完整藏文原文 · 德格版页 当前仅加载第 37 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྣམ་པར་ཐར་པ་དང་། སངས་རྒྱས་ཀྱིས་བརྒྱན་པའི་འཇིག་རྟེན་གྱི་ཁམས་ཐམས་ཅད་དུ་ལུས་ཀྱིས་རྒྱས་པར་དགང་བའི་རྣམ་པར་ཐར་པ་དང་། བདག་འཇིག་རྟེན་གྱི་ཁམས་ཐམས་ཅད་དུ་ཕྱིན་པར་ཤེས་པར་བྱ་བའི་རྣམ་པར་ཐར་བ་དང་། འཇིག་རྟེན་
D44.037.0169b01.01གྱི་ཁམས་ཐམས་ཅད་དུ་སེམས་ཀྱི་སྐད་ཅིག་གཅིག་གིས་འགྲོ་བའི་རྣམ་པར་ཐར་པ་དང་། འཇིག་རྟེན་གྱི་ཁམས་གཅིག་ཏུ་སངས་རྒྱས་ཐམས་ཅད་སྐྱེ་བ་ཡོངས་སུ་བསྟན་པའི་རྣམ་པར་ཐར་པ་དང་། འཇིག་རྟེན་གྱི་ཁམས་ཐམས་ཅད་དུ་ལུས་གཅིག་
D44.037.0169b02.01དུ་ཤེས་པར་བྱ་བའི་རྣམ་པར་ཐར་པ་དང་། སེམས་ཀྱི་སྐད་ཅིག་གཅིག་ལ་སངས་རྒྱས་ཐམས་ཅད་ཀྱི་རྣམ་པར་སྤྲུལ་པ་དང་། རྣམ་པར་རོལ་བ་དང་མི་འབྲལ་བ་ཡོངས་སུ་བསྟན་པའི་རྣམ་པར་ཐར་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་
D44.037.0169b03.01ཆུབ་སེམས་དཔའ་རྣམས་ཀྱི་རྣམ་པར་ཐར་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པ་ཐམས་ཅད་ཀྱི་རྣམ་པར་ཐར་པས་རྣམ་པར་རོལ་བ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་
D44.037.0169b04.01འདི་དག་ནི་བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པ་རྣམས་ཏེ། བཅུ་གང་ཞེ་ན། འདི་ལྟར་སྔོན་གྱི་གནས་རྗེས་སུ་དྲན་པས་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ་དང་། ལྷའི་རྣ་བ་བསྒྲིབས་པ་མེད་པ་མངོན་པར་
D44.037.0169b05.01བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ་དང་། སེམས་ཅན་ཕ་རོལ་དང་གང་ཟག་ཕ་རོལ་གྱི་སེམས་དང་། སྤྱོད་པ་བསམ་གྱིས་མི་ཁྱབ་པ་ཡོངས་སུ་ཤེས་པ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ་དང་།
D44.037.0169b06.01ལྷའི་མིག་ཐོགས་པ་མེད་པས་རྣམ་པར་བལྟ་བ་མངོན་པར་བསྒྲུབ་པ་ལ་མཁས་ཤིང་ཤེས་པའི་མངོན་པར་ཤེས་པ་དང་། རྫུ་འཕྲུལ་དང་རྣམ་པར་འཕྲུལ་པ་ཆེན་པོའི་བྱིན་གྱི་རླབས་ཀྱིས་སེམས་ཅན་རྣམས་ཀྱི་བསམ་པ་བསམ་གྱིས་མི་ཁྱབ་པ་ཇི་
D44.037.0169b07.01