完整藏文原文 · 德格版页 当前仅加载第 37 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་ཀྱིས་དེ་བཞིན་གཤེགས་པ་ལ་འཇུག་པ་སྟེ། བཅུ་གང་ཞེ་ན་འདི་ལྟར་མུ་མེད་པའི་མངོན་པར་རྫོགས་པར་བྱང་ཆུབ་པ་ལ་འཇུག་པ་དང་། མུ་མེད་པའི་ཆོས་ཀྱི་འཁོར་ལོ་བསྐོར་བ་ལ་འཇུག་པ་དང་། མུ་མེད་པའི་ཆོས་ཀྱི་
D44.037.0151a01.01ཚུལ་ལ་འཇུག་པ་དང་། མུ་མེད་པའི་དབྱངས་ཀྱི་དཀྱིལ་འཁོར་ལ་འཇུག་པ་དང་། མུ་མེད་པའི་སེམས་ཅན་འདུལ་བ་ལ་འཇུག་པ་དང་། མུ་མེད་པའི་རྫུ་འཕྲུལ་གྱིས་རྣམ་པར་འཕྲུལ་པ་ལ་འཇུག་པ་དང་། མུ་མེད་པའི་སྐུ་སྣ་ཚོགས་ལ་འཇུག་པ་དང་། མུ་མེད་
D44.037.0151a02.01པའི་ཏིང་ངེ་འཛིན་ལ་འཇུག་པ་དང་། མུ་མེད་པའི་སྟོབས་དང་མི་འཇིགས་པ་ལ་འཇུག་པ་དང་། མུ་མེད་པའི་མྱ་ངན་ལས་འདས་པ་ཡོངས་སུ་བསྟན་པའོ། ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དེ་བཞིན་གཤེགས་པ་ལ་འཇུག་
D44.037.0151a03.01པ་སྟེ། འཇུག་པ་དེ་དག་གིས་ནི་འདས་པ་དང་། མ་བྱོན་པ་དང་ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ལ་འཇུག་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཅན་གྱི་བསམ་པ་དང་། སྤྱོད་པ་ལ་འཇུག་པ་སྟེ། སེམས་ཅན་གྱི་བསམ་པ་དང་སྤྱོད་པ་ལ་འཇུག་པ་
D44.037.0151a04.01དེ་དག་གིས་ནི། བྱང་ཆུབ་སེམས་དཔའ་རྣམས་སེམས་ཅན་ཐམས་ཅད་ཀྱི་བསམ་པ་དང་། སྤྱོད་པ་ལ་རབ་ཏུ་འཇུག་གོ །བཅུ་གང་ཞེ་ན་འདི་ལྟར་སེམས་ཅན་ཐམས་ཅད་ཀྱི་སྔོན་གྱི་མཐའི་སྤྱོད་པ་ལ་འཇུག་པ་དང་། སེམས་ཅན་ཐམས་ཅད་ཀྱི་ཕྱི་མའི་མཐའི་སྤྱོད་
D44.037.0151a05.01པ་ལ་འཇུག་པ་དང་། སེམས་ཅན་ཐམས་ཅད་ཀྱི་ད་ལྟར་བྱུང་བའི་སྤྱོད་པ་ལ་འཇུག་པ་དང་། སེམས་ཅན་ཐམས་ཅད་ཀྱི་དགེ་བའི་སྤྱོད་པ་ལ་འཇུག་པ་དང་། སེམས་ཅན་ཐམས་ཅད་ཀྱི་མི་དགེ་བའི་སྤྱོད་པ་ལ་འཇུག་པ་དང་། སེམས་ཅན་ཐམས་ཅད་ཀྱི་
D44.037.0151a06.01སེམས་ཀྱི་སྤྱོད་པ་ལ་འཇུག་པ་དང་། སེམས་ཅན་ཐམས་ཅད་ཀྱི་དབང་པོའི་སྤྱོད་པ་ལ་འཇུག་པ་དང་། སེམས་ཅན་ཐམས་ཅད་ཀྱི་མོས་པ་སྣ་ཚོགས་ཀྱི་སྤྱོད་པ་ལ་འཇུག་པ་དང་། སེམས་ཅན་ཐམས་ཅད་ཀྱི་ཉོན་མོངས་པའི་བག་ཆགས་དང་བག་ལ་ཉལ་བའི་སྤྱོད་
D44.037.0151a07.01