完整藏文原文 · 德格版页 当前仅加载第 37 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་པ་དྲུག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སེམས་ཅན་གཞན་དང་གང་ཟག་གཞན་དག་གི་མགོ་བཅད་པར་གྱུར་ཏམ། ལག་པ་བཅད་དམ། རྐང་པ་བཅད་དམ། རྣ་བ་དང་སྣ་བཅད་དམ། མིག་ཕྱུང་བར་
D44.037.0189b01.01གྱུར་ཏམ། གཤེ་འམ་མི་སྙན་པར་ཟེར་རམ། རྡེག་གམ་སྡིགས་སམ། སྨོད་དམ་འཆིང་ངམ། ཅོ་འདྲིའམ་ཐོ་འཚམ་ཡང་བཟོད་ཅིང་། དེའི་རྒྱུས་སེམས་ཁྲོ་བར་མི་འགྱུར། འཁྲུག་པ་དང་རྣམ་པར་འཁྲུག་པར་མི་འགྱུར། གནོད་
D44.037.0189b02.01པར་སེམས་པ་དང་ཁོང་ཁྲོ་བར་མི་འགྱུར་ཏེ། བརྗོད་དུ་མེད་པའི་ཡང་བརྗོད་དུ་མེད་པའི་བསྐལ་བར་བྱང་ཆུབ་སེམས་དཔའི་སྤྱད་པ་སྤྱོད་ཀྱང་སེམས་ཅན་ཐམས་ཅད་ཡོངས་སུ་གཏོང་བའི་སེམས་མི་བསྐྱེད་དོ། །ཀྱེ་རྒྱལ་བའི་སྲས་དེ་ལྟར་བྱང་ཆུབ་སེམས་
D44.037.0189b03.01དཔའ་ཆོས་ཐམས་ཅད་མི་གཉིས་པར་རྣམ་པར་སྤྱད་པའི་བསླབ་པ་ལ་སློབ་ཅིང་མི་འཁྲུག་པའི་བསམ་པས་སེམས་ཅན་ཐམས་ཅད་ཀྱིས་སྡུག་བསྔལ་དུ་བྱས་པའི་སྡུག་བསྔལ་ཐམས་ཅད་རང་གི་ལུས་ཀྱིས་ཉམས་སུ་བླང་བར་བཟོད་པར་བྱེད་ཅིང་བཏང་སྙོམས་སུ་གནས་པ་
D44.037.0189b04.01འདི་ནི་ཐེག་པ་ཆེན་པོའི་གོ་ཅ་རྡོ་རྗེ་ལྟ་བུའི་སེམས་བསྐྱེད་པ་བདུན་པའོ། །ཀྱེ་རྒྱལ་བའི་སྲས་གཞན་ཡང་མ་འོངས་པའི་དུས་ལ་ནི་མཐའ་མེད་དེ། ཐུག་པ་མེད་ཅིང་རྒྱུན་ཆད་པ་མེད་པ་ཡིན་ན། བྱང་ཆུབ་སེམས་དཔའ་ནི་འདི་ལྟར་མ་འོངས་པའི་བསྐལ་པ་
D44.037.0189b05.01འགྲངས་པར་ཆོས་ཀྱི་དབྱིངས་ཀྱིས་གཏུགས་པ་ནམ་མཁའི་དབྱིངས་ལྟར་གནས་པ། གང་ཇི་སྙེད་པ་ཡོད་པ་དེ་དག་ཐམས་ཅད་ཀྱིས་འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཡོངས་སུ་སྨྱིན་པར་བྱ་བས་བྱང་ཆུབ་སེམས་དཔའི་སྤྱོད་པ་སྤྱད་པར་བྱའོ། །
D44.037.0189b06.01འཇིག་རྟེན་གྱི་ཁམས་གཅིག་ཏུ་ཇི་ལྟར་སྤྱད་པ་དེ་བཞིན་དུ་འཇིག་རྟེན་གྱི་ཁམས་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་དབྱིངས་ཀྱི་མཐས་གཏུགས་པ་ཐམས་ཅད་དུ་འང་སྤྱོད་པར་བྱའོ། །ཞེས་སེམས་བསྐྱེད་ཀྱང་དེ་ལྟ་བུའི་དུས་སུ་སྤྱོད་པས་སྡང་བ་མེད་
D44.037.0189b07.01