完整藏文原文 · 德格版页 当前仅加载第 37 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བཀྱེ་བ་དང་། འཇིག་རྟེན་གྱི་ཁམས་ཐམས་ཅད་བསྐྱོད་པ་དང་། བདུད་ཀྱི་ཁྱིམ་ཐམས་ཅད་རབ་ཏུ་གཞིག་པ་དང་། ངན་སོང་གི་ཡུལ་ཐམས་ཅད་རབ་ཏུ་ཞི་བར་བྱ་བ་དང་། དེ་བཞིན་གཤེགས་པའི་ཆེ་བ་ཉིད་རབ་ཏུ་བརྗོད་པ་དང་། ཆོས་ཡང་
D44.037.0140b01.01དག་པར་བགྲོ་བ་རྣམ་པ་ཐ་དད་པ་ཚད་མེད་པས་དེ་བཞིན་གཤེགས་པའི་ལེགས་པ་བརྗོད་པ་དང་། རྣམ་པ་ཐམས་ཅད་དུ་ཆོས་ཀྱི་ཆར་ཚད་{མྱེད་,མེད་}པ་དབབ་པའི་སྤྲིན་གྱི་ཆར་མངོན་པར་དབབ་པ་དང་། ལུས་རྣམ་པ་ཐ་དད་པ་ཚད་མེད་པ་རབ་ཏུ་བསྟན་པ་དང་། དེ་
D44.037.0140b02.01བཞིན་གཤེགས་པ་ཐམས་ཅད་ཀྱི་ཆོས་ཀྱི་སྤྲིན་ཆེན་པོ་རང་རང་གི་རྒྱུད་ཀྱི་སྣོད་ཚད་མེད་པས་ཡང་དག་པར་གཟུང་བ་བྱེད་ཅིང་འོངས་པར་གྱུར་ཏོ། །དེ་དག་ཀྱང་སངས་རྒྱས་ཀྱི་བྱིན་གྱིས་འདི་སྐད་དུ་བརྗོད་དེ། ཀྱེ་རྒྱལ་བའི་སྲས་དེ་ལྟར་ཁྱོད་ཀྱིས་
D44.037.0140b03.01དེ་བཞིན་གཤེགས་པའི་ཆོས་ཉིད་{མྱི་,མི་}འཕྲོགས་ཤིང་བསམ་གྱིས་མི་ཁྱབ་པ་འདི་བརྗོད་པ་ལེགས་སོ། །ལེགས་སོ། །ཀྱེ་རྒྱལ་བའི་སྲས་བདག་ཅག་ཀྱང་ཐམས་ཅད་ཀུན་ཏུ་བཟང་པོ་ཞེས་བྱ་བར་མིང་མཐུན་པ་ཤ་སྟག་སྟེ། དེ་བཞིན་གཤེགས་པའི་མཚན་
D44.037.0140b04.01ཀུན་ཏུ་གྲགས་པའི་དབང་ཕྱུག་རྒྱལ་པོ་ཞེས་བྱ་བ་དག་གི་དྲུང་ནས་འཇིག་རྟེན་གྱི་ཁམས་ཀྱི་{མྱིང་,མིང་}ཀུན་ཏུ་སྣང་བའི་འོད་ཅེས་བྱ་བ་དག་ནས་འདིར་ཕྱིན་ཏེ། ཐམས་ཅད་དུའང་སངས་རྒྱས་ཀྱི་མཐུ་དང་དེ་བཞིན་གཤེགས་པའི་ཆོས་ཉིད་རབ་ཏུ་ཐོབ་པས་ཆོས་
D44.037.0140b05.01བསྟན་པ་འདི་ཉིད་བྱུང་བར་གྱུར་ཏོ། །ཀྱེ་རྒྱལ་བའི་སྲས་དེ་ལྟར་བདག་ཅག་ཀྱང་དབང་དུ་གྱུར་པ་ཤ་སྟག །སངས་རྒྱས་ཀྱི་བྱིན་གྱི་རླབས་ཀྱིས་འཁོར་འདིར་ཕྱིན་ཏེ། ཇི་ལྟར་བདག་ཅག་འཁོར་འདིར་ཕྱིན་པ་དེ་བཞིན་དུ་ཕྱོགས་བཅུའི་འཇིག་
D44.037.0140b06.01རྟེན་གྱི་ཁམས་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་མཐས་གཏུགས་པ་ཐམས་ཅད་ཀྱི་གླིང་བཞི་པ་ཐམས་ཅད་དུ་ཡང་དེ་བཞིན་གཤེགས་པའི་བྱིན་གྱི་རླབས་དང་མཐུས་བྱང་ཆུབ་སེམས་དཔའ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་ཕྲག་བཅུའི་རྡུལ་
D44.037.0140b07.01