完整藏文原文 · 德格版页 当前仅加载第 37 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
དོན་བརྗོད་པ་དང་། སྒྲ་དང་སྐད་ཐམས་ཅད་ཀྱི་མཚམས་སྦྱར་བ་རབ་ཏུ་རྟོགས་པར་བྱ་བ་དང་། དེ་བཞིན་གཤེགས་པས་དབང་བསྐུར་བའི་སྤོབས་པ་ཐོགས་པ་མེད་པ་དམ་པའི་ཕ་རོལ་ཏུ་ཕྱིན་པ་ཐོབ་པ་ཡིན་ཏེ། དེ་དག་འདི་སྙམ་དུ་ཤར་ཕྱོགས་དང་། ལྷོ་ཕྱོགས་དང་ནུབ་ཕྱོགས་དང་
D44.037.0204b01.01བྱང་ཕྱོགས་ནས་ལ་ལ་ཞིག་འོངས་ཏེ། བདག་ལ་ཆོས་ཀྱི་ཐེ་ཙོམ་ཆེན་པོ་ཞིག་དྲིས་པར་གྱུར་ན། བདག་གིས་ལན་མི་ལོན་སྙམ་དུ་མི་སེམས་ཏེ། བྱང་ཆུབ་སེམས་དཔས་རྒྱུ་ཡང་རྗེས་སུ་མི་མཐོང་ངོ་། །རྒྱུ་འང་རྗེས་སུ་མི་མཐོང་བས་མི་འཇིགས་པ་ཆེན་པོའི་དམ་པ་ཐོབ་
D44.037.0204b02.01ཅིང་འགྲོ་བ་ཐམས་ཅད་ཀྱི་དྲི་བ་ཡོངས་སུ་དྲི་བ་ཅི་ཡོད་པ་བརྟན་པ་དང་། འཇིགས་ཤིང་སྤུ་ལྡང་བ་མེད་པར་བྱོས་ལ། གང་འདོད་པ་དེ་དག་དྲིས་ཤིག་ཅེས་སྐབས་འབྱེད་པ་འདི་ནི་མི་འཇིགས་པ་གཉིས་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་སྟོང་བའི་ཆོས་
D44.037.0204b03.01ཁོང་དུ་ཆུད་པར་རྟོགས་པ་ཡིན་ཏེ། བདག་དང་བདག་གི་དང་། བྱེད་པ་པོ་དང་བྱེད་དུ་འཇུག་པ་དང་། ཚོར་བ་པོ་དང་སྲོག་དང་གསོ་བ་དང་། གང་ཟག་དང་ཕུང་པོ་དང་ཁམས་དང་། སྐྱེ་མཆེད་དུ་ལྟ་བ་དང་བྲལ་ཏེ། སེམས་ནམ་མཁའ་དང་མཚུངས་པའི་རྗེས་སུ་སོང་བ། དེ་
D44.037.0204b04.01དག་འདི་སྙམ་དུ་བདག་ལ་ལ་ཞིག་གིས་ལུས་དང་། ངག་དང་ཡིད་ཀྱིས་གནོད་པར་བྱ་བའམ། གཅིག་ཏུ་མི་འགྱུར་རམ་སྙམ་དུ་སེམས་པ་མེད་དེ། བྱང་ཆུབ་སེམས་དཔས་མཚན་མ་འང་རྗེས་སུ་མི་མཐོང་ངོ་། །དེ་ཅིའི་ཕྱིར་ཞེ་ན། འདི་ལྟར་སྐྱེས་བུ་དམ་པ་ནི་བདག་ཏུ་འཛིན་
D44.037.0204b05.01པ་དང་། བདག་གི་འཛིན་པ་དང་། བྲལ་བའི་ཕྱིར་ཏེ། མཚན་མའང་རྗེས་སུ་མི་མཐོང་བས། མི་འཇིགས་པ་ཆེན་པོའི་དམ་པ་ཐོབ་ཅིང་། བྱང་ཆུབ་སེམས་དཔའ་ཐམས་ཅད་ཀྱི་སྔོན་དུ་འདོར་བ་ལ་རབ་ཏུ་བརྟན་པ་འདི་ནི་མི་འཇིགས་པ་གསུམ་པའོ། །ཀྱེ་རྒྱལ་བའི་སྲས་བྱང་
D44.037.0204b06.01ཆུབ་སེམས་དཔའ་རྣམས་ནི་སངས་རྒྱས་ཀྱི་བྱིན་གྱི་རླབས་ཀྱིས་བྱིན་དུ་བརླབས་ཏེ། སངས་རྒྱས་ཀྱི་སྣང་བས་ཉེ་བར་བརྟན་ཅིང་དེ་བཞིན་གཤེགས་པའི་སྤྱོད་ལམ་དང་། སྤྱོད་པ་དང་ཚུལ་ལ་རབ་ཏུ་གནས་ལ་སྤྱོད་ལམ་རྣམ་པར་མི་བརྟགས་ཤིང་ཅི་ལྟ་བ་བཞིན་དུ་གནས་པས་དེ་དག་འདི་
D44.037.0204b07.01