完整藏文原文 · 德格版页 当前仅加载第 37 函德格 342b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་བཤེས་གཉེན་ཐམས་ཅད་ཀྱི་གདམས་ངག་འཐུན་པར་ལེན་པ། ཤེས་རབ་ཁ་མ་བབ་པའི་ཡུལ་དང་ལྡན་པ། སྒོ་ཀུན་ནས་རྣམ་པར་དག་པ་ལ་མངོན་དུ་གྱུར་པ། ཡེ་ཤེས་རྣམ་པར་དག་པའི་སྤྱོད་ཡུལ་ཐོགས་པ་མེད་པ་ཀུན་ཏུ་ལྟ་བའི་ཡེ་ཤེས་ཀྱི་ཚུལ་སྣང་བ་དང་ལྡན་པ།
D44.037.0342b01.01སའི་གཟུངས་ཀུན་ནས་སྣང་བ་རབ་ཏུ་ཐོབ་པ། ཆོས་ཀྱི་དབྱིངས་ཀྱི་གཞིའི་བྱེ་བྲག་ལ་མངོན་སུམ་དུ་གྱུར་པའི་སེམས་དང་ལྡན་པ། གཞི་ཀུན་ལ་རྟེན་པའི་རྒྱན་རྣམ་པར་དག་པའི་རང་བཞིན་རྣམ་པར་དམིགས་པ་གནས་པ་མེད་པ་དང་། བདག་གི་མེད་པ་དང་གཉིས་
D44.037.0342b02.01སུ་མེད་པའི་སྤྱོད་ཡུལ་ལ་རབ་ཏུ་བརྩོན་པ། འདུ་ཤེས་ཐམས་ཅད་ལས་འདའ་བར་བྱེད་པའི་ཡེ་ཤེས་ཀྱི་སྒོ་རྣམ་པར་དག་པ། ཆོས་ཀྱི་ཕྱོགས་དང་གཞི་ཐ་དད་པའི་ཕྱོགས་ལ་སོ་སོར་རྟོག་པ་མེད་པ་འཇིག་རྟེན་གྱི་གཞི་དང་ཕྱོགས་ཀྱི་བྱེ་བྲག་ལས་ཕྱིར་མི་ལྡོག་པ། ཆོས་
D44.037.0342b03.01ཀྱི་གཞི་དང་ཕྱོགས་ཀྱི་བྱེ་བྲག་ལས་ཕྱིར་མི་ལྡོག་པ་སངས་རྒྱས་ཀྱི་ཕྱོགས་དང་གཞི་ཐ་དད་པ་མཐོང་བ་དང་། རྣམ་པར་རིག་པར་བྱ་བ་ལ་གཞོལ་བ། དུས་ཀྱི་ཕྱོགས་དང་གཞིའི་བྱེ་བྲག་ཁོང་དུ་ཆུད་པའི་ཡེ་ཤེས་ཅན། ཆོས་ཀྱི་འཁོར་ལོ་ཡིད་དུ་འོང་བས་ཡང་དག་པར་བསྒྲུབས་
D44.037.0342b04.01པའི་བློ་དང་། ཡེ་ཤེས་ཀུན་ནས་སྣང་བའི་ཏིང་ངེ་འཛིན་གྱི་རྣམ་པར་སྣང་བས་སེམས་གསལ་བར་བྱས་པ། ཡིད་ཀྱི་ཡུལ་ལུས་ཀུན་དང་ལྡན་པའི་ས་ལ་ཞུགས་པ་དེ་བཞིན་གཤེགས་པའི་ཡེ་ཤེས་སྣང་བས་རྒྱུད་ཤིན་ཏུ་སྣང་བར་བྱས་པ། ཐམས་ཅད་མཁྱེན་པ་
D44.037.0342b05.01ཉིད་དུ་དད་པའི་དཔའ་རླབས་ཀྱི་ཤུགས་ཀྱིས་རབ་ཏུ་རློབ་པ། སངས་རྒྱས་ཀྱི་ཆོས་ལ་མོས་པའི་ཤུགས་དང་འབྲལ་བ་མེད་པ་དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་དུ་བརླབས་པ། སངས་རྒྱས་ཐམས་ཅད་རང་གི་སེམས་ཀྱི་རྒྱུད་ཁོང་དུ་ཆུད་པའི་འོད་ཀྱིས་
D44.037.0342b06.01སྣང་བར་གྱུར་པ། འཇིག་རྟེན་གྱི་ཁམས་ཀྱི་དྲ་བ་ཐམས་ཅད་རང་གི་ལུས་ཀྱིས་རྒྱས་པར་དགང་བའི་སྨོན་ལམ་དང་ཆོས་ཀྱི་དབྱིངས་ཐམས་ཅད་རང་གི་ལུས་སུ་ཡང་དག་པར་བསྡུ་བ་དང་། མངོན་པར་བསྒྲུབ་པ་ལ་བརྩོན་པ། དེ་མཐར་གྱིས་སོང་སོང་སྟེ། ལོ་
D44.037.0342b07.01