完整藏文原文 · 德格版页 当前仅加载第 37 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པའི་ས་ཡང་དག་པར་སྟོན་ཅིང་། སངས་རྒྱས་ཀྱི་སྟོབས་ཆོས་ཀྱི་དབྱིངས་ལ་མངོན་ཏུ་གྱུར་པ་རབ་ཏུ་སྟོན་པར་བཞུགས། །སེམས་ཅན་ཐམས་ཅད་ལ་ཡོངས་སུ་སྟོན་པས། དེ་བཞིན་གཤེགས་པའི་ས་ཚད་མེད་མུ་མེད་
D44.037.0043a01.01པར་ཡང་དག་པར་འཕགས་ཤིང་ཡོངས་སུ་དག་ལ་དྲི་མ་མེད་པ་ཡོངས་སུ་མནན་ཏེ། རིན་པོ་ཆེ་ཐམས་ཅད་ཀྱི་འོད་ཀུན་ཏུ་སྣང་བའི་རང་བཞིན་རབ་ཏུ་བཀྱེ་བའི་འོད་ཟེར་དཀྱིལ་འཁོར་གྱི་སྤྲིན་ཅེས་བྱ་བ་མངའ་བ་དང་། དེ་བཞིན་གཤེགས་པའི་མཚན་འཇིག་
D44.037.0043a02.01རྟེན་གྱི་ཁམས་ཚད་མེད་པ་ན་བཞུགས་པའི་དེ་བཞིན་གཤེགས་པ་རྣམས་ཀྱི་མཚན་རིན་པོ་ཆེ་ལས་འོད་རབ་ཏུ་བཀྱེ་བས་ཞིང་ཐམས་ཅད་ཀུན་ནས་ཡོག་ཅིང་བསྒྲིབས་པ་མེད་དེ། །ཆོས་ཀྱི་དབྱིངས་ཐམས་ཅད་དུ་སངས་རྒྱས་ཀྱི་གསུང་རིན་པོ་ཆེའི་མེ་ཏོག་ཤིན་ཏུ་རྒྱས་
D44.037.0043a03.01པའི་འོད་ཟེར་འཕྲོ་བ་རབ་ཏུ་བཀྱེ་བས། ཆོས་ཀྱི་རྒྱ་མཚོ་ཆེན་པོ་རབ་ཏུ་སྦྱར་བ་ལས། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་སྙིང་པོ་དང་སྣང་བ་ཅན་གྱི་སྤྲིན་ལངས་པའི་འོད་ཅེས་བྱ་བ་མངའ་བ་དང་། དེ་བཞིན་གཤེགས་པའི་མཚན་རིན་པོ་ཆེ་
D44.037.0043a04.01བཻ་ཌཱུརྱ་དང་། ཨིནྡྲ་ནཱི་ལ་དང་རྡོ་རྗེ་མང་པོ་ལས་ནོར་བུ་རིན་པོ་ཆེ་རྣམ་པར་བཏོན་ཏེ། རབ་ཏུ་བཀྲམ་པའི་ཁ་དོག་མཐའ་ཡས་པའི་འོད་རྣམ་པར་དག་པ། རིན་པོ་ཆེ་བཻ་ཌཱུརྱའི་འོད་ཀུན་ཏུ་འབྱུང་བ་ལས་སྒྲ་སྐད་རྒྱ་མཚོ་ཐམས་ཅད་ཀྱིས་
D44.037.0043a05.01ཆོས་ཀྱི་དབྱིངས་སུ་སངས་རྒྱས་ཀྱི་སྣང་བ་རྣམ་པར་སྟོན་པའི་ཆོས་རྒྱ་མཚོའི་ཡེ་ཤེས་སངས་རྒྱས་སྤྲུལ་པའི་འོད་ཀུན་ཏུ་འགྱེད་པའི་སྤྲིན་རབ་ཏུ་སྣང་བ་ཞེས་བྱ་བ་མངའ་བ་དང་སངས་རྒྱས་ཀྱི་དབུ་ལ་དེ་བཞིན་གཤེགས་པའི་མཚན་རིན་པོ་ཆེའི་འོད་གཡས་ཕྱོགས་
D44.037.0043a06.01སུ་འཕྲོ་བའི་མེ་ཏོག་རིན་པོ་ཆེའི་ལྷབ་ལྷུབ་ཀྱིས་བརྒྱན་པ་འཇིག་རྟེན་གྱི་ཁམས་ཐམས་ཅད་ཀྱི་དེ་བཞིན་གཤེགས་པའི་སྙིང་པོ་བྱང་ཆུབ་ཀྱི་རྒྱན་གྱི་སྤྲིན་མངོན་པར་འཐོན་པ། ཆོས་ཀྱི་དབྱིངས་དང་འཇིག་རྟེན་གྱི་ཁམས་ཐམས་ཅད་དུ་ཆོས་རྣམ་པར་དག་པ་
D44.037.0043a07.01