完整藏文原文 · 德格版页 当前仅加载第 37 函德格 312b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་ཚིག་དང་ཡི་གེ་རེ་རེའི་ཕྱིར། ལུས་གྲངས་མེད་པ་ཡོངས་སུ་གཏང་བ་ཡོངས་སུ་བསྟན་པའི་སྒོ་དང་། དེ་བཞིན་གཤེགས་པ་ཐམས་ཅད་ཀྱི་དྲུང་དུ་འགྲོ་ཞིང་ཆོས་ཐམས་ཅད་ཡོངས་སུ་དྲི་བའི་སྒོ་དང་། དུས་ལ་ཇི་ལྟར་འབབ་པ་དང་། བསམ་པ་ཇི་ལྟ་བ་བཞིན་དུ་འགྲོ་
D44.037.0312b01.01བའི་དྲུང་དུ་འགྲོ་ཞིང་ཐམས་ཅད་མཁྱེན་པ་ཉིད་དུ་ཡོངས་སུ་སྨིན་པར་འགྱུར་བ་ཐོབ་པར་བྱ་བའི་ཚུལ་རྒྱ་མཚོ་སྣང་བའི་རྣམ་པར་{དམྱིགས་,དམིགས་}པར་བྱ་བའི་སྒོ་དང་། བྱང་ཆུབ་སེམས་དཔའི་བསོད་ནམས་དང་ཡེ་ཤེས་ཀྱི་ཚོགས་ཐམས་ཅད་བདུད་དང་། ཕས་ཀྱི་རྒོལ་བས་{མྱི་,མི་}ཚུགས་པའི་སྟོབས་
D44.037.0312b02.01ཀྱི་རྒྱལ་མཚན་ཡོངས་སུ་བསྟན་པའི་སྒོ་དང་། བཟོ་ཐམས་ཅད་ཤེས་ཤིང་མཁས་པ་དང་ལྡན་པའི་ཡེ་ཤེས་ཀྱིས་ཡོངས་སུ་བསྟན་པའི་སྒོ་དང་། འགྲོ་བ་ཐམས་ཅད་ལས་ཁྱད་པར་དུ་འཕགས་པར་ཤེས་ཤིང་མཁས་པ་དང་ལྡན་པའི་ཡེ་ཤེས་ཀྱིས་ཡོངས་སུ་བསྟན་པའི་སྒོ་
D44.037.0312b03.01དང་། སེམས་ཅན་ཐམས་ཅད་ཀྱི་བསམ་པའི་ཁྱད་པར་ཤེས་ཤིང་མཁས་པ་དང་ལྡན་པའི་ཡེ་ཤེས་ཀྱིས་ཡོངས་སུ་བསྟན་པའི་སྒོ་དང་། སེམས་ཅན་ཐམས་ཅད་ཀྱི་དབང་པོ་ལ་འཇུག་པའི་ཐབས་ཀྱིས་ཉོན་མོང་པ་དང་། བག་ཆགས་སྣ་ཚོགས་ཡང་དག་པར་གཞོམ་པ་
D44.037.0312b04.01ལ་ཤེས་ཤིང་མཁས་པ་དང་ལྡན་པའི་ཡེ་ཤེས་ཀྱིས་ཡོངས་སུ་བསྟན་པའི་སྒོ་དང་། དེ་དག་ལ་{སྩོགས་,སོགས་}པ་སེམས་ཅན་ཡོངས་སུ་སྨིན་པར་བྱ་བ་དང་། གདུལ་བའི་ཐབས་དང་བསྡུ་བའི་སྒོ། སངས་རྒྱས་ཀྱི་ཞིང་བརྗོད་དུ་{མྱེད་,མེད་}པའི་རྡུལ་ཤིན་ཏུ་ཕྲ་བ་སྙེད་ཀྱིས་བྱང་ཆུབ་
D44.037.0312b05.01སེམས་དཔའ་དེ་དག་སེམས་ཅན་ཐམས་ཅད་ཀྱི་གནས་སུ་ཕྱིན་པར་སྣང་སྟེ། ལ་ལ་ནི་ལྷའི་གནས་སུ་ཕྱིན་པར་སྣང་ངོ་། །ལ་ལ་ནི་ཀླུའི་གནས་སུ་ཕྱིན་པར་སྣང་ངོ་། །ལ་ལ་ནི་གནོད་སྦྱིན་གྱི་གནས་སུ་ཕྱིན་པར་སྣང་ངོ་། །ལ་ལ་ནི་དྲི་ཟའི་གནས་སུ་ཕྱིན་པར་སྣང་ངོ་། །ལ་
D44.037.0312b06.01ལ་ནི་ལྷ་མ་ཡིན་གྱི་གནས་སུ་ཕྱིན་པར་སྣང་ངོ་། །ལ་ལ་ནི་ནམ་མཁའ་ལྡིང་གི་གནས་སུ་ཕྱིན་པར་སྣང་ངོ་། །ལ་ལ་ནི་མི་འམ་ཅིའི་གནས་སུ་ཕྱིན་པར་སྣང་ངོ་། །ལ་ལ་ནི་ལྟོ་འཕྱེ་ཆེན་པོའི་གནས་སུ་ཕྱིན་པར་སྣང་ངོ་། །ལ་ལ་ནི་ཚངས་པའི་དབང་པོའི་གནས་སུ་ཕྱིན་པར་སྣང་ངོ་། །
D44.037.0312b07.01