完整藏文原文 · 德格版页 当前仅加载第 37 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་ཤེས་པ་རྒྱ་ཆེན་པོ་མངོན་པར་བསྒྲུབ་པའི་ཚུལ་ལ་གནས་པར་འགྱུར་རོ། །ཤེས་རབ་ཀྱི་འོད་ཆེན་པོས་ཤིན་ཏུ་སྣང་བའི་ཡེ་ཤེས་རིན་པོ་ཆེ་ཆེན་པོའི་འོད་ཀྱིས་ཕོག་ན་མངོན་པར་ཤེས་པ་རྒྱ་ཆེན་པོ་མངོན་པར་བསྒྲུབ་པའི་ཚུལ་རྣམ་པར་སྤངས་ཏེ། རིགས་པའི་སྣང་
D44.037.0113b01.01བ་ཆེན་པོ་མངོན་པར་བསྒྲུབ་པའི་ཚུལ་ལ་གནས་པར་འགྱུར་རོ། །མུན་པ་མེད་ཅིང་སྣང་བ་མེད་པ་དེ་བཞིན་གཤེགས་པའི་མཉམ་པ་ཉིད་ཀྱི་ཡེ་ཤེས་རིན་པོ་ཆེ་ཆེན་པོའི་འོད་ཀྱིས་ཕོག་ན། རིགས་པའི་སྣང་བ་ཆེན་པོ་མངོན་པར་བསྒྲུབ་པའི་ཚུལ་རྣམ་པར་སྤངས་ཏེ།
D44.037.0113b02.01དེ་བཞིན་གཤེགས་པའི་ས་མཉམ་པ་ཉིད་ཆེད་དུ་བྱ་བ་ཡོངས་སུ་ཞི་བ་ཕྲིན་ལས་ལྷུན་གྱིས་གྲུབ་པར་འབྱུང་བ་རབ་ཏུ་འཐོབ་བོ། །ཀྱེ་རྒྱལ་བའི་སྲས་ཡེ་ཤེས་རིན་པོ་ཆེ་ཆེན་པོ་འདི་བཞིའི་འོད་སྣང་བས་ཕོག་པའི་བྱང་ཆུབ་སེམས་དཔའ་རྣམས་ནི་དེ་བཞིན་གཤེགས་
D44.037.0113b03.01པའི་མཉམ་པ་ཉིད་བཞི་པོ་དེ་དག་འཐོབ་པར་འགྱུར་རོ། །ཀྱེ་རྒྱལ་བའི་སྲས་གལ་ཏེ་དེ་བཞིན་གཤེགས་པའི་ཡེ་ཤེས་ཀྱི་རྒྱ་མཚོ་ཆེན་པོའི་ནང་ན་ཡེ་ཤེས་རིན་པོ་ཆེ་ཆེན་པོ་འདི་བཞི་མེད་དུ་ཟིན་ན་ནི། ཆུང་ངུ་ན་བྱང་ཆུབ་སེམས་དཔའ་གཅིག་གིས་ཀྱང་དེ་བཞིན་
D44.037.0113b04.01གཤེགས་པའི་ས་མཉམ་པ་ཉིད་འཐོབ་པར་འགྱུར་བའི་གནས་མེད་སྐབས་མེད་དེ། དེ་ནི་གནས་མ་ཡིན་ནོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་ལྔ་པ་འདིས་ཀྱང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D44.037.0113b05.01སངས་རྒྱས་རྣམས་ཀྱི་ཐུགས་སྐྱེ་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། འོག་གི་ཆུའི་ཕུང་པོ་ཉེ་བར་བཟུང་པ་ཡན་ཅད། འདུ་ཤེས་མེད། འདུ་ཤེས་མེད་མིན་གྱི་སྐྱེ་མཆེད་ཀྱི་སྲིད་པའི་རྩེ་མོའི་བར་གྱི་སྟོང་
D44.037.0113b06.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ནམ་མཁའ་ལ་གནས་པ་སྟེ། གཟུགས་མེད་པ་ལ་སྤྱོད་པའི་སེམས་ཅན་གྱི་གནས་དང་། གཟུགས་ལ་སྤྱོད་པའི་སེམས་ཅན་གྱི་གནས་དང་། འདོད་པ་ལ་སྤྱོད་པའི་སེམས་ཅན་གྱི་གནས་ཇི་སྙེད་པ་དེ་
D44.037.0113b07.01