完整藏文原文 · 德格版页 当前仅加载第 37 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་གྱི་ཕུང་པོ་ཡང་དག་པར་གཅད་ཅིང་བྱང་ཆུབ་སེམས་དཔའི་སྤྱོད་པ་བསྒྲུབ་པ་བསྐྱེད་པའི་ཕྱིར་མྱ་ངན་ལས་འདས་པ་ཆེན་པོའི་དོན་ཏོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དོན་ཏེ། དེ་དག་ལ་གནས་ཤིང་བྱང་ཆུབ་སེམས་
D44.037.0241b01.01དཔའ་རྣམས་ཐམས་ཅད་མཁྱེན་པའི་ཡེ་ཤེས་ཀྱི་དོན་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཆོས་ཏེ། བཅུ་གང་ཞེ་ན་འདི་ལྟར་ཇི་སྐད་དུ་སྨྲས་པ་དེ་བཞིན་དུ་བྱ་བའི་ཕྱིར་བདེན་པའི་ཆོས་དང་། ལེན་
D44.037.0241b02.01ཅིང་འཛིན་པ་ཐམས་ཅད་ཡོངས་སུ་གཅད་པའི་ཕྱིར་ཡོངས་སུ་འཛིན་པ་མེད་པའི་ཆོས་དང་། ཉོན་མོངས་པའི་འབར་བ་ཐམས་ཅད་རབ་ཏུ་ཞི་བར་བྱ་བའི་ཕྱིར་རྩོད་པ་མེད་པའི་ཆོས་དང་། ཡོངས་སུ་གདུང་བ་དང་བྲལ་བའི་ཕྱིར་ཞི་བའི་ཆོས་དང་། འདོད་ཆགས་ཀྱི་དྲི་མ་དང་། ཉོན་
D44.037.0241b03.01མོངས་པ་ཐམས་ཅད་དང་བྲལ་བའི་ཕྱིར་འདོད་ཆགས་དང་བྲལ་བའི་ཆོས་དང་། དམིགས་པ་ཐམས་ཅད་རྒྱུན་ཆད་པའི་ཕྱིར་ཡོངས་སུ་རྟོག་པ་མེད་པའི་ཆོས་དང་། ནམ་མཁའ་དང་འདྲ་ཞིང་མཚུངས་པའི་ཕྱིར་མི་སྐྱེ་བའི་ཆོས་དང་། སྐྱེ་བ་དང་འཇིག་པ་དང་
D44.037.0241b04.01གནས་མེད་པའི་ཕྱིར་འདུས་མ་བྱས་ཀྱི་ཆོས་དང་། རང་བཞིན་གྱིས་ཀུན་ནས་ཉོན་མོངས་པ་མེད་པའི་ཕྱིར་རང་བཞིན་གྱི་ཆོས་དང་། བྱང་ཆུབ་སེམས་དཔའི་སྤྱོད་པ་སྒྲུབ་ཅིང་ཡོངས་སུ་གཟུང་བའི་ཕྱིར་ཕུང་པོ་ཐམས་ཅད་སྤངས་ཏེ། མྱ་ངན་ལས་འདས་
D44.037.0241b05.01པར་འགྲོ་བའི་ཆོས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཆོས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཆོས་ཉིད་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་
D44.037.0241b06.01པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བསོད་ནམས་ཀྱི་ཚོགས་ཏེ། བཅུ་གང་ཞེ་ན་འདི་ལྟར་དཀོན་མཆོག་གསུམ་གྱི་གདུང་རྒྱུན་མི་གཅད་པའི་ཕྱིར། ཕ་རོལ་བྱང་ཆུབ་ཀྱི་སེམས་ལ་ཡིད་དམ་འཆར་གཞུག་པའི་བསོད་ནམས་ཀྱི་ཚོགས་དང་། མི་དགེ་བའི་
D44.037.0241b07.01