完整藏文原文 · 德格版页 当前仅加载第 37 函德格 356a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་ནས། འཇིག་རྟེན་རྣམས་ལ་མདོག་གསེར་གྱི་ཁ་དོག་ལྟ་བུ་མངོན་པར་སྟོན་ཅིང་། ཁྲོ་བ་མེད་པ་དང་། འཁྲུག་པ་མེད་པ་དང་། ཤར་གཉེར་བ་མེད་པ་དང་། ཞེ་སྡང་བ་མེད་
D44.037.0356a01.01པ་དང་། ཆུད་གསོན་པ་མེད་པ་དང་། ཁོང་ཁྲོ་བ་མེད་པའི་སེམས་ལ་སེམས་ཅན་རབ་ཏུ་དགོད་པ་དང་། བྱོལ་སོང་གི་སྐྱེ་གནས་ཀྱི་ལམ་གྱི་རྒྱུད་ཐམས་ཅད་ཡོངས་སུ་གཅོད་པའི་ཕྱིར། བ་སྤུའི་སྒོ་ཐམས་ཅད་ནས་བཟོད་པའི་ཕ་རོལ་ཏུ་ཕྱིན་པ་དང་
D44.037.0356a02.01ལྡན་པའི་དེ་བཞིན་གཤེགས་པའི་སྔོན་གྱི་སྦྱོར་བའི་སྤྲིན་རབ་ཏུ་འགྱེད་ཅིང་བཟོད་པའི་སྟོབས་ལ་སེམས་ཅན་རབ་ཏུ་དགོད་པ་དང་། ཆོས་ལ་དབང་བསྒྱུར་བ་ལ་སེམས་ཅན་རབ་ཏུ་སྣང་བར་བྱེད་པ་མཐོང་ངོ་། །ཡང་བྱང་ཆུབ་སེམས་དཔའ་སངས་རྒྱས་
D44.037.0356a03.01ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་སྟེ། བྱང་ཆུབ་སེམས་དཔའི་བརྩོན་འགྲུས་ཀྱི་སྟོབས་མཐའ་ཡས་པ་ཤིན་ཏུ་སྟོན་ཅིང་། ཐམས་ཅད་མཁྱེན་པ་ཉིད་དུ་བརྩམས་པ་ལས་ཕྱིར་{མྱི་,མི་}ལྡོག་པའི་སྟོབས་ཀྱིས་ཐོས་པ་རྒྱ་མཚོ་ཡོངས་སུ་བཙལ་
D44.037.0356a04.01བས་མི་སྐྱོ་བར་བྱ་བ་ཡོངས་སུ་བརྗོད་པ་དང་། དེ་བཞིན་གཤེགས་པ་ཐམས་ཅད་མཆོད་ཅིང་རིམ་གྲོ་བྱ་བ་ལ་སེམས་ཅན་རབ་ཏུ་གཟུད་པ་དང་། སྡུག་བསྔལ་གྱི་ཕུང་པོ་ཐམས་ཅད་རྣམ་པར་བཟློག་པའི་བརྩོན་འགྲུས་ཆེན་པོ་ལ་སེམས་ཅན་རབ་ཏུ་
D44.037.0356a05.01དགོད་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ལྡན་པའི་སྔོན་གྱི་སྦྱོར་བ་མང་པོའི་སྤྲིན་ལུས་ཐམས་ཅད་ལས་རབ་ཏུ་འགྱེད་ཅིང་བྱང་ཆུབ་སེམས་དཔའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་སྤྱོད་པ་ཡོངས་སུ་བསྟན་པ་དང་། སེམས་
D44.037.0356a06.01ཅན་རྣམས་ཀྱི་ལེ་ལོའི་རི་རྣམ་པར་གཏོར་བ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སེམས་ཅན་རབ་ཏུ་དགོད་པ་དང་ལས་ལ་དབང་བསྒྱུར་བ་ལ་འཇིག་རྟེན་རབ་ཏུ་གཟུད་པ་དང་། རྒྱུན་མི་ཆད་པར་བརྩོན་པར་བྱེད་པ་མཐོང་ངོ་། །ཡང་བྱང་ཆུབ་
D44.037.0356a07.01