完整藏文原文 · 德格版页 当前仅加载第 37 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཀྱང་། བདག་ནི་དེ་དག་ཐམས་ཅད་བསམ་པ་ཇི་ལྟ་བ་བཞིན་དུ་ལེགས་པར་བཤད་པས་ཚིམ་པར་བྱེད་དེ། བདག་ལ་སྐྱོ་བའམ་ཉམ་ཆུང་བར་འགྱུར་བའམ། དྲེགས་པའམ། རློམ་པ་མེད་དོ། །ལྷའི་སྲས་པོ་དག་
D44.037.0058a01.01དེ་བཞིན་དུ་བྱང་ཆུབ་སེམས་དཔའ་རྣམ་པར་སྣང་མཛད་དྲི་མ་དང་བྲལ་བའི་ཏིང་ངེ་འཛིན་ལ་བཞུགས་པའི་ཕྱག་གཡས་པའི་མཐིལ་གྱི་དཔེ་བྱད་བཟང་པོ་གཅིག་ལས་འོད་ཟེར་གཅིག་བྱུང་བ་ཡང་དེ་སྙེད་དུ་རྣམ་པར་འཕྲུལ་ཞིང་འབྱུང་སྟེ། དེ་ནི་ཉན་ཐོས་དང་རང་སངས་
D44.037.0058a02.01རྒྱས་རྣམས་ཀྱིས་ཀྱང་ཤེས་པར་དཀའ་ན། སེམས་ཅན་རྣམས་ཀྱིས་ལྟ་ཅི་སྨོས། ལྷའི་སྲས་པོ་དག་ལེགས་སོ་ལེགས་སོ། །བྱང་ཆུབ་སེམས་དཔའ་བལྟ་བའི་དོན་དུ་བཞུད་ཅིག །ཉེ་བར་བཞུད་ཅིག །བསྙེན་བཀུར་མཛོད་ཅིག །བསྟེན་པར་
D44.037.0058a03.01མཛོད་ཅིག །དགེ་བའི་རྩ་བ་དག་གི་བར་ཆད་དུ་གྱུར་ཏ་རེ། ལྷའི་སྲས་པོ་དག་འདི་ལྟ་སྟེ་དཔེར་ན། བསྐལ་པའི་མེ་བྱུང་བའི་ཚེ། རིའི་རྒྱལ་པོ་རི་རབ་ལྟ་བུ་ཡང་རྨེག་མེད་པར་མི་སྣང་བར་འགྱུར་རོ། །ལྷའི་སྲས་པོ་དག་དེ་བཞིན་དུ་འདོད་ཆགས་
D44.037.0058a04.01ཀྱིས་ཀུན་ནས་འཁོར་བའི་སེམས་སུ་གྱུར་ན་སངས་རྒྱས་རྗེས་སུ་དྲན་པ་རྣམ་པར་བཀོད་པ་ཙམ་ཡང་མེད་པར་འགྱུར་གྱིས། དེའི་ཕྱིར་ལྷའི་སྲས་པོ་དག་ཁྱེད་ཀྱིས་དྲིན་དུ་གཟོ་བར་མཛོད་ལ། དྲིན་དུ་མི་གཟོ་བ་མེད་པར་མཛོད་ཅིག །ལྷའི་བུ་བྱས་པ་མི་དྲན་
D44.037.0058a05.01པ་དག་ནི་ལྷ་མ་ཡིན་གྱི་གཡུལ་དུ་ཕལ་ཆེར་གཞན་གྱིས་གསད་ཅིང་འཆི་བར་འགྱུར་ཏེ། འདི་ནས་ཤི་འཕོས་ནས་ཀྱང་དྲིན་དུ་མི་གཟོ་བའི་སེམས་ཅན་དེ་དག་ནི་ཕལ་ཆེར་སེམས་ཅན་དམྱལ་བར་འདོང་བར་འགྱུར་རོ། །ལྷའི་སྲས་པོ་དག་ཁྱེད་འོད་ཟེར་ཆེན་པོ་
D44.037.0058a06.01སྣང་བ་གང་གི་མཐུས། སེམས་ཅན་དམྱལ་བ་དེ་དག་ནས་ཤི་འཕོས་ཏེ། འདིར་སྐྱེས་པར་གྱུར་པའི་དགེ་བའི་རྩ་བ་དེ་ཉིད་རྒྱ་ཆེར་ཡོངས་སུ་བསྔོ་བ་མཛོད་ཅིག །ལྷའི་སྲས་པོ་དག་ལྷའི་རྔ་བདག་ནི་བུད་མེད་མ་ཡིན། སྐྱེས་པ་མ་ཡིན་ཏེ། བསོད་
D44.037.0058a07.01