完整藏文原文 · 德格版页 当前仅加载第 37 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
བཀུར་སྟི་བྱའོ། །དེ་བཞིན་གཤེགས་པ་དེ་དག་ཡོངས་སུ་མྱ་ངན་ལས་འདས་ནས་ཀྱང་སྐུ་གཟུགས་ལ་མཆོད་པའི་ལས་ཀྱི་ཕྱིར་མཆོད་རྟེན་ཚད་མེད་པ་མང་པོ་བྱའོ། །དེ་དག་གི་བསྟན་པ་ཡང་ཡོངས་སུ་བསྲུང་བར་བྱའོ། །དེ་
D44.037.0162a01.01དག་གི་དམ་པའི་ཆོས་ཀྱང་ཡོངས་སུ་བཟུང་བ་བླ་ན་མེད་པས་ཡོངས་སུ་གཟུང་བར་བྱའོ། །ཞེས་དབུགས་ཕྱིན་པ་ཆེན་པོ་རབ་ཏུ་འཐོབ་བོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། འཇིག་རྟེན་གྱི་ཁམས་
D44.037.0162a02.01ཐམས་ཅད་བླ་ན་མེད་པའི་མཛེས་པས་བརྒྱན་པར་བྱ། སྤུད་པར་བྱ། ཀླུབ་པར་བྱ། ཡོངས་སུ་སྦྱང་བར་བྱ། །མཉམ་པར་བྱ། །བསྒྱུར་བར་བྱ། བྱིན་གྱིས་བརླབ་པར་བྱ། བསྐྱོད་པར་བྱ། སྣང་བར་བྱ། རྫུ་འཕྲུལ་དང་རྣམ་པར་འཕྲུལ་པས་དགང་
D44.037.0162a03.01བར་བྱའོ་ཞེས་དབུགས་ཕྱིན་པ་ཆེན་པོ་རབ་ཏུ་འཐོབ་བོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། སེམས་ཅན་ཐམས་ཅད་ཀྱི་ཐེ་ཙོམ་གཅད་པར་བྱའོ། །ནེམ་ནུར་གཅད་པར་བྱའོ། །བསམ་པ་
D44.037.0162a04.01ཡོངས་སུ་སྦྱང་བར་བྱའོ། །སེམས་ཁོང་དུ་ཆུད་པར་བྱའོ། །ཉོན་མོངས་པ་རྣམ་པར་བཟློག་པར་བྱའོ། །ངན་སོང་གི་སྒོ་གཅད་པར་བྱའོ། །བདེ་བའི་ལམ་གྱི་སྒོ་དབྱེ་བར་བྱའོ། །མུན་པ་རྣམ་པར་བསྩལ་བར་བྱའོ། །འོད་ཀྱིས་སྣང་བར་བྱའོ།
D44.037.0162a05.01བདུད་ཐམས་ཅད་དང་བདུད་ཀྱི་ལས་རྣམས་རབ་ཏུ་གདུལ་བར་བྱའོ། །བླ་ན་མེད་པའི་བདེ་བ་ཆེན་པོ་འཐོབ་པ་འགྲོ་བ་ཐམས་ཅད་དུ་ཡང་དག་པར་བསྟན་པར་བྱའོ། །རབ་ཏུ་བསྐྱེད་པར་བྱའོ། །ཞེས་དབུགས་ཕྱིན་པ་ཆེན་པོ་རབ་ཏུ་འཐོབ་པོ།
D44.037.0162a06.01ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། བདག་གིས་སངས་རྒྱས་མཐོང་བ་ནི་དོན་ཡོད་པ་སྟེ། ཇི་ཙམ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བལྟ་བར་འདོད་པ་
D44.037.0162a07.01