完整藏文原文 · 德格版页 当前仅加载第 37 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་བརྩམས་པ་ཆེན་པོ་མཐར་ཕྱིན་པར་བྱེད་པ་དང་། འཇིག་རྟེན་གྱི་ཁམས་ཐམས་ཅད་དུ་འགྲོ་བ་དང་། དེ་བཞིན་གཤེགས་པའི་དྲུང་དུ་ཉེ་བར་འགྲོ་བ་ལ་བརྩམས་པ་ཆེན་པོ་མཐར་ཕྱིན་པར་བྱེད་པ་དང་། ཆོས་ཐམས་ཅད་
D44.037.0193a01.01མཉན་པར་བྱ་བའི་ཕྱིར་སངས་རྒྱས་ཀྱི་འཁོར་གྱི་དཀྱིལ་འཁོར་དུ་འགྲོ་བ་ལ་བརྩམས་པ་ཆེན་པོ་མཐར་ཕྱིན་པར་བྱེད་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བརྩམས་པ་ཆེན་པོ་མཐར་ཕྱིན་པར་བྱ་བ་སྟེ། དེ་དག་ལ་གནས་ཤིང་
D44.037.0193a02.01བྱང་ཆུབ་སེམས་དཔའ་རྣམས་ཡང་དག་པར་རྫོགས་པའི་བྱང་ཆུབ་ཀྱི་ཡེ་ཤེས་ཆེན་པོ་བརྩམས་པའི་མཐར་དབྱུང་བ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དད་པ་མི་ཕྱེད་པ་སྟེ། བཅུ་
D44.037.0193a03.01གང་ཞེ་ན། འདི་ལྟར་སངས་རྒྱས་ཐམས་ཅད་ལ་དད་པ་མི་ཕྱེད་པ་དང་། སངས་རྒྱས་ཀྱི་ཆོས་ཐམས་ཅད་ལ་དད་པ་མི་ཕྱེད་པ་དང་། འཕགས་པའི་དགེ་འདུན་ཐམས་ཅད་ལ་དད་པ་མི་ཕྱེད་པ་དང་། བྱང་ཆུབ་སེམས་དཔའ་ཐམས་ཅད་ལ་དད་པ་མི་ཕྱེད་པ་
D44.037.0193a04.01དང་། དགེ་བའི་བཤེས་གཉེན་ཐམས་ཅད་ལ་དད་པ་མི་ཕྱེད་པ་དང་། སེམས་ཅན་ཐམས་ཅད་ལ་དད་པ་མི་ཕྱེད་པ་དང་། བྱང་ཆུབ་སེམས་དཔའི་སྨོན་ལམ་ཐམས་ཅད་ལ་དད་པ་མི་ཕྱེད་པ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་ཁོང་དུ་
D44.037.0193a05.01ཆུང་པར་བྱ་བ་ལ་དད་པ་མི་ཕྱེད་པ་དང་། སངས་རྒྱས་ཐམས་ཅད་ལ་མཆོད་ཅིང་བསྙེན་བཀུར་བྱ་བ་ལ་དད་པ་མི་ཕྱེད་པ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བར་བྱང་ཆུབ་སེམས་དཔའི་ཐབས་མཁས་
D44.037.0193a06.01པ་མཚམས་སྦྱོར་བའི་ཚུལ་ལ་དད་པ་མི་ཕྱེད་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དད་པ་མི་ཕྱེད་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཡེ་ཤེས་ཆེན་པོའི་དད་པ་མི་ཕྱེད་པ་བླ་ན་མེད་པ་
D44.037.0193a07.01