完整藏文原文 · 德格版页 当前仅加载第 37 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེམ་རབ་ཏུ་ཆེམ་ཆེམ། ཀུན་ཏུ་ཆེམ་ཆེམ་མོ། །འུར་འུར་རབ་ཏུ་འུར་འུར། ཀུན་ཏུ་འུར་འུར་རོ། །ཤིག་ཤིག་རབ་ཏུ་ཤིག་ཤིག་ཀུན་ཏུ་ཤིག་ཤིག་གོ །འདི་ལྟ་སྟེ་ཤར་ཕྱོགས་དམའ་བར་གྱུར་ན། ནུབ་ཕྱོགས་མཐོ་བར་གྱུར་ཏོ། །ནུབ་
D44.037.0139a01.01ཕྱོགས་དམའ་བར་གྱུར་ན་ཤར་ཕྱོགས་མཐོ་བར་གྱུར་ཏོ། །ལྷོ་ཕྱོགས་དམའ་བར་གྱུར་ན་བྱང་ཕྱོགས་མཐོ་བར་གྱུར་ཏོ། །བྱང་ཕྱོགས་དམའ་བར་གྱུར་ན་ལྷོ་ཕྱོགས་མཐོ་བར་གྱུར་ཏོ། །དབུས་དམའ་བར་གྱུར་ན་མཐའ་མཐོ་བར་གྱུར་ཏོ། །མཐའ་དམའ་བར་
D44.037.0139a02.01གྱུར་ན་དབུས་མཐོ་བར་གྱུར་ཏོ། །དེ་བཞིན་གཤེགས་པའི་མཐུས་ལྷ་རྫས་ལས་འདས་པའི་མེ་ཏོག་གི་སྤྲིན་དང་ན་བཟའི་སྤྲིན་དང་། གདུགས་ཀྱི་སྤྲིན་དང་རྒྱལ་མཚན་གྱི་སྤྲིན་དང་། བ་དན་གྱི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་སྤོས་ཀྱི་སྤྲིན་
D44.037.0139a03.01གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་ཕྲེང་བ་དང་། བྱུག་པའི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་རྒྱན་དང་ལྷབ་ལྷུབ་ཀྱི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་ནོར་བུ་རིན་པོ་ཆེ་འོད་ཆེན་པོ་
D44.037.0139a04.01དང་ལྡན་པའི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་བྱང་ཆུབ་སེམས་དཔའི་ལེགས་སོ། །ཞེས་བརྗོད་པའི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་བྱང་ཆུབ་སེམས་དཔའི་ལུས་བརྗོད་དུ་མེད་པའི་སྤྲིན་གྱི་ཆར་མངོན་པར་བབ་བོ། །
D44.037.0139a05.01འཇིག་རྟེན་གྱི་ཁམས་བསམ་གྱིས་མི་ཁྱབ་པར་ཡོངས་སུ་དག་པས་མངོན་པར་འཚང་རྒྱ་བའི་སྤྲིན་གྱི་ཆར་མངོན་པར་བབ་བོ། །དེ་བཞིན་གཤེགས་པའི་གསུང་ཆོས་ཀྱི་དབྱིངས་མཐའ་དང་དབུས་{མྱེད་,མེད་}པ་རྒྱས་པར་འགེངས་པའི་སྤྲིན་གྱི་ཆར་མངོན་པར་བབ་བོ། །གླིང་བཞི་
D44.037.0139a06.01པའི་འཇིག་རྟེན་གྱི་ཁམས་འདིར་དེ་བཞིན་གཤེགས་པའི་བྱང་ཆུབ་ཐུགས་སུ་ཆུད་པའི་ཆོས་ཀྱི་བྱིན་གྱི་རླབས་ཀྱིས། བྱང་ཆུབ་སེམས་དཔའ་དགའ་བར་གྱུར་པ་དེ་བཞིན་དུ་འཇིག་རྟེན་གྱི་ཁམས་མ་ལུས་པ་ཐམས་ཅད་དུའང་ཕྱོགས་བཅུ་རྒྱས་པ་ཐམས་ཅད་རབ་ཏུ་
D44.037.0139a07.01