完整藏文原文 · 德格版页 当前仅加载第 37 函德格 376b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྐྱིབས་ཤིག་ན། ཐོར་ཚུགས་ཀྱི་ཅོད་པན་ཅན། པགས་པ་དང་། རྩའི་གོས་གྱོན་པ། ཤིང་ཤུན་གྱི་སྨད་ཡོགས་ཅན་རྩའི་སྟན་ལ་འདུག་པ་མཐོང་ངོ་། །མཐོང་ནས་ཀྱང་དྲང་སྲོང་འཇིགས་མཆོག་དབྱངས་ག་ལ་བ་དེར་སོང་སྟེ། ཕྱིན་ནས་ཡང་དག་པའི་དགེ་བའི་
D44.037.0376b01.01བཤེས་གཉེན་དང་ཕྲད་པའི་བསམ་པས་དགེ་བའི་བཤེས་གཉེན་ནི་ཡང་དག་པའི་ལམ་སྟོན་པས། ཐམས་ཅད་མཁྱེན་པ་ཉིད་འབྱུང་བའི་སྒོ་ཡིན་པར་ཡང་དག་པར་ལྟ། ཐམས་ཅད་མཁྱེན་པའི་ས་ལ་གཞོག་པས། ཐམས་ཅད་མཁྱེན་པ་ཉིད་ནི་དགེ་བའི་བཤེས་
D44.037.0376b02.01གཉེན་གྱི་གདམས་ངག་ལ་རག་ལུས་པར་ཡང་དག་པར་ལྟ། སྟོབས་བཅུའི་ཡེ་ཤེས་རིན་པོ་ཆེའི་གླིང་དུ་སྐྱེལ་བས། ཐམས་ཅད་མཁྱེན་པ་ཉིད་ནི་དགེ་བའི་བཤེས་གཉེན་གྱི་མཉན་པ་ལ་རག་ལུས་པར་ཡང་དག་པར་ལྟ། སྟོབས་བཅུའི་ཡེ་ཤེས་སྣང་བ་ཡང་
D44.037.0376b03.01དག་པར་བསྐྱེད་པས་ཐམས་ཅད་མཁྱེན་པ་ཉིད་ནི་དགེ་བའི་བཤེས་གཉེན་གྱི་སྒྲོན་མས་སྣང་བར་བྱ་བ་ཡིན་པར་ཡང་དག་པར་ལྟ། ཉམ་ཉེས་མེད་པར་ཐམས་ཅད་མཁྱེན་པ་ཉིད་ཀྱི་གྲོང་དུ་ཕྱིན་པར་བྱེད་པས། ཐམས་ཅད་མཁྱེན་པ་ཉིད་ཀྱི་ལམ་ནི་དགེ་བའི་བཤེས་
D44.037.0376b04.01གཉེན་ཡིན་པར་ཡང་དག་པར་ལྟ། མཉམ་པ་དང་མི་མཉམ་པ་ཡོངས་སུ་སྟོན་པས། ཐམས་ཅད་མཁྱེན་པ་ཉིད་ཀྱི་མར་མེ་ནི་དགེ་བའི་བཤེས་གཉེན་ཡིན་པར་ཡང་དག་པར་ལྟ། གཡང་སའི་འཇིགས་པ་ཐམས་ཅད་མེད་པར་བྱེད་པས་ཐམས་ཅད་མཁྱེན་པ་ཉིད་ཀྱི་
D44.037.0376b05.01སྟེགས་ནི་དགེ་བའི་བཤེས་གཉེན་ཡིན་པར་ཡང་དག་པར་ལྟ། བྱམས་པ་ཆེན་པོའི་སྟོབས་ཀྱིས་སིམ་པ་ཡོངས་སུ་བསྐྱེད་པའི་ཕྱིར་ཐམས་ཅད་མཁྱེན་པ་ཉིད་ཀྱི་གདུགས་ནི་དགེ་བའི་བཤེས་གཉེན་ཡིན་པར་ཡང་དག་པར་ལྟ། སྙིང་རྗེ་ཆེན་པོ་ཡོངས་སུ་བསྐྱེད་
D44.037.0376b06.01པས་ཐམས་ཅད་མཁྱེན་པ་ཉིད་ཀྱི་ཤུགས་དྲག་པོ་ནི་དགེ་བའི་བཤེས་གཉེན་ཡིན་པར་ཡང་དག་པར་ལྟ་ཞིང་ཆོས་ཀྱི་རང་བཞིན་གྱི་ཚུལ་རབ་ཏུ་སྣང་བར་བྱེད་པས་ཐམས་ཅད་མཁྱེན་པ་ཉིད་གསལ་བར་མཐོང་བ་ནི། དགེ་བའི་བཤེས་གཉེན་ལ་རག་ལས་པར་མཐོང་ནས། ལུས་ཐམས་
D44.037.0376b07.01