完整藏文原文 · 德格版页 当前仅加载第 37 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཕྱིན་པ་དྲུག་དང་། བྱང་ཆུབ་ཀྱི་སྤྱོད་པ་རྒྱུན་མི་འཆད་པ། བྱང་ཆུབ་ཀྱི་སེམས་ཡོངས་སུ་མི་གཏོང་བ། བསོད་ནམས་དང་ཡེ་ཤེས་ཀྱི་ཚོགས་ཚད་མེད་པས་ཡོངས་སུ་བཟང་བ་ཡོད་དེ། ཉན་ཐོས་ཀྱི་ཐེག་པ་ནི་གཞན་གྱི་སྒྲའི་རྗེས་སུ་འབྲང་བའོ། །རང་
D44.037.0101b01.01སངས་རྒྱས་ཀྱི་ཐེག་པ་ནི་ཤིན་ཏུ་ཆུང་བའོ། །ཐེག་པ་ཆེན་པོ་ནི་ཐེག་པའི་དམ་པ། ཐེག་པའི་གཙོ་བོ། །ཐེག་པའི་མཆོག་སྟེ། བླ་ན་མེད་པའི་ཐེག་པ་སེམས་ཅན་ཐམས་ཅད་ཉེ་བར་འཚོ་བའི་ཐེག་པའོ། །སྒྲ་དེ་ཐོས་ནས་ཀྱང་སེམས་ཅན་དེ་བས་ཀྱང་ཡངས་
D44.037.0101b02.01བ་ལ་མོས་པ། དབང་པོ་རྣོ་བ། སྔོན་དགེ་བའི་རྩ་བ་བསྐྱེད་པ། དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་དུ་བརླབས་པ། དེ་དག་སྙིང་ཐག་པ་ནས་དེ་བཞིན་གཤེགས་པ་རང་བྱུང་གི་བྱང་ཆུབ་ཏུ་སེམས་བསྐྱེད་དེ། དེ་བཞིན་གཤེགས་པའི་
D44.037.0101b03.01གསུང་དེ་ཡང་སྐུ་ལས་འབྱུང་བ་མ་ཡིན། །ཐུགས་ལས་འབྱུང་བ་མ་ཡིན་ཏེ། སེམས་ཅན་རྣམས་ཀྱི་དགེ་བའི་ལས་ཤིན་ཏུ་བསྩགས་པས་ཁོང་དུ་ཆུད་པར་འགྱུར་བ་མེད་པའང་མ་ཡིན་ནོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་དང་པོ་འདིས་ཀྱང་།
D44.037.0101b04.01བྱང་ཆུབ་སེམས་དཔའ་སེམས་དཔའ་ཆེན་པོས། དེ་བཞིན་གཤེགས་པའི་གསུང་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རི་དང་གཅོང་རོང་དང་། བྲག་གི་སུལ་དང་མཚམས་ནས། སྒྲ་བརྙན་གྲགས་པ་ནི་འཇིག་རྟེན་ཀུན་
D44.037.0101b05.01ལའང་མཚུངས་པར་གྲག་སྟེ། ལུས་མེད་ཅིང་བལྟར་མི་སྣང་ལ། གཞན་གྱི་སྒྲའི་རྐྱེན་ལ་རྟེན་ཏེ། སྒྲ་ཐམས་ཅད་ཀྱི་ཚུལ་དང་སྒྲ་བརྙན་དེ་དག་འབྱུང་ཡང་དེ་ལ་རྣམ་པར་རྟོག་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པའི་གསུང་ཡུལ་ན་མི་གནས་
D44.037.0101b06.01ཕྱོགས་ན་མི་གནས་པ་སྟེ། འོན་ཀྱང་སེམས་ཅན་གྱི་བསམ་པ་དང་མོས་པ་ལ་རྟེན་ཅིང་འབྱུང་བ་མེད་པ་ཡང་མ་ཡིན་ཏེ། དེ་ནི་སྒྲ་རྣམ་པར་{དམྱིགས་,དམིགས་}པ་{མྱེད་,མེད་}ཅིང་བརྗོད་དུ་མེད་པའོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་གཉིས་པ་འདིས་ཀྱང་། བྱང་ཆུབ་
D44.037.0101b07.01