完整藏文原文 · 德格版页 当前仅加载第 37 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མཐོང་ཞིང་ཐོས་པ་དང་དེ་དང་འགྲོགས་པ་དོན་ཡོད་པས། དགེ་བའི་རྩ་བ་ཆུད་མི་ཟ་བའི་ཡེ་ཤེས་ཡང་དག་པར་འགྲུབ་པར་འགྱུར་རོ། །དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་མཉམ་པ་ཉིད་ཀྱི་རྗེས་སུ་སོང་བ་ཞེས་བྱ་བ་འབྱུང་སྟེ། འོད་
D44.037.0085b01.01ཟེར་དེས་དེ་བཞིན་གཤེགས་པ་རྣམས་ཀྱི་བསོད་ནམས་དང་། ཡེ་ཤེས་མི་ཟད་པའི་ཚོགས་འགྲོ་བ་ཐམས་ཅད་ཉེ་བར་འཚོ་བ་ཡང་དག་པར་འགྲུབ་པར་འགྱུར་རོ། །དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་འཇུག་པར་དཀའ་བ་ཞེས་བྱ་བ་འབྱུང་
D44.037.0085b02.01སྟེ། འོད་ཟེར་དེས་དེ་བཞིན་གཤེགས་པ་རྣམས་ཀྱི་ཡེ་ཤེས་དཀོན་མཆོག་གསུམ་གྱི་རིགས་རྒྱུན་མི་གཅོད་ཅིང་། ཡེ་ཤེས་ཟབ་མོ་ཐུགས་སུ་ཆུད་པ་ཡང་དག་པར་འགྲུབ་པར་འགྱུར་རོ། །དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་ཆེན་པོ་རྒྱན་སྣ་
D44.037.0085b03.01ཚོགས་ཅན་ཞེས་བྱ་བ་འབྱུང་སྟེ། འོད་ཟེར་དེས་དེ་བཞིན་གཤེགས་པ་རྣམས་ཀྱི་ཡེ་ཤེས་མཚན་དང་དཔེ་བྱད་བཟང་པོའི་རྒྱན་སྣ་ཚོགས་ཀྱིས་འགྲོ་བ་ཐམས་ཅད་རྣམ་པ་ཐམས་ཅད་དུ་དགའ་བར་འགྱུར་བ་ཡང་དག་པར་འགྲུབ་བོ། །དེ་བཞིན་གཤེགས་པའི་
D44.037.0085b04.01ཡེ་ཤེས་ཀྱི་འོད་ཟེར་ཆེན་པོ་མི་འཕྲོགས་པ་ཞེས་བྱ་བ་འབྱུང་སྟེ། འོད་ཟེར་དེས་དེ་བཞིན་གཤེགས་པ་རྣམས་ཀྱི་ཡེ་ཤེས་སངས་རྒྱས་ཀྱི་ཡུལ་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་མཐས་གཏུགས་པར་སྐུ་ཚེའི་ཚད་རྒྱུན་མི་འཆད་པ་ཡང་དག་པར་
D44.037.0085b05.01འགྲུབ་པར་འགྱུར་ཏེ། ཀྱེ་རྒྱལ་བའི་སྲས་དག་དེ་ལྟར་དེ་བཞིན་གཤེགས་པའི་ཐུགས་རྗེ་ཆེན་པོའི་ཆར་སྤྲིན་ཆེན་པོ་རོ་གཅིག་པ་དང་། དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་གྱི་དཀྱིལ་འཁོར་ཆེན་པོ་རོ་གཅིག་པ་དང་། བྱང་ཆུབ་སེམས་དཔའ་
D44.037.0085b06.01ཡང་དག་པར་བསྒྲུབས་པའི་ཆོས་ཉིད་ཐོབ་པ་དང་། སེམས་ཅན་གྱི་བསམ་པ་དང་། དབང་པོ་དང་། བརྩོན་འགྲུས་རྣམ་པ་ཐ་དད་པའི་ཆོས་ཉིད་ཐོབ་པས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་འོད་ཟེར་རང་བཞིན་གཅིག་པ་ལས་རྣམ་པ་
D44.037.0085b07.01