完整藏文原文 · 德格版页 当前仅加载第 37 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེ་འབྱུང་སྟེ། ཀྱེ་རྒྱལ་བའི་སྲས་གལ་ཏེ་དེ་བཞིན་གཤེགས་པའི་ཡེ་ཤེས་རྒྱ་མཚོ་ཆེན་པོའི་ནང་ན། ཡེ་ཤེས་རིན་པོ་ཆེ་ཆེན་པོ་དེ་བཞི་མེད་དུ་ཟིན་ན་ནི། དེ་བཞིན་གཤེགས་པའི་ཡེ་ཤེས་རྒྱ་མཚོ་ཆེན་པོའི་ནང་ནས་ཆུང་
D44.037.0112a01.01ངུ་ན། བྱང་ཆུབ་སེམས་དཔའ་གཅིག་གི་ཡེ་ཤེས་རིན་པོ་ཆེ་ཡང་འབྱུང་བར་མི་འགྱུར་རོ། །བཞི་པོ་དེ་དག་ཀྱང་གང་ཞེ་ན། འདི་ལྟ་སྟེ། ཐབས་མཁས་པ་ཆགས་པ་མེད་པའི་ཡེ་ཤེས་རིན་པོ་ཆེ་ཆེན་པོ་དང་། འདུས་བྱས་དང་འདུས་མ་བྱས་སུ་མཉམ་པའི་ཆོས་
D44.037.0112a02.01རབ་ཏུ་རྟོགས་པའི་ཡེ་ཤེས་རིན་པོ་ཆེ་ཆེན་པོ་དང་། ཆོས་ཀྱི་དབྱིངས་ཐ་མི་དད་ཀྱང་རྣམ་པ་ཐ་དད་དུ་ཤིན་ཏུ་སྟོན་པའི་ཡེ་ཤེས་རིན་པོ་ཆེ་ཆེན་པོ་དང་། དུས་དང་དུས་མ་ཡིན་པ་ལས་མི་འདའ་ཞིང་དུས་ལ་ཕེབས་པར་བྱེད་པའི་ཡེ་ཤེས་རིན་པོ་ཆེ་ཆེན་པོ་སྟེ། དེ་བཞིན་
D44.037.0112a03.01གཤེགས་པའི་ཡེ་ཤེས་རིན་པོ་ཆེ་ཆེན་པོ་དེ་བཞི་ཡོད་དོ། །ཀྱེ་རྒྱལ་བའི་སྲས་ཡེ་ཤེས་རིན་པོ་ཆེ་ཆེན་པོ་བཞི་པོ་དེ་དག་ནི། སེམས་ཅན་བསོད་ནམས་ངན་ངོན་དང་ལྡན་པ་རྣམས་ཀྱི་མིག་གིས་མཐོང་བར་{མྱི་,མི་}འགྱུར་ཏེ། དེ་ཅིའི་ཕྱིར་ཞེ་ན། ཡེ་ཤེས་རིན་པོ་ཆེ་ཆེན་པོ་དེ་བཞི་ནི་དེ་
D44.037.0112a04.01བཞིན་གཤེགས་པའི་ཆོས་ཀྱི་མཛོད་ན་འཁོད་པའི་ཕྱིར་ཏེ། ཀྱེ་རྒྱལ་བའི་སྲས་ཡེ་ཤེས་རིན་པོ་ཆེ་ཆེན་པོ་བཞི་པོ་དེ་དག་ནི་རྣམ་པ་ཀུན་ཏུ་བཟང་བ་སྟེ། ཕྱོགས་བཞིར་རྣམ་པར་བཀོད་ཅིང་བྱང་ཆུབ་སེམས་དཔའ་ཉེ་བར་འཚོ་བ་དང་། བྱང་ཆུབ་སེམས་དཔའི་ཡེ་
D44.037.0112a05.01ཤེས་སྣང་བས་འཐོབ་པ་དག་སྟེ། ཕྱོགས་བཞིར་བྱང་ཆུབ་སེམས་དཔའ་ཡང་དག་པར་བསྒྲུབས་པའི་ཕྱིར་རྣམ་པར་བཀོད་པ་དག་གོ །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་བཞི་པ་འདིས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་
D44.037.0112a06.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་སྐྱེ་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རྒྱ་མཚོ་ཆེན་པོ་དེ་ཉིད་ཀྱི་འོག་ན་ནོར་བུ་རིན་པོ་ཆེ་ཆེན་པོ་དྲག་ཤུལ་གྱི་གཟི་བརྗིད་དང་
D44.037.0112a07.01