完整藏文原文 · 德格版页 当前仅加载第 37 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྣམས་ཀྱི་བསྟན་པ་ཡོངས་སུ་གཟུང་བའི་ཕྱིར་སེམས་བརྟན་པ་བསྐྱེད་པ་དང་། བདུད་ཐམས་ཅད་རབ་ཏུ་ཕམ་པར་བྱ་བའི་ཕྱིར། །སེམས་བརྟན་པ་བསྐྱེད་པ་དང་། ལུས་དང་སྲོག་ཐམས་ཅད་ལ་མི་ལྟ་བའི་ཕྱིར་སེམས་བརྟན་པ་བསྐྱེད་པ་དང་
D44.037.0164b01.01མུ་སྟེགས་ཅན་དང་ཕས་ཀྱི་རྒོལ་བ་ཐམས་ཅད་ཆོས་བཞིན་དུ་ཚར་གཅད་པའི་ཕྱིར་སེམས་བརྟན་པ་བསྐྱེད་པ་དང་། འགྲོ་བ་ཐམས་ཅད་ཡོངས་སུ་ཚིམ་པར་བྱ་བའི་ཕྱིར་སེམས་བརྟན་པ་བསྐྱེད་པ་དང་། འཁོར་གྱི་དཀྱིལ་འཁོར་ཐམས་ཅད་མངོན་པར་
D44.037.0164b02.01དགའ་བར་བྱ་བའི་ཕྱིར། སེམས་བརྟན་པ་བསྐྱེད་པ་དང་། ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མིའམ་ཅི་དང་། ལྟོ་འཕྱེ་ཆེན་པོ་ཐམས་ཅད་ཡོངས་སུ་གདུལ་བའི་ཕྱིར་སེམས་བརྟན་པ་བསྐྱེད་པ་དང་། ཆོས་
D44.037.0164b03.01ཟབ་མོ་རྣམ་པར་བསྒོམ་པ་དང་། ཉན་ཐོས་དང་རང་སངས་རྒྱས་ཀྱིས་རྣམ་པར་བཟློག་པའི་ཕྱིར་སེམས་བརྟན་པ་བསྐྱེད་པ་དང་། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པར་བྱང་ཆུབ་སེམས་དཔའི་སྤྱོད་པ་སྤྱད་པས་མི་སྐྱོ་བའི་རྒྱུད་དུ་བྱ་བའི་ཕྱིར་སེམས་
D44.037.0164b04.01བརྟན་པ་བསྐྱེད་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་བརྟན་པ་རྣམས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོ་བརྟན་ཞིང་བླ་ན་མེད་པ་
D44.037.0164b05.01འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཆོས་ཐམས་ཅད་ལ་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་ཐེ་ཙོམ་མེད་ཅིང་ཡིད་གཉིས་མེད་ལ་སོམ་ཉི་མེད་པ་རྣམས་ཏེ།
D44.037.0164b06.01བཅུ་གང་ཞེ་ན་ཀྱེ་རྒྱལ་བའི་སྲས་དེ་ལ་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། སེམས་ཅན་ཐམས་ཅད་སྦྱིན་པས་ཡོངས་སུ་བསྡུ་བར་བྱའོ། །ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་།
D44.037.0164b07.01