完整藏文原文 · 德格版页 当前仅加载第 37 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲེས་ཏེ། རྡུལ་གྱི་འབྲུ་རེ་རེ་ལ་ཡང་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འབྲས་བུ་མངོན་པར་གྲུབ་པར་གྱུར་ཀྱང་། དེ་དག་ཐམས་ཅད་བྱང་ཆུབ་སེམས་དཔའི་ཤའི་མིག་གིས་བསྒྲིབས་པ་མེད་པར་མཐོང་སྟེ། ལག་ན་རིན་པོ་
D44.037.0063a01.01ཆེ་བྱང་ཆུབ་སེམས་དཔའི་ཤའི་མིག་ལས་ཀྱི་རྣམ་པར་སྨིན་པས་ཡོངས་སུ་གྲུབ་པ་དེས་ནི། སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱའི་རྡུལ་ཤིན་ཏུ་ཕྲ་བ་སྙེད་ཀྱི་དེ་བཞིན་གཤེགས་པ་སེམས་སྐད་ཅིག་གིས་མཐོང་སྟེ། དེ་ནི་འཇིག་རྟེན་གྱི་ཁམས་བཅུའི་རྡུལ་
D44.037.0063a02.01ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་ལ་དབང་བསྒྱུར་ཞིང་། འཁོར་ལོས་སྒྱུར་བའི་རྒྱལ་པོའི་ས་གསེར་གྱི་དྲ་བས་དག་པ་ཐོབ་པའི་བསོད་ནམས་རྣམ་པར་སྨིན་པ་དང་། དགེ་བའི་རྩ་བ་དང་། ཏིང་ངེ་འཛིན་གྱིས་ཡོངས་སུ་གྲུབ་པའི་ཤེལ་གྱི་མེ་ལོང་
D44.037.0063a03.01སྒྲོན་མ་ཞེས་བྱ་བ་མདོག་དག་སྟེ་བཟང་ཞིང་གསལ་བ་བཞིན་ནོ། །ཤིན་ཏུ་རྒྱས་པ་ཆེན་པོའི་མདོ་སངས་རྒྱས་ཕལ་པོ་ཆེ་ཞེས་བྱ་བ་ལས། དཔེ་བྱད་བཟང་པོའི་འོད་ཟེར་བསྟན་པའི་ལེའུ་སྟེ་བཞི་བཅུ་གཅིག་པའོ།། །།སངས་རྒྱས་རྨད་
D44.037.0063a04.01གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བདུན་པ། དེ་ནས་ཡང་བྱང་ཆུབ་སེམས་དཔའ་ཀུན་ཏུ་བཟང་པོས། བྱང་ཆུབ་སེམས་དཔའ་དེ་དག་ལ་སྨྲས་པ། ཀྱེ་རྒྱལ་བའི་སྲས་དག་དེ་ནི་སེམས་ཅན་གྱི་སྣོད་ཇི་ལྟ་བ་བཞིན་དུ་ཡང་
D44.037.0063a05.01དག་པར་རྫོགས་པའི་སངས་རྒྱས་ལ་དམིགས་ཏེ་རྡུལ་ཙམ་ཞིག་བརྗོད་དུ་ཟད་དོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དག་སེམས་ཅན་མི་མཁས་པ་འགྱོད་པས་ཀུན་ནས་ནོན་པ། བདག་དང་བདག་གིར་བྱ་བ་ལ་མངོན་པར་ཞེན་པ། འཇིག་ཚོགས་
D44.037.0063a06.01ལ་ཤིན་ཏུ་ཆགས་པ། ཕྱིན་ཅི་ལོག་ལ་རབ་ཏུ་རྟེན་པ། ཐེ་ཚོམ་ལ་རབ་ཏུ་གཞོལ་བ། ལོག་པར་ལྟ་བ་ཡོངས་སུ་རྟོག་པས་བྱུང་བ། རྨོངས་པས་བསྒྲུབས་པ། འཁོར་བའི་རྒྱུད་དུ་གཞོལ་བ། དེ་བཞིན་གཤེགས་པའི་ལམ་དང་མི་ལྡན་པ་རྣམས་ཀྱི་དོན་དུ། །
D44.037.0063a07.01