完整藏文原文 · 德格版页 当前仅加载第 37 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
གཡས་གཡོན་དུ་ཕྱེ་སྟེ། བསལ་ནས་ཀླུའམ་ཀླུའི་བུད་མེད་དུས་ཡོངས་སུ་སྨིན་ཏེ་ཚེའི་མཐའ་ཕྱིན་པ་འཛིན་ཅིང་འབྱིན་ཏོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་ནམ་མཁའ་ལྡིང་གི་རྒྱལ་པོ་ཆེན་པོ་ཆགས་པ་མེད་པའི་སྤྱོད་ཡུལ་མངའ་བ་
D44.037.0124b01.01ཡང་བསྒྲིབས་པ་མེད་པའི་སྤྱོད་ཡུལ་ལ་ཞུགས་ཤིང་། དེ་བཞིན་གཤེགས་པའི་སྤྱན་བླ་ན་མེད་པ་རྣམ་པར་དག་པས་ཆོས་ཀྱི་དབྱིངས་ཐམས་ཅད་དུ་སེམས་ཅན་ཐམས་ཅད་ཀྱི་གནས་ལ་གཟིགས་ནས། དེ་བཞིན་གཤེགས་པའི་སྟོབས་ཀྱི་ཤུགས་
D44.037.0124b02.01དང་ལྡན་པའི་ཤེས་རབ་དང་། ཡེ་ཤེས་ཀྱི་གཤོག་པས་འཁོར་བའི་རྒྱ་མཚོ་ཆེན་པོ་སྲེད་པའི་ཆུས་གང་བ་ཕྱེ་སྟེ་བསྩལ་ནས། སེམས་ཅན་དབང་པོ་ཡོངས་སུ་དག་ཅིང་སྔོན་དགེ་བའི་རྩ་བའི་ཚོགས་བསྩགས་པར་གྱུར་པ། སངས་རྒྱས་ཀྱི་ཆོས་ཀྱི་སྣོད་
D44.037.0124b03.01དུ་གྱུར་པ་རྣམས་འཁོར་བའི་རྒྱ་མཚོ་ནས་བཏོན་ཏེ། དེ་བཞིན་གཤེགས་པའི་ཆོས་ཀྱི་སྤྱོད་ཡུལ་ལ་རབ་ཏུ་དགོད་པ་མཛད་ཀྱང་། དེ་བཞིན་གཤེགས་པ་ནི་ཆགས་པ་མེད་པའི་སྤྱོད་ཡུལ་ལ་བཞུགས་པས་སྤྲོས་པ་ཐམས་ཅད་ཡོངས་སུ་ཆད་དེ། རྟོག་
D44.037.0124b04.01པ་མི་མངའ་རྣམ་པར་རྟོག་པ་མི་མངའ་འོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། ཉི་མ་དང་ཟླ་བའི་དཀྱིལ་འཁོར་དག་ནི་འགྲོ་བ་ཐམས་ཅད་ཉེ་བར་འཚོ་བ་སྟེ། གཅིག་པུ་སྤྱོད་ཅིང་གྲོགས་མེད་ཀྱང་གཞན་གྱིས་མི་ཐུབ་ཅིང་གནས་པ་མེད་ལ་ནམ་མཁའི་
D44.037.0124b05.01དབྱིངས་ལས་རྒྱུ་ཞིང་འགྲོ་བ་དང་། འོང་བར་མངོན་ཡང་དེ་དག་ནི་བདག་ཅག་གང་དུ་འདོང་། །གང་ནས་འགྲོ་སྙམ་དུ་སེམས་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་ཉི་ཟླ་རྣམས་ཀྱང་སྤྱོད་ཡུལ་མྱ་ངན་ལས་འདས་པ་མངའ་བདག་སྟེ།
D44.037.0124b06.01རང་བཞིན་ཉིད་ཀྱིས་ཆོས་དང་ལྡན་ཡང་དེ་དག་ཆོས་ཀྱི་དབྱིངས་ཐམས་ཅད་དུ་རྗེས་སུ་སྤྱོད་ཅིང་གཤེགས་པ་ཡང་དག་པར་སྟོན་པ་མཛད་དོ། །སངས་རྒྱས་ཀྱི་ཕྲིན་ལས་ཐམས་ཅད་རྒྱུན་མི་འཆད་པས། འགྲོ་བ་ཐམས་ཅད་ཉེ་བར་འཚོ་ཡང་གཤེགས་པ་དང་། བཞུད་པར་རྣམ་པར་
D44.037.0124b07.01