完整藏文原文 · 德格版页 当前仅加载第 37 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
དང་རྣམ་པར་འཕྲུལ་བ་ཐམས་ཅད་ཡོངས་སུ་སྟོན་པས། རྫུ་འཕྲུལ་གྱི་རང་བཞིན་དང་། ནམ་འདོད་པའི་དུས་སུ་མངོན་པར་རྫོགས་པར་འཚང་རྒྱ་བས། བྱང་ཆུབ་ཀྱི་རང་བཞིན་ནོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་
D44.037.0211a01.01སེམས་དཔའ་རྣམས་ཀྱི་རང་བཞིན་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོའི་རང་བཞིན་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི། བྱང་ཆུབ་སེམས་
D44.037.0211a02.01དཔའ་རྣམས་ཀྱི་ངག་སྟེ། བཅུ་གང་ཞེ་ན། འདི་ལྟར་སེམས་ཅན་ཐམས་ཅད་བདེ་བར་བྱེད་པས་བྱང་ཆུབ་སེམས་དཔའ་རྣམས་ཀྱི་ངག་ནི་འཇམ་པའོ། །སེམས་ཅན་ཐམས་ཅད་ཀྱི་སེམས་སིམ་པར་བྱེད་པས། བྱང་ཆུབ་སེམས་དཔའ་རྣམས་ཀྱི་ངག་ནི་
D44.037.0211a03.01སྙན་པའོ། །ཡང་དག་པ་ཇི་ལྟ་བ་བཞིན་དུ་གོ་བར་བྱེད་པས་བྱང་ཆུབ་སེམས་དཔའ་རྣམས་ཀྱི་ངག་ནི་མི་{བརྫུན་,རྫུན་}པའོ། །རྨི་ལམ་ན་ཡང་ལོག་པར་མི་སྨྲ་བས་བྱང་ཆུབ་སེམས་དཔའི་ངག་ནི་བདེན་པའི་རྗེས་སུ་འབྲང་བའོ། །བརྒྱ་བྱིན་དང་། ཚངས་པ་དང་།
D44.037.0211a04.01འཇིག་རྟེན་གྱི་མགོན་པོ་ཐམས་ཅད་ཟིལ་གྱིས་གནོན་པས་བྱང་ཆུབ་སེམས་དཔའ་རྣམས་ཀྱི་ངག་ནི་རྒྱ་ཆེ་བའོ། །ཆོས་ཀྱི་རང་བཞིན་སྟོན་པས། བྱང་ཆུབ་སེམས་དཔའ་རྣམས་ཀྱི་ངག་ནི་ཟབ་མོའི་དབྱངས་སུ་སྒྲོག་པའོ། །ཆོས་བསྟན་པ་ཐམས་ཅད་
D44.037.0211a05.01མི་ཟད་པས་བྱང་ཆུབ་སེམས་དཔའ་རྣམས་ཀྱི་ངག་ནི་སྙིང་པོ་དང་ལྡན་པའོ། །སྒྲ་ཇི་ལྟ་བ་བཞིན་དུ་ཁོང་དུ་ཆུད་པར་བྱེད་པས། བྱང་ཆུབ་སེམས་དཔའ་རྣམས་ཀྱི་ངག་ནི་ཤིན་ཏུ་གསལ་བའོ། །དུས་དང་ལས་དང་རྣམ་པར་སྨིན་པ་ཇི་ལྟ་བ་བཞིན་དུ་
D44.037.0211a06.01ཡོངས་སུ་སྟོན་པས། བྱང་ཆུབ་སེམས་དཔའ་རྣམས་ཀྱི་ངག་ནི་རྣམ་པ་ཐ་དད་པའོ། །བསམ་པ་ཇི་ལྟ་བ་བཞིན་དུ་རྣམ་པར་སྤྱོད་པ་ལ་འཇུག་པར་བྱེད་པས་བྱང་ཆུབ་སེམས་དཔའ་རྣམས་ཀྱི་ངག་ནི་འགྲོ་བ་ཐམས་ཅད་ལ་འགྲོ་བའོ། །ཀྱེ་རྒྱལ་བའི་སྲས་
D44.037.0211a07.01