完整藏文原文 · 德格版页 当前仅加载第 37 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སངས་རྒྱས་ཀྱི་ཡུལ་ཇི་ལྟ་བུར་ཁོང་དུ་ཆུད་པར་
D44.037.0119b01.01བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་དེ་ལ་བྱང་ཆུབ་
D44.037.0119b02.01སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པའི་ཡུལ་ནི་ཤེས་རབ་དང་། ཡེ་ཤེས་ཆགས་པ་མེད་ཅིང་བསྒྲིབས་པ་མེད་པས་འཇུག་ཅིང་། འགྲོ་བ་ཐམས་ཅད་ཡུལ་དུ་གྱུར་པའི་སྒོས་ཁོང་དུ་ཆུད་པར་བྱ་སྟེ། དེ་བཞིན་གཤེགས་པའི་ཡུལ་ནི་འཇིག་རྟེན་ཐམས་ཅད་
D44.037.0119b03.01ཡུལ་དུ་གྱུར་པ་དང་། ཞིང་ཐམས་ཅད་ཡུལ་དུ་གྱུར་པ་དང་། ཆོས་ཐམས་ཅད་ཡུལ་དུ་གྱུར་པ་དང་། སེམས་ཅན་ཐམས་ཅད་ཡུལ་དུ་གྱུར་པ་དང་། དེ་བཞིན་ཉིད་ཐ་མི་དད་པ་ཡུལ་དུ་གྱུར་པ་དང་། ཆོས་ཀྱི་དབྱིངས་བསྒྲིབས་པ་མེད་པ་ཡུལ་དུ་གྱུར་པ་
D44.037.0119b04.01དང་། ཡང་དག་པའི་མཐའ་ལ་མཐའ་མེད་པར་ཡུལ་དུ་གྱུར་པ་དང་། ནམ་མཁའི་དབྱིངས་ཚད་མེད་པ་ཡུལ་དུ་གྱུར་པ་དང་། མྱ་ངན་ལས་འདས་པའི་དབྱིངས་ལ་ཡུལ་མེད་པ་ཡུལ་དུ་གྱུར་པའི་སྒོས་ཁོང་དུ་ཆུད་པར་བྱ་སྟེ། འགྲོ་བ་ཐམས་ཅད་ཀྱི་ཡུལ་ཇི་ལྟར་
D44.037.0119b05.01ཚད་མེད་པ་དེ་བཞིན་དུ་དེ་བཞིན་གཤེགས་པའི་ཡུལ་ཡང་ཚད་མེད་དེ། མྱ་ངན་ལས་འདས་པའི་ཡུལ་གྱི་བར་དུ་ཇི་ལྟར་ཚད་མེད་ཅིང་ཡུལ་མེད་ལ་ཡུལ་མ་ཡིན་ཏེ། ཐམས་ཅད་གང་ན་ཡང་མེད་པ་དེ་བཞིན་དུ་དེ་བཞིན་གཤེགས་པའི་ཡུལ་ཡང་ཚད་མེད་ཅིང་། ཡུལ་མེད་
D44.037.0119b06.01ལ་ཡུལ་མ་ཡིན་ཏེ། ཐམས་ཅད་གང་ན་ཡང་མེད་དོ། །ཀྱེ་རྒྱལ་བའི་སྲས་འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཀྱི་ཡུལ་གྱིས་སངས་རྒྱས་ཀྱི་ཡུལ་ཁོང་དུ་ཆུད་པར་བྱ་སྟེ། ཇི་ལྟར་སེམས་ཀྱི་ཡུལ་ཚད་མེད་ཅིང་མུ་མེད་དེ་མ་
D44.037.0119b07.01