་པར་བྱའོ། །ཀྱེ་རྒྱལ་བའི་སྲས་དེ་བཞིན་གཤེགས་པ་དགྲ་བཅོམ་པ་ཡང་
D44.037.0126a06.01དག་པར་རྫོགས་པའི་སངས་རྒྱས་རྣམས་མངོན་པར་བྱང་ཆུབ་པའི་ཚེ། སེམས་ཅན་ཐམས་ཅད་ཀྱི་ཚད་ཇི་སྙེད་པ་དེ་སྙེད་ཀྱི་ཚད་ཀྱི་སྐུ་ཀུན་ནས་གནས་པར་འགྱུར་རོ། །ཆོས་ཐམས་ཅད་ཀྱི་ཚད་ཇི་སྙེད་པ་དང་། ཞིང་ཐམས་ཅད་ཀྱི་ཚད་ཇི་སྙེད་པ་དང་།
D44.037.0126a07.01