完整藏文原文 · 德格版页 当前仅加载第 37 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་ཅན་དག་མངོན་པར་སྤྲུལ་ནས། རིན་པོ་ཆེ་གསེར་གྱི་དྲ་བས་ཀུན་ནས་བརྒྱན་པ་དང་། ཡིད་བཞིན་གྱི་རྒྱལ་པོའི་ཅོད་པན་བཅིངས་པའི་བྱང་ཆུབ་སེམས་དཔའི་ལུས་སུ་བྱིན་གྱིས་བརླབས་ནས་སྐྱིལ་མོ་ཀྲུང་བཅས་ཏེ་འཁོད་དོ། །བྱང་ཕྱོགས་ཀྱི་འཇིག་རྟེན་གྱི་
D44.037.0283b01.01ཁམས་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕ་རོལ་གྱི་འཇིག་རྟེན་གྱི་ཁམས་རིན་པོ་ཆེའི་གོས་ཡོངས་སུ་སྣང་བ་ཞེས་བྱ་བ་དེ་བཞིན་གཤེགས་པ་ཆོས་ཀྱི་དབྱིངས་ནམ་མཁའི་དཔལ་རྣམ་པར་སྣང་བའི་སངས་རྒྱས་ཀྱི་ཞིང་ནས་བྱང་ཆུབ་སེམས་
D44.037.0283b02.01དཔའ་ཆགས་པ་{མྱེད་,མེད་}པའི་དཔལ་གྱི་རྒྱལ་པོ་ཞེས་བྱ་བ་བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོ་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་བཅོམ་ལྡན་འདས་དེས་གནང་ནས་འཁོར་གྱི་དཀྱིལ་འཁོར་རྒྱ་མཚོ་དེ་ནས་འཕགས་ཏེ། ནམ་མཁའི་དབྱིངས་
D44.037.0283b03.01རིན་པོ་ཆེའི་སྣམ་བུའི་སྤྲིན་གྱི་རྒྱན་གྱིས་བརྒྱན་པར་བྱིན་གྱིས་བརླབ་པ་དང་། ནམ་མཁའི་དབྱིངས་རིན་པོ་ཆེའི་གོས་ཁ་དོག་སེར་པོ་དང་། མདོག་སེར་པོའི་སྤྲིན་གྱི་རྒྱན་གྱིས་བརྒྱན་པར་བྱིན་གྱིས་བརླབ་པ་དང་། ནམ་མཁའི་དབྱིངས་རིན་པོ་ཆེའི་གོས་སྤོས་སྣ་ཚོགས་ཀྱིས་དྲི་
D44.037.0283b04.01ཞིམ་པོར་བྱས་པའི་སྤྲིན་གྱི་ཆར་རབ་ཏུ་འབབ་པའི་རྒྱན་གྱིས་བརྒྱན་པར་བྱིན་གྱིས་བརླབ་པ་དང་། ནམ་མཁའི་དབྱིངས་རིན་པོ་ཆེའི་རྒྱལ་པོ་ཉི་མའི་རྒྱལ་མཚན་གྱི་སྤྲིན་གྱི་རྒྱན་གྱིས་བརྒྱན་པར་བྱིན་གྱིས་བརླབ་པ་དང་། ནམ་མཁའི་དབྱིངས་ནོར་བུ་རིན་པོ་ཆེ་གསེར་གྱི་མདོག་ཤིན་ཏུ་
D44.037.0283b05.01འབར་བའི་སྤྲིན་གྱི་རྒྱན་གྱིས་བརྒྱན་པར་བྱིན་གྱིས་བརླབ་པ་དང་། ནམ་མཁའི་དབྱིངས་ནོར་བུའི་རྒྱལ་པོ་རིན་པོ་ཆེ་འབར་བའི་གོས་ཀྱི་སྤྲིན་གྱི་རྒྱན་གྱིས་བརྒྱན་པར་བྱིན་གྱིས་བརླབ་པ་དང་། ནམ་མཁའི་དབྱིངས་རིན་པོ་ཆེ་སྐར་མ་ཐམས་ཅད་ཀྱི་གཟུགས་
D44.037.0283b06.01བརྙན་གྱིས་སྣ་ཚོགས་སུ་གྱུར་པའི་གོས་ཀྱི་སྤྲིན་གྱི་རྒྱན་གྱིས་བརྒྱན་པར་བྱིན་གྱིས་བརླབ་པ་དང་། ནམ་མཁའི་དབྱིངས་ཕྱོགས་བཅུ་ཀུན་ནས་ནོར་བུ་རིན་པོ་ཆེ་སྣམ་བུ་ཁྲ་བོའི་རྡོ་ལྟར་སྣང་བའི་སྤྲིན་གྱིས་ཡོངས་སུ་རྒྱས་པར་བྱིན་གྱིས་བརླབ་པ་དང་། ནམ་མཁའི་དབྱིངས་ཕྱོགས་
D44.037.0283b07.01