完整藏文原文 · 德格版页 当前仅加载第 37 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་བསམ་ཡས་ཚད་{མྱེད་,མེད་}པ། །སྣང་བར་མཛད་དེ་ཐེག་ཆེན་ལ། །བཙུད་ནས་ཐུབ་པ་ཆེན་པོའི་མཆོག །བྱང་ཆུབ་དམ་པར་ལུང་ཡང་སྟོན། །བསོད་ནམས་ཆེན་པོའི་རང་བཞིན་ཞིང་། །ཡེ་ཤེས་དཀྱིལ་འཁོར་ཤར་ཅིང་འབྱུང་། །འཇིག་རྟེན་ཚད་མེད་ཀུན་ཏུ་སྣང་། །
D44.037.0300b01.01བསོད་ནམས་ཕུང་པོ་རྣམ་འཕེལ་མཛད། །སྡུག་བསྔལ་དྲ་བ་རབ་ཏུ་གཅོད། །ཡེ་ཤེས་ཕུང་པོ་རྣམ་པར་སྤྱོད། །གང་གིས་རྒྱལ་བ་བསྙེན་བཀུར་བ། །དེ་དག་ངན་སོང་འཇིགས་པ་མེད། །རྐང་གཉིས་དམ་པ་མཐོང་གྱུར་ན། །ཤིན་ཏུ་ཡངས་པའི་སེམས་སྐྱེ་
D44.037.0300b02.01སྟེ། །འདི་སྣང་གསལ་བའི་ཤེས་རབ་མཐུ། །གྲངས་མེད་པ་ཡང་སྐྱེ་བར་འགྱུར། །སངས་རྒྱས་སྐྱེས་བུའི་མཆོག་མཐོང་ཞིང་། །བྱང་ཆུབ་དམ་པར་ངེས་པར་འགྱུར། །དེ་བཞིན་གཤེགས་པར་འགྱུར་བྱ་ཞེས། །དེ་དག་ཀུན་ཀྱང་ངེས་པར་སེམས། །དེ་
D44.037.0300b03.01ནས་བྱང་ཆུབ་སེམས་དཔའ་ཆོས་ཀྱི་དབྱིངས་ཀྱི་སྨོན་ལམ་གྱི་གཞི་རབ་ཏུ་རྟོགས་པས། སངས་རྒྱས་ཀྱི་བྱིན་གྱི་རླབས་ཀྱིས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཡོན་ཏན་མཐའ་ཡས་ཕུན་ལྡན་པ། །ཤཱཀྱའི་ཁྱུ་མཆོག་ཐུབ་མཐོང་ནས། །ཡོངས་སུ་བསྔོ་བ་བྱེད་
D44.037.0300b04.01པའི་སེམས། །ཐེག་པ་ཆེ་ལ་རྣམ་པར་འདག །སེམས་ཅན་ཀུན་གྱི་དོན་གྱི་ཕྱིར། །ཐུགས་རྗེ་ཆེན་མངའ་བརྟན་པ་རྣམས། །ཆོས་ཀྱི་འཁོར་ལོ་བསྐོར་མཛད་པ། །དེ་བཞིན་གཤེགས་པ་འབྱུང་བར་འགྱུར། །བསྐལ་པ་ཁྲག་ཁྲིག་ཕྲག་བརྒྱར་ཡང་། །སེམས་
D44.037.0300b05.01ཅན་དོན་ལ་བརྩོན་མཛད་པའི། །སངས་རྒྱས་རྣམས་ལ་ལུས་ཅན་རྣམས། །ཀུན་གྱིས་ལན་གླན་ཅིས་ཀྱང་ནུས། །ངན་སོང་གསུམ་པོ་མི་བཟད་པར། །བསྐལ་པ་བྱེ་བར་བཙོས་བླ་ཡི། །ཆགས་པ་ཐམས་ཅད་ཟློག་མཛད་པའི། །སྟོན་པ་མི་མཐོང་མ་
D44.037.0300b06.01ཡིན་ནོ། །སེམས་ཅན་ཀུན་གྱི་རྒྱུད་རྣམས་ན། །སྡུག་བསྔལ་ཕུང་པོ་ཇི་ཡོད་པ། །མ་ལུས་ཉམས་སུ་བཟོད་ནུས་ཀྱི། །སངས་རྒྱས་མི་མཐོང་མ་ཡིན་ནོ། །འཇིག་རྟེན་འདི་དག་ཐམས་ཅད་ན། །ཐ་དད་ངན་སོང་རྒྱུད་ཡོད་པ། །དེ་དག་ཡུན་རིང་གནས་
D44.037.0300b07.01