完整藏文原文 · 德格版页 当前仅加载第 37 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཐམས་ཅད་དང་མཉམ་པ་ཉིད་བརྙེས་པ། བསྒྲིབས་པ་མེད་པ་ཐུགས་སུ་ཆུད་པ་རྟོགས་པ། ཕྱིར་མི་ལྡོག་པའི་ཆོས་དང་ལྡན་པ། སྤྱོད་ཡུལ་ལ་འཕྲོགས་པ་མེད་པ། དུས་གསུམ་རྣམ་པར་དགོད་པ་བསམ་
D44.037.0142a01.01གྱིས་མི་ཁྱབ་པ་ལ་མཉམ་པ་ཉིད་དུ་བྱུང་བ། འཇིག་རྟེན་གྱི་ཁམས་ཐམས་ཅད་དུ་ཤིན་ཏུ་ཁྱབ་པའི་སྐུ་མངའ་བ། ཆོས་ཐམས་ཅད་ལ་ཐེ་ཙོམ་མི་མངའ་བའི་ཡེ་ཤེས་ཅན་སྤྱོད་པ་ཐམས་ཅད་དང་ལྡན་པའི་དགོངས་པ་མངའ་བ། ཆོས་ཀྱི་ཡེ་ཤེས་ལ་ནེམ་ནུར་
D44.037.0142a02.01མི་མངའ་བ། །རྣམ་པར་མ་བརྟགས་པའི་སྐུ་དང་ལྡན་པ་བྱང་ཆུབ་སེམས་དཔའ་ཐམས་ཅད་ཀྱིས་ཡང་དག་པར་མནོད་པའི་ཡེ་ཤེས་ཅན་སངས་རྒྱས་ཀྱི་སྤྱོད་པ་མི་གཉིས་པའི་ཕ་རོལ་ཏུ་ཕྱིན་པའི་མཆོག་བརྙེས་པ། དེ་བཞིན་གཤེགས་པའི་རྣམ་པར་ཐར་པ་ཐ་
D44.037.0142a03.01མི་དད་པའི་ཡེ་ཤེས་ཀྱི་མཐར་ཕྱིན་པ། སངས་རྒྱས་ཀྱིས་མཐའ་དང་དབུས་མེད་པའི་མཉམ་པ་ཉིད་ཐུགས་སུ་ཆུད་པ། ཆོས་ཀྱི་དབྱིངས་ཀྱིས་ཀླས་པ། ནམ་མཁའི་དབྱིངས་ཀྱི་མཐས་གཏུགས་པ་སངས་རྒྱས་ཀྱི་སྤྱོད་པས་རྣམ་པར་སྤྱོད་ཅིང་ཡུལ་
D44.037.0142a04.01མ་ག་དྷའི་ཆོས་ཀྱི་དགོན་པའི་སྙིང་པོའི་བྱང་ཆུབ་ལ་ཕོ་བྲང་འོད་ཀུན་ནས་བྱུང་བ་ན་གདན་སེང་གེའི་ཁྲི་པད་མོའི་སྙིང་པོ་ཅན་ལ་བཞུགས་ཤིང་། བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་ཕྲག་བཅུའི་
D44.037.0142a05.01རྡུལ་ཤིན་ཏུ་ཕྲ་བ་སྙེད་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཚེ་གཅིག་གིས་ཐོགས་པ་འཇིག་རྟེན་གྱི་ཁམས་གཞན་དང་གཞན་ནས་འདུས་པ་ཀུན་ཀྱང་། བྱང་ཆུབ་སེམས་དཔའི་ཡེ་ཤེས་ཀྱི་ཚུལ་ཐམས་ཅད་རབ་ཏུ་ཐོབ་པ་ཤ་སྟག་སྟེ། འདི་ལྟར་
D44.037.0142a06.01སེམས་ཅན་གྱི་ཁམས་ཐམས་ཅད་ཡོངས་སུ་སྨིན་པར་བྱ་བ་དང་། རྣམ་པར་གདུལ་བ་དང་བྱང་ཆུབ་སེམས་དཔའི་ཆོས་ལ་རབ་ཏུ་དགོད་པར་མཁས་པ་འཇིག་རྟེན་གྱི་ཁམས་འབྱམ་ཀླས་པ་ཐམས་ཅད་དཔྱད་པའི་ཚུལ་གྱི་ཡེ་ཤེས་འབྱམ་ཀླས་པ་ལ་ཞུགས་པ་དག་སྟེ།
D44.037.0142a07.01