完整藏文原文 · 德格版页 当前仅加载第 37 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་དེ་དག་ཐམས་ཅད་སེལ་བར་བྱེད་པའི་སྒོར་མི་ཕན་པ་མ་ཡིན་ཏེ་ཕན་འདོགས་སོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱི་སྐུ་ཉི་མའི་དཀྱིལ་འཁོར་ཡང་སེམས་ཅན་ལྷག་པའི་བསམ་པའི་མིག་མདོངས་པར་གྱུར་པ་མོས་པ་ལོག་པ། ལྟ་
D44.037.0093b01.01བ་ལོག་པ། སྦྱོར་བ་ལོག་པ། འཚོ་བ་ལོག་པ། དམུས་ལོང་ལྟ་བུར་གྱུར་པའི་མིག་ལམ་དུ་སྣང་བར་མི་འགྱུར་ཏེ། དེ་ནི་དད་པའི་མིག་དང་མི་ལྡན་པའི་ཕྱིར་རོ། །ཀྱེ་རྒྱལ་བའི་སྲས་དེ་ལྟར་དེ་བཞིན་གཤེགས་པའི་ཡེ་ཤེས་ཀྱི་སྐུ་ཉི་མའི་དཀྱིལ་འཁོར་སེམས་
D44.037.0093b02.01ཅན་དམུས་ལོང་ལྟ་བུར་གྱུར་པ། །དད་པའི་མིག་དང་མི་ལྡན་པ་དེ་དག་གི་མིག་ལམ་དུ་སྣང་བར་མ་གྱུར་ཏུ་ཟིན་ཀྱང་། སེམས་ཅན་རྣམ་པ་དེ་ལྟ་བུ་དག་ལ་དེ་བཞིན་གཤེགས་པའི་མཐུས། །སེམས་ཅན་དེ་དག་གི་ལུས་ལ། །མི་བདེ་བ་རྩེ་ཟིལ་བར་འགྱུར་བ་དང་།
D44.037.0093b03.01མ་འོངས་པའི་ཉོན་མོངས་པའི་རྒྱུའི་ལྷག་པ་སེལ་པའི་སྒོར་དེ་བཞིན་གཤེགས་པའི་ཡེ་ཤེས་ཀྱི་སྐུ་ཉི་མའི་དཀྱིལ་འཁོར་ཕན་པར་མི་འགྱུར་བ་མ་ཡིན་ཏེ། ཕན་འདོགས་སོ། །ཀྱེ་རྒྱལ་བའི་སྲས་དེ་བཞིན་གཤེགས་པ་ལ་ཡོན་ཏན་རིན་པོ་ཆེ་ཐམས་ཅད་ཡང་དག་པར་
D44.037.0093b04.01བསགས་པ་ཞེས་བྱ་བའི་འོད་ཟེར་དང་ཐམས་ཅད་མཁྱེན་པའི་ཡེ་ཤེས་ཀྱི་སྣང་བ་དང་ལྡན་པ་ཞེས་བྱ་བའི་འོད་ཟེར་དང་། རྣམ་པར་དག་པས་རྣམ་པར་རོལ་པའི་ཡེ་ཤེས་ཀྱི་སྣང་བ་དང་ལྡན་པ་ཞེས་བྱ་བའི་འོད་ཟེར་དང་དབྱངས་ཆེན་པོས་ཡེ་ཤེས་རྣམ་པར་དགོད་
D44.037.0093b05.01པའི་དོན་སྣང་བ་དང་ལྡན་པ་ཞེས་བྱ་བའི་འོད་ཟེར་དང་། སྤྱོད་པ་ཐམས་ཅད་ཀྱིས་ཤིན་ཏུ་ཚིམ་པར་བྱེད་པའི་ཡེ་ཤེས་སྣང་བ་དང་ལྡན་པ་ཞེས་བྱ་བའི་འོད་ཟེར་དང་། སེམས་ཅན་ཐམས་ཅད་ཀྱི་ཐེ་ཙོམ་ཐམས་ཅད་ཡོངས་སུ་གཅོད་པའི་ཡུལ་ལ་
D44.037.0093b06.01རྣམ་པར་རོལ་པ་ཞེས་བྱ་བའི་འོད་ཟེར་དང་། མི་གནས་པའི་ཡེ་ཤེས་རྣམ་པར་འཕྲུལ་པའི་སྣང་བ་དང་ལྡན་པ་ཞེས་བྱ་བའི་འོད་ཟེར་དང་། སྤྲོས་པ་ཐམས་ཅད་ཡང་དག་པར་གཅོད་པའི་ཡུལ་ལ་ཡེ་ཤེས་ཀྱི་རྣམ་པར་རོལ་པ་ཞེས་བྱ་བའི་འོད་ཟེར་དང་། ཐེག་པ་ཐ་དད་
D44.037.0093b07.01