完整藏文原文 · 德格版页 当前仅加载第 37 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་ཀྲུང་གཅིག་བཅས་པས། ཉིན་མཚན་གྱི་རྒྱུད་དུ་སྔོན་གྱི་མཐའ་དང་། ཕྱི་མའི་མཐའི་མུར་གཏོགས་པའི་བསྐལ་པ་འདས་པར་བཞུགས་ཀྱང་། སྐུ་མི་གཡོ་ཞིང་བདེ་བའི་དམ་པ་ལ་སྤྱོད་པ་དང་། སངས་རྒྱས་ཀྱི་རྣམ་པར་སྤྱོད་པ་བསམ་གྱིས་
D44.037.0032a01.01མི་ཁྱབ་པར་རྣམ་པར་སྤྱོད་ཀྱང་། སེམས་ཅན་འགའ་ཙམ་ལ་ཡང་སངས་རྒྱས་ཀྱི་ཕྲིན་ལས་རྒྱུན་འཆད་པར་མི་འགྱུར་རོ། །དེ་བཞིན་གཤེགས་པའི་སྐུ་དེ་ལ་འཇིག་རྟེན་གྱི་ཁམས་ཐམས་ཅད་ཡོངས་སུ་བཀོད་དེ། འཇིག་རྟེན་གྱི་ཁམས་དེ་དག་གི་སེམས་ཅན་གཅིག་
D44.037.0032a02.01གི་ལུས་ཀྱང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཙམ་དུ་ཆེ་བ་དེ་ལྟ་བུར་གྱུར་ལ། སེམས་ཅན་གཅིག་གི་ལུས་ཀྱི་ཚད་ཇི་ཙམ་པ་དེ་ཙམ་གྱི་ལུས་སུ་སེམས་ཅན་ཐམས་ཅད་ཀྱང་གྱུར་ལ། སེམས་ཅན་དེ་དག་རེ་རེའི་
D44.037.0032a03.01གཟུགས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་ལྕིད་ཇི་ཙམ་ཡོད་པ་དེ་ཙམ་དུ་གྱུར་ཏེ། སེམས་ཅན་གཅིག་ཇི་ལྟར་ལྕི་བ་བཞིན་དུ་སེམས་ཅན་ཐམས་ཅད་རེ་རེའི་ལྕིད་ཀྱང་དེ་ཙམ་དུ་གྱུར་ཏེ། སེམས་ཅན་དེ་དག་ཐམས་ཅད་དེ་བཞིན་གཤེགས་པའི་ཕྱག་སོར་གྱི་
D44.037.0032a04.01རྩེ་མོ་གཅིག་ལ། །ཕྱི་མའི་མཐའི་བསྐལ་པའི་མུར་ཐུག་པར་བསྣམས་ཏེ། ཕྱག་སོར་གྱི་རྩེ་མོ་གཅིག་གིས་ཇི་ལྟར་བསྣམས་པ་དེ་བཞིན་དུ་ཕྱག་སོར་ཐམས་ཅད་ཀྱི་རྩེ་མོ་ལའང་། དེ་ཙམ་རེ་རེ་བསྣམས་ཀྱང་། དེའི་ཕྱིར་དེ་བཞིན་གཤེགས་པ་ལ་སྐུ་མཉེལ་
D44.037.0032a05.01བ་འམ། དགོངས་པ་དུབ་པར་མི་འགྱུར་ཏེ། ཐུགས་བསྐྱེད་པའི་ཆ་ཤས་ཤིན་ཏུ་ཕྲ་བ་གཅིག་ཙམ་དུ་ཡང་སྡུག་བསྔལ་མི་བདེ་བ་སྐྱེ་བར་མི་འགྱུར་རོ། །དེ་བཞིན་དུ་འཇིག་རྟེན་གྱི་ཁམས་ལ་འཇུག་པ་དང་། ནམ་མཁའི་དབྱིངས་ལ་འཇུག་པ་དང་། ཕྱོགས་
D44.037.0032a06.01ཀྱི་དྲ་བའི་རྣམ་པ་ལ་འཇུག་པ་རེ་རེ་དང་དེ་ལྟ་བུ་ལ་འཇུག་པ་ནམ་མཁའི་ཁམས་མ་ལུས་པའི་དབྱིངས་ཀྱིས་ཀླས་པ། ཆོས་ཀྱི་དབྱིངས་ཀྱི་མཐས་གཏུགས་པ་སྐྲའི་རྩེ་མོའི་ཆ་ཤས་ཀྱིས་གཞལ་བའི་འཇིག་རྟེན་གྱི་ཁམས་ལ་འཇུག་པ་ཐམས་ཅད་རེ་རེ་ཞིང་ཡང་། སྐྲའི་རྩེ་མོའི་
D44.037.0032a07.01