完整藏文原文 · 德格版页 当前仅加载第 37 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
ཟིལ་གྱིས་ནོན་པས་སངས་རྒྱས་སྐྱེ་བ་མཉེས་པར་མི་བྱེད་པ་དང་། སྔོན་གྱི་དགེ་བའི་རྩ་བ་ཟད་པར་བྱེད་ཅིང་གསར་དུ་མི་བསྒྲུབ་ལ་མི་བཤད་པ་འཆད་པ་དང་། འཐབ་མོ་བྱེད་ཅིང་རྩོད་པ་མང་བར་གྱུར་ཏེ། དེ་དེ་ལྟ་བུའི་ཆོས་ལ་མང་དུ་སྤྱོད་པས་འདོད་རྒྱལ་ཆེན་པོར་ལྷུང་བའི་གནས་
D44.037.0249b01.01སུ་གྱུར་ཀྱང་བྱང་ཆུབ་སེམས་དཔའི་སྟོབས་དང་ཤུགས་ཀྱིས་དེ་ད་དུང་དབང་ཕྱུག་ཐོབ་པར་འགྱུར་ཡང་བསྐལ་པ་བརྒྱ་སྟོང་དུ་མར་ཡང་སངས་རྒྱས་སྐྱེ་བ་མཐོང་བར་ཡང་མི་འགྱུར་ན་ཆོས་མཉན་པ་ལྟ་སྨོས་ཀྱང་ཅི་དགོས་ཏེ། འདི་ནི་ང་རྒྱལ་གྱི་ལས་བཅུ་པའོ། །ཀྱེ་རྒྱལ་བའི་སྲས་
D44.037.0249b02.01བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ང་རྒྱལ་གྱི་ལས་ཏེ། དེ་དག་ཡོངས་སུ་སྤངས་ཤིང་བྱང་ཆུབ་སེམས་དཔའ་རྣམས་ཡེ་ཤེས་ཀྱི་ལས་བཅུ་འཐོབ་པར་འགྱུར་བ་དག་གོ། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་
D44.037.0249b03.01པོའི་མདོ། །བམ་པོ་ཉི་ཤུ་གཉིས་པ། ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱི་ལས་ཏེ། བཅུ་གང་ཞེ་ན། འདི་ལྟར་ལས་ཀྱི་རྣམ་པར་སྨིན་པ་ལ་ཡིད་ཆེས་པས་རྒྱུ་དང་འབྲས་བུ་ཆུད་མི་ཟ་བ་ནི་ཡེ་ཤེས་ཀྱི་ལས་སོ། །བྱང་ཆུབ་
D44.037.0249b04.01ཀྱི་སེམས་མི་གཏོང་བས་རྟག་ཏུ་རྒྱུན་མི་འཆད་པར་སངས་རྒྱས་ཡིད་ལ་བྱེད་པ་ནི་ཡེ་ཤེས་ཀྱི་ལས་སོ། །དགེ་བའི་བཤེས་གཉེན་ལ་བསྙེན་ཅིང་བསྟེན་པ་དང་། རིམ་གྲོ་བྱེད་ཅིང་དེ་ལ་ལྡང་བ་དང་། བསྙེན་བཀུར་བ་དང་། བླ་མར་བྱ་བ་དང་། ཉན་པར་དགའ་བ་ནི་ཡེ་ཤེས་
D44.037.0249b05.01ཀྱི་ལས་སོ། །ཆོས་ལ་དོན་དུ་གཉེར་ཅིང་ཆོས་འདོད་པ་དང་། ཆོས་ཚོལ་བ་དང་། ཐོས་པ་བཙལ་བས་མི་ངོམས་པ་དང་། ཚུལ་བཞིན་ཡིད་ལ་བྱ་བས་སྦྱོར་བ་དང་། ཚུལ་བཞིན་མ་ཡིན་པའི་ཡིད་ལ་བྱེད་པ་ཡོངས་སུ་སྤོང་བ་ནི་ཡེ་ཤེས་ཀྱི་ལས་སོ། །སེམས་
D44.037.0249b06.01ཅན་རྣམས་ལ་ང་རྒྱལ་མེད་པ་དང་། བྱང་ཆུབ་སེམས་དཔའ་རྣམས་ལ་སྟོན་པ་ཙམ་དུ་གཅེས་པར་སེམས་པ་དང་། ཆོས་རྣམས་ལ་བདག་ཙམ་དུ་གཅེས་པར་སེམས་པ་དང་། དེ་བཞིན་གཤེགས་པ་རྣམས་ལ་སྲོག་ཙམ་དུ་གཅེས་པར་སེམས་པ་དང་། ནན་ཏན་
D44.037.0249b07.01