完整藏文原文 · 德格版页 当前仅加载第 37 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
ཆད་མེད་པར་ཤིན་ཏུ་འབར་བ་ཞེས་བྱ་བ། འོད་ཟེར་གྱི་འཁོར་བརྒྱ་སྟོང་གྲངས་མེད་པ་ཕྲག་བདུན་ཅུ་དང་ལྡན་པ་འབྱུང་སྟེ། དེ་ནམ་བྱང་ཆུབ་སེམས་དཔའ་དགའ་ལྡན་གྱི་གནས་ནས། རང་གི་ལུས་འདོར་བ་དེའི་ཚེ་འོད་ཟེར་དཔལ་གྱི་རྒྱལ་པོ་ཞེས་བྱ་བ་གཏོང་སྟེ།
D44.037.0056b01.01དེས་འཇིག་རྟེན་གྱི་ཁམས་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རབ་ཏུ་སྣང་བར་བྱེད་དོ། །འཇིག་རྟེན་གྱི་ཁམས་དེ་དག་ན་སེམས་ཅན་དམྱལ་བ་ཆེན་པོ་ཇི་སྙེད་ཡོད་པ་དེ་དག་ཀྱང་ཡོངས་སུ་སྣང་བར་བྱེད་དོ། །དེ་དག་ཏུ་སེམས་ཅན་ཇི་སྙེད་སྐྱེས་པ་དེ་
D44.037.0056b02.01དག་ཀྱང་ཡོངས་སུ་སྣང་བར་བྱེད་དེ། དེ་དག་གིས་ཀྱང་སྣང་བ་དེ་མཐོང་ཞིང་ཤེས་ཏེ། སེམས་ཅན་དེ་དག་གི་སེམས་ཅན་དམྱལ་བའི་སྡུག་བསྔལ་དེ་དག་ཐམས་ཅད་ཀྱང་རྩེ་ཟིལ་བར་འགྱུར་རོ། །སེམས་ཅན་དེ་དག་གི་{མྱིག་,མིག་}ཡོངས་སུ་སྦྱང་བ་རྣམ་པ་བཅུ་འང་རྣམ་པར་
D44.037.0056b03.01དག་པར་འགྱུར་རོ། །དེ་བཞིན་དུ་རྣ་བ་དང་སྣ་དང་། ལྕེ་དང་ལུས་དང་ཡིད་ཡོངས་སུ་སྦྱང་བ་དག་ཀྱང་རྣམ་པར་དག་པར་གྱུར་ཏེ། སེམས་ཅན་དམྱལ་བ་དེ་དག་ཀྱང་དགའ་བ་དང་ཉམས་བདེ་བ་ཆེན་པོ་དང་ལྡན་པར་འགྱུར་རོ། །སེམས་ཅན་དམྱལ་བ་དེ་དག་
D44.037.0056b04.01ནས་ཤི་འཕོས་ནས་ཀྱང་དགའ་ལྡན་གྱི་ལྷ་དག་དང་སྐལ་བ་མཉམ་པར་སྐྱེ་སྟེ། དེ་དག་དེར་སྐྱེས་ནས་ཀྱང་ལྷའི་རྔ་དགའ་བ་མེད་པ་ཞེས་བྱ་བ་སྒྲ་འབྱིན་པ་ཐོས་པར་འགྱུར་ཏེ། ཀྱེ་གྲོགས་པོ་དག་བག་ཡོད་པ་དང་། དེ་བཞིན་གཤེགས་པ་ལ་དགེ་བའི་རྩ་བ་བསྐྱེད་པ་དང་
D44.037.0056b05.01སྔོན་དགེ་བའི་བཤེས་གཉེན་བསྙེན་བཀུར་བ་དང་ལྡན་པའི་དགེ་བའི་རྩ་བའི་སྟོབས་དང་ཤུགས་ཀྱིས་འདིར་སྐྱེས་སོ། །དེ་ཉིད་ཀྱི་ཕྱིར་སེམས་ཅན་དམྱལ་བ་དག་ནས་ཤི་འཕོས་ནས། དེ་བཞིན་གཤེགས་པ་རྣམ་པར་སྣང་མཛད་ཀྱི་མཐུས་ལྷའི་འཇིག་རྟེན་འདིར་སྐྱེས་སོ། །
D44.037.0056b06.01དེ་བཞིན་གཤེགས་པའི་ཞབས་ཀྱི་མཐིལ་གྱི་འཁོར་ལོ་རྩིབས་སྟོང་དང་ལྡན་པ་ལ་ཀུན་ཏུ་སྣང་ཞིང་མཛེས་པའི་འོད་ཟེར་ཡོད་དེ། དེ་ལ་འོད་འཛིན་པ་དང་ལྡན་པ་ཞེས་བྱ་བའི་དཔེ་བྱད་བཟང་པོའི་འོད་ཡོད་དོ། །དེ་ལས་འོད་ཟེར་བཞི་བཅུ་འབྱུང་སྟེ། དེའི་ནང་ནས་
D44.037.0056b07.01