完整藏文原文 · 德格版页 当前仅加载第 37 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལས་ཕྱིར་མི་ལྡོག་པའི་ཡེ་ཤེས་ཀྱི་དབང་དང་། བདུད་ཐམས་ཅད་ཤིན་ཏུ་ཕམ་པར་བྱ་བའི་ཡེ་ཤེས་ཀྱི་དབང་དང་། གང་དུ་དགའ་བར་འགྲོ་བར་བྱང་ཆུབ་ཀྱི་སེམས་བསྐྱེད་པའི་ཡེ་ཤེས་ཀྱི་དབང་དང་། སངས་རྒྱས་ཐམས་ཅད་ཀྱི་བྱང་ཆུབ་ནམ་འདོད་པ་
D44.037.0159b01.01ན་མངོན་པར་རྫོགས་པར་འཚང་རྒྱ་བའི་ཡེ་ཤེས་ཀྱི་དབང་ངོ་། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དབང་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོའི་དབང་བླ་ན་མེད་པ་འཐོབ་
D44.037.0159b02.01བར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མི་གནས་པ་སྟེ། བཅུ་གང་ཞེ་ན་འདི་ལྟར་འཇིག་རྟེན་གྱི་ཁམས་ཐམས་ཅད་ལ་མི་གནས་པ་དང་། སེམས་ཅན་ཐམས་ཅད་ལ་མི་གནས་པ་དང་།
D44.037.0159b03.01ཆོས་ཐམས་ཅད་ལ་མི་གནས་པ་དང་། བྱ་བ་ཐམས་ཅད་ལ་མི་གནས་པ་དང་། དགེ་བའི་རྩ་བ་ཐམས་ཅད་ལ་མི་གནས་པ་དང་། སྐྱེ་བའི་སྐྱེ་མཆེད་ཐམས་ཅད་ལ་མི་གནས་པ་དང་། སྨོན་ལམ་ཐམས་ཅད་ལ་མི་གནས་པ་དང་། སྤྱོད་པ་ཐམས་
D44.037.0159b04.01ཅད་ལ་མི་གནས་པ་དང་། བྱང་ཆུབ་སེམས་དཔའ་ཐམས་ཅད་ལ་མི་གནས་པ་དང་། སངས་རྒྱས་ཐམས་ཅད་ལ་མི་གནས་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་མི་གནས་པ་སྟེ། དེ་དག་ལ་གནས་ཤིང་བྱང་
D44.037.0159b05.01ཆུབ་སེམས་དཔའ་རྣམས་སེམས་ཡངས་པར་བསྒྱུར་བ་ཡོངས་སུ་ཤེས་པའི་ཡེ་ཤེས་ཡོངས་སུ་དག་ཅིང་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་མཉམ་པ་ཉིད་དེ།
D44.037.0159b06.01བཅུ་གང་ཞེ་ན་འདི་ལྟར་བསོད་ནམས་ཐམས་ཅད་བསྩགས་པ་ལ་སེམས་མཉམ་པ་ཉིད་དང་། སྨོན་ལམ་རྣམ་པ་ཐ་དད་པས་འབྱུང་བ་ཐམས་ཅད་ལ་སེམས་མཉམ་པ་ཉིད་དང་། སེམས་ཅན་གྱི་རིགས་ཐམས་ཅད་ལ་སེམས་མཉམ་པ་ཉིད་དང་། སེམས་
D44.037.0159b07.01