完整藏文原文 · 德格版页 当前仅加载第 37 函德格 374a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་སེམས་བྱང་ཆུབ་ཏུ་སྐྱེ་བ་མ་ཡིན་གྱི། སེམས་ཅན་གྱི་ཁམས་མ་ལུས་པ་ལྷག་མ་མེད་པ་མཐའ་དག་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་སྐྱེའོ། །
D44.037.0374a01.01སངས་རྒྱས་མ་ལུས་པ་ཐམས་ཅད་བསྙེན་བཀུར་ཞིང་མཉེས་པར་བྱ་བ་དང་། མཆོད་ཅིང་རིམ་གྲོར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་བྱང་ཆུབ་ཏུ་སྐྱེའོ། །འཇིག་རྟེན་གྱི་ཁམས་མ་ལུས་པ་ཐམས་ཅད་དུ་གཏོགས་པའི་སངས་རྒྱས་ཀྱི་
D44.037.0374a02.01རྒྱུད་བསྙེན་བཀུར་ཞིང་མཉེས་པར་བྱ་བ་དང་། མཆོད་ཅིང་རིམ་གྲོར་བྱ་བའི་ཕྱིར་བྱང་ཆུབ་སེམས་དཔའ་རྣམས་སྨོན་ལམ་ལ་མངོན་པར་མོས་པ་ཡིན། སངས་རྒྱས་ཀྱི་ཞིང་མ་ལུས་པ་ཐམས་ཅད་ཡོངས་སུ་དག་པར་བྱ་བའི་ཕྱིར། བྱང་ཆུབ་སེམས་
D44.037.0374a03.01དཔའ་རྣམས་ཀྱི་བསམ་པ་བརྟན་པར་འགྱུར་བ་ཡིན། སངས་རྒྱས་ཀྱི་བསྟན་པ་མ་ལུས་པ་ཐམས་ཅད་ཡོངས་སུ་གཟུང་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སྦྱོར་བ་འབྱུང་བ་ཡིན། དེ་བཞིན་གཤེགས་པ་རབ་ཏུ་ཞུགས་པའི་སྨོན་ལམ་རྣམ་པ་
D44.037.0374a04.01ཐ་དད་པ་མ་ལུས་པ་ཐམས་ཅད་ཀྱི་རྗེས་སུ་འབྲང་བར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་ཀྱི་ཤུགས་དྲག་པོ་སྐྱེ་བ་ཡིན། དེ་བཞིན་གཤེགས་པའི་སངས་རྒྱས་ཀྱི་ཞིང་གི་ཡོན་ཏན་གྱི་རྒྱན་མ་ལུས་པ་ཐམས་ཅད་ལ་འཇུག་པར་བྱ་བའི་ཕྱིར། བྱང་
D44.037.0374a05.01ཆུབ་སེམས་དཔའ་རྣམས་ཀྱི་ཡི་དམ་བརྟན་པ་སྐྱེ་བ་ཡིན། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་རྒྱ་མཚོ་མ་ལུས་པ་ཐམས་ཅད་ལ་འཇུག་པར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་མངོན་པར་མོས་པ་འབྱུང་བ་ཡིན། འགྲོ་བའི་སེམས་རྒྱ་མཚོ་
D44.037.0374a06.01མ་ལུས་པ་ཐམས་ཅད་ལ་འཇུག་པར་བྱ་བའི་ཕྱིར་བྱང་ཆུབ་སེམས་དཔའ་རྣམས་ཀྱི་སྨོན་ལམ་ཡོངས་སུ་སྐྱེ་བ་ཡིན། སེམས་ཅན་གྱི་དབང་པོའི་འཁོར་ལོ་མ་ལུས་པ་ཐམས་ཅད་ཡོངས་སུ་ཤེས་པར་བྱ་བའི་ཕྱིར། བྱང་ཆུབ་སེམས་དཔའ་རྣམས་ཀྱི་མངོན་པར་འདོད་པ་སྐྱེ་བ་ཡིན། སེམས་
D44.037.0374a07.01