完整藏文原文 · 德格版页 当前仅加载第 37 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ཐམས་ཅད་དུ་འཇུག་པ་ལ་སེམས་བསྐྱེད་པ་རྒྱ་ཆེན་པོ་མཐའ་དང་དབུས་མེད་པ་དང་། དེ་བཞིན་གཤེགས་པ་ཐམས་ཅད་ཀྱི་དབྱིངས་རྣམ་པར་བལྟ་བ་ལ་སེམས་བསྐྱེད་པ་རྒྱ་ཆེན་པོ་མཐའ་དང་དབུས་མེད་པའོ། །ཀྱེ་རྒྱལ་བའི་
D44.037.0195b01.01སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་རྒྱ་ཆེན་པོ་མཐའ་དང་དབུས་མེད་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་མཐའ་དང་དབུས་མེད་པ་ཐམས་ཅད་ཀྱི་ཡེ་
D44.037.0195b02.01ཤེས་ཆེན་པོ་རྒྱ་མཚོ་ལྟ་བུར་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་གཏེར་ཏེ། བཅུ་གང་ཞེ་ན། འདི་ལྟར་ཆོས་ཐམས་ཅད་ལ་བགྲང་པས་སྦྱར་བའི་གཏེར་
D44.037.0195b03.01དང་། ཆོས་ཐམས་ཅད་ལ་ངེས་པར་རྟོགས་པའི་གཏེར་དང་། ཆོས་ཐམས་ཅད་ལ་གཟུངས་སྣང་བའི་གཏེར་དང་། ཆོས་ཐམས་ཅད་ལ་སོ་སོ་ཡང་དག་པར་རིག་པས་རབ་ཏུ་སྣང་བའི་གཏེར་དང་། ཆོས་ཐམས་ཅད་ལ་བརྗོད་དུ་མེད་
D44.037.0195b04.01པའི་ཚུལ་མཁས་པར་ཁོང་དུ་ཆུད་པའི་གཏེར་དང་། སངས་རྒྱས་ཀྱི་རྣམ་པར་འཕྲུལ་པ་དང་། ཆོ་འཕྲུལ་ཐམས་ཅད་ལ་སོ་སོར་རྟོག་ཅིང་བལྟ་བའི་གཏེར་དང་། ཆོས་ཐམས་ཅད་ལ་མཉམ་པ་ཉིད་དུ་མངོན་པར་བསྒྲུབ་པར་མཁས་
D44.037.0195b05.01པའི་གཏེར་དང་། སངས་རྒྱས་ཐམས་ཅད་མཐོང་བ་དང་། མི་འབྲལ་བའི་གཏེར་དང་། སྒྱུ་མ་ལྟ་བུའི་བསྐལ་པ་བསམ་གྱིས་མི་ཁྱབ་པ་ཡོངས་སུ་གྲུབ་པར་འཇུག་པ་ལ་མཁས་པའི་གཏེར་དང་། སངས་རྒྱས་དང་བྱང་ཆུབ་
D44.037.0195b06.01སེམས་དཔའ་ཐམས་ཅད་ལ་དགའ་བ་དང་རབ་ཏུ་དགའ་བ་དང་། མོས་པ་ཆེན་པོ་རབ་ཏུ་རྙེད་པའི་གཏེར་རོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་གཏེར་ཏེ། དེ་དག་ལ་གནས་ཤིང་བྱང་ཆུབ་སེམས་
D44.037.0195b07.01