完整藏文原文 · 德格版页 当前仅加载第 37 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་རྒྱན་པ་སྣ་ཚོགས་དུ་མ་མངོན་པར་བསྒྲུབ་པ་འགྲོ་བ་ཐམས་ཅད་ཀྱིས་རྣམ་པར་དམིགས་པར་བྱ་བའི་ཡུལ་དང་། སེམས་ཅན་གྱི་ཁམས་ཐམས་ཅད་དུ་སྤྲུལ་པ་མངོན་པར་བསྒྲུབ་པ་རྣམ་པར་དམིགས་པར་བྱ་བའི་ཡུལ་དང་། དེ་བཞིན་གཤེགས་པའི་སྐུ་བྱང་ཆུབ་སེམས་དཔའི་ལུས་སུ་
D44.037.0203b01.01མངོན་པར་བསྒྲུབ་པ་དང་། བྱང་ཆུབ་སེམས་དཔའི་ལུས་དེ་བཞིན་གཤེགས་པའི་སྐུར་མངོན་པར་བསྒྲུབ་པའི་ཡུལ་དང་། ནམ་མཁའི་ཁམས་འཇིག་རྟེན་གྱི་ཁམས་སུ་མངོན་པར་བསྒྲུབ་པ་དང་། འཇིག་རྟེན་གྱི་ཁམས་ནམ་མཁའི་ཁམས་སུ་མངོན་པར་བསྒྲུབ་པའི་ཡུལ་དང་། མྱ་ངན་
D44.037.0203b02.01ལས་འདས་པ་འཁོར་བར་མངོན་པར་བསྒྲུབ་པ་དང་། འཁོར་བ་མྱ་ངན་ལས་འདས་པར་མངོན་པར་བསྒྲུབ་པའི་ཡུལ་དང་། སེམས་ཅན་གཅིག་གི་སྐད་དུ་བརྗོད་པས་སངས་རྒྱས་ཀྱི་ཆོས་ཐམས་ཅད་བསྟན་པར་མངོན་པར་བསྒྲུབ་པའི་ཡུལ་དང་། མཐའ་ཡས་པའི་སྒོ་ནས་ལུས་ཀུན་ཏུ་སྟོན་ཅིང་
D44.037.0203b03.01ལུས་གཅིག་ཏུ་བྱིན་གྱིས་བརླབ་པ་དང་། ལུས་རྣམ་པ་ཐ་དད་པ་ཐམས་ཅད་མངོན་པར་བསྒྲུབ་པའི་ཡུལ་དང་། ལུས་གཅིག་གིས་ཆོས་ཀྱི་དབྱིངས་ཐམས་ཅད་དུ་རྒྱས་པར་དགང་བའི་ཡུལ་དང་། སེམས་ཅན་ཐམས་ཅད་ཀྱི་སེམས་བསྐྱེད་པའི་སྐད་ཅིག་རེ་རེ་ལ་མཐའ་ཡས་པའི་སྒོ་མངོན་
D44.037.0203b04.01པར་བསྒྲུབ་ཅིང་རྣམ་པར་འཚང་རྒྱ་བའི་ཡུལ་ལོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཡུལ་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོའི་ཡུལ་བླ་ན་མེད་པ་འཐོབ་པར་འགྱུར་བ་དག་གོ་
D44.037.0203b05.01།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་{བཅྭོ་,བཅོ་}བརྒྱད་པ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྟོབས་ཏེ། བཅུ་གང་ཞེ་ན་འདི་ལྟར་འཇིག་རྟེན་ཐམས་ཅད་དང་འདུ་འཛི་མེད་པའི་
D44.037.0203b06.01ཕྱིར་བསམ་པའི་སྟོབས་དང་། སངས་རྒྱས་ཀྱི་ཆོས་ཐམས་ཅད་ལ་སྒྱིད་ལུག་པ་མེད་པར་བྱ་བའི་ཕྱིར་ལྷག་པའི་བསམ་པའི་སྟོབས་དང་། བྱང་ཆུབ་སེམས་དཔའི་བརྩམས་པ་ཐམས་ཅད་མཐར་ཕྱིན་པར་བྱ་བ་ཡོངས་སུ་བསྟན་པའི་ཕྱིར་སྦྱོར་བའི་སྟོབས་དང་། འགྲོ་བ་ཐམས་ཅད་ཀྱི་
D44.037.0203b07.01