完整藏文原文 · 德格版页 当前仅加载第 37 函德格 388a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མོས་པ། སངས་རྒྱས་ཀྱི་ཆོས་ལ་ཡང་དག་པར་ཞུགས་པ། དགེ་བའི་བཤེས་གཉེན་གྱི་རྗེས་སུ་འབྲང་བར་སྤྲོ་བ། ཆོས་ཀྱི་རིམ་གྲོ་ལ་རྣམ་པར་སྤྱོད་པ། ཆགས་པ་མེད་པའི་ཡེ་ཤེས་ལ་མངོན་དུ་གྱུར་པ། ཡང་
D44.037.0388a01.01དག་པའི་མཐའ་ཤིན་ཏུ་རྟོགས་པ། ཡེ་ཤེས་ཀྱི་མཐའ་ལ་གནས་པའི་ཡུལ་དང་ལྡན་པ། དུས་གསུམ་སྐད་ཅིག་གི་ཆ་ཤས་ལ་ཁོང་དུ་ཆུད་པར་བྱེད་པ། ནམ་མཁའི་མཐའ་གཉིས་སུ་མེད་པ་མངོན་དུ་གྱུར་པ། མི་གཉིས་པའི་མཐའ་རྣམ་པར་
D44.037.0388a02.01གདོན་མི་ཟ་བ་ཐོབ་པ། ཆོས་ཀྱི་དབྱིངས་ཀྱི་མཐའ་ལ་རྣམ་པར་མི་རྟོག་པར་གནས་པ། བསྒྲིབས་པ་མེད་པའི་མཐས་གདུལ་བ་ཁོང་དུ་ཆུད་པར་བྱ་བ་ལ་ཞུགས་པ། ཆོས་ཀྱི་མཐའ་དང་{མྱི་,མི་}འགལ་བར་བྱ་བ་ལ་གཞོལ་བ། དེ་བཞིན་གཤེགས་པའི་
D44.037.0388a03.01མཐའ་ལ་མཐའ་མེད་པར་ཁོང་དུ་ཆུད་པ། སངས་རྒྱས་ཐམས་ཅད་ཀྱི་མཐའ་ལ་རྣམ་པར་མི་རྟོག་པར་གནས་པ། སེམས་ཅན་ཐམས་ཅད་ཀྱི་འདུ་ཤེས་ཀྱི་དྲ་བ་རྣམ་པར་གཏོར་བའི་ཡེ་ཤེས་ལ་གཞོལ་བ། ཞིང་ལ་མངོན་པར་ཆགས་པ་ཐམས་
D44.037.0388a04.01ཅད་དང་བྲལ་བ། སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་ལ་ཆགས་པ་མེད་པའི་སེམས་དང་ལྡན་པ། སངས་རྒྱས་ཀྱི་ཞིང་ཐམས་ཅད་ཡོངས་སུ་དག་པར་བྱ་བ་ལ་གནས་པ་མེད་པར་སྤྱོད་པ། སེམས་ཅན་ཐམས་ཅད་ལ་
D44.037.0388a05.01བདག་མེད་པ་དང་། སེམས་ཅན་མེད་པའི་འདུ་ཤེས་དང་ལྡན་པ། སྒྲ་ཐམས་ཅད་ཚིག་གི་ལམ་ལྟ་བུར་ཁོང་དུ་ཆུད་པ། གཟུགས་ཐམས་ཅད་གཟུགས་ཀྱི་གཟུགས་བརྙན་དང་མཉམ་པར་རྣམ་པར་རིག་པར་བྱ་བ་ལ་གཞོལ་བ་དེ་མཐར་གྱིས་
D44.037.0388a06.01སེང་གེ་རྣམ་པར་བསྒྱིངས་པའི་གྲོང་ཁྱེར་གང་ན་བ་དེར་ཕྱིན་ཏེ། བུ་མོ་བྱམས་མ་ཚོལ་ཞིང་ཡོངས་སུ་རྨེད་རྨེད་པ་ལས། རྒྱལ་པོ་སེང་གེ་དཔལ་གྱི་བུ་མོ་བྱམས་མ་འཁོར་བུ་མོ་ལྔ་བརྒྱ་དང་ལྡན་པ་དེ་ཁང་པ་རྣམ་པར་སྣང་བའི་སྙིང་པོ་ཞེས་བྱ་
D44.037.0388a07.01